Podoaa 23:24 - Wunta Mempori

²⁴ Kitao, asa tongku anu mentade kana singa waino, ka mentade moleo kana singa lakino anu nahi pomboleo koroino, ba napi kaano rinakono ka mo'inu reano pinongko'alano anu pinepateno.”

Podoaa 23:24 ပူးပေါင်းရင်းမြစ်များ

Tegagia 49:27

I Benami kana Serigala anu momperangkami; i tempono mo'oru ikaano pinongko'alano ka i tempono ngkiniwia itia-tiao rinontuno.”

Tegagia 49:9

I Yehuda kana anano singa. Umari morako, komewuatako mantande, hei anaku. Onae me'opo ka mepombole kana singa lakino ke singa waino, isemake anu mosia wanguo?

1 Mokole 10:20

Hopulu ka orua singa mentade i wawono onoo ana ensa atuu, mompombali. Napi hori wineweu anu kanatuu maupo a poparentaa isua.

2 Tawarika 9:18

Kadera poparentaa atuu hinao onoo ana ensano. Pentoroano karuno anu wineweu inso a wulaa pinotako a ngkadera poparentaa atuu. A orua apano pentoroa, hinao hondaano kae ka orua singa mentade i horino hondaano kae atuu.

Po'unde-unde 17:12

Rupado kana singa anu po'eheno ta momperangkami, kana singa mongura anu mompora a mpo'ianga anu tewuni.

Powadi 30:30

singa, anu lalu moroso i olono kondehora, anu nahi ponsuka maupo hapa;

Yesaya 31:4

Hangano kanandiomo pau-Do i Ue ndi ongkue: Kana asa singa ke singa mongura bamburu kumorahakono pinongko'alano, ka nahi tededengke rumongeo peboolido luwuno bawaano puu mpopakambi anu tinena umewaio, ka nahi tenangi a magagado, kanatuumo Ondae Ueno luwuakoano Ira metii metea a wawo ntorukuno Sioni ka a wawo pongkuno.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Amosi 3:8

Singa mengaoliomo, isemake nahi doito? Ondae Ue Ala mepau Iramo, isemake anu nahi pompau anu ta gagi?”

Nahumi 2:11

Isuamo pewuniado singa ka kunepodo singa mongura, po'iangado singa mpekule-kule, po'iangano anano singa, ba isua nahina rumerenggotio?

Nahumi 2:12

Mararu singa atuu momperangkami ka isompo kaangado anano, montolonggeo pinerangkamino tiado wainono, ka aano ibuketiakono kaanga ka pinerangkamino a mpewuniano.

Sakaria 12:6

I tempo atuu Aku weweu ira luwuno petewawa suku Yehuda kana polu me'api i tonga-tongano howuno keu ka kana pansona me'api i tonga-tongano howuno tonggino gandu. Api ko'oruano ta kumaano luwuno tongku petengi-tengino, i koana ka i manggali. Sine Yerusale lembuino ta kongko mpiha a mpo'iangano, i Yerusale.

Podoaa 23:25

Ka i'amba motae i Bala ndi Bilea, ”Tewala nahi ubehe ntu'u tumotonaa ira, osi'i ntu'u ronso ira.”

Podoaa 24:17

Kukitao, sine komba kanandio-andio, kukitao, sine napi umpeda. Anano wula mesabaako inso ndi Yako, tuko poparentaa me'umbaako inso i Isaraeli, ka puro ira nipi-nipido to Moabi, ka mokotampulao luwu anano i Seti.

Winali 33:20

Mongkona i Gadi, ipotae, ”Unde-unde Iramo anu mokomaluao witano i Gadi. Kana singa mo'ia ka momperangkami tokia, maupo banga ulu.

MENGKAAA 5:5

Ka i'amba mepauomo asa mia inso a mia mempinemota'u atuudo ndi ongkue, ”Si pengese! Menteeano, singa inso a nsuku Yehuda, onaemo tumbano i Daudi monangiomo, onaemo ka Dopokowileo paluluno wunta atuu ka umungkahio opitu tondonino.”