Podoaa 23:21 - Wunta Mempori

²¹ Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

Podoaa 23:21 ပူးပေါင်းရင်းမြစ်များ

2 Tawarika 13:12

Kitaomo, Ondae Ue Ala saru omami gagi petewawa. Luwuno sando mpesomba-Do tetinda mpopuuri petondoni sumapoi komiu saru napiri luwuno petondoni. Oo, to isaraeli, si mpetea umewai Ira i Ue, Ue Alado uempu'umiu, hangano nahi komiu mponangi!”

Po'unde-unde 103:12

kana olaino sabaano oleo inso i sumooano oleo, kanatuumo Dopoko'olaio polimpa'ito.

Po'unde-unde 118:15

Suara kokora-kora memawongko ka ponangia teronge a ngkemado mia mentee, ”Kae ngkoana-Do i Ue moroso montulungi,

Po'unde-unde 135:21

Unde-unde Iramo i Ue inso i Sioni, Ondae anu mo'ia i Yerusale! Haleluya!

Po'unde-unde 23:4

Maupo kupelempa a lembono wongi-wongia, nahina dinoitoakoku, hangano Omiu kumongkomi aku; tarasulu-Miu ka tuko-Miu, onaemo anu mokoroso aku.

Po'unde-unde 32:2

Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Po'unde-unde 97:1

Ondaemo i Ue Mokole! Po'ineeomo tolino ka ikokora-kora, po'ineeomo domemawongko luwuno togo!

Po'unde-unde 99:2

Ondae i Ue tedoa langkai pabawa-Do i Sioni, Ondae mantande i wawono luwuno tongku.

Peluarakoa 13:21

Ondae i Ue melempa i arodo, tempono meene hiano tondonino a nseru tumaate ira a nsala, ka i tempono woongi hinao tondonino a api anu wantahio salado, onaemo ka dompokompelempa meene ka woongi.

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Peluarakoa 34:9

Ipotae, ”Tewala mohawe aku pompehohawa i aro-Miu, oo Ue, Ikongkomi kamimo, oo Ue. Lano tongku andio me'ulu watu, sine I'oninio sala ka hala mami, ka Ipokogagi kamimo bawaa-Miu.”

Yesaya 1:18

Aiwamo, moikoomo tompekara-kara! Pau-Do i Ue. Tewala halamu motaha kana kirimisi, ta gagi mopute kana seru baku; tewala motaha kana kasumba, ta gagi mopute kana wulu bimba.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 33:21

I ra'ai Ondae i Ue atuu maramba Ira ntu'u ndi ontae, kana po'ianga bukeako korono ka waaano anu malua; nahi telaloio bangka binose, ka nahi sakio kapala langkai.

Yesaya 33:22

Hangano, Ondaemo i Ue puu mpobitarato, Ondaemo i Ue tadulako sorodaduto; Ondaemo i Ue mokoleto, Ira kumadudui kita.

Yesaya 38:17

Menteeano, pompemarasai anu pinembasaiku gagiomo tekaduduiaku; Ipe'eheo ntu'u sumangaku tola inso a masolaa. Mentee ntu'u, Itadiomo luwu halaku inso i aro-Miu.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 8:10

Impotudaomo akala, manasa nahi ta gagi! Impo'alamo tepo'asaa mpau, manasa nahi ta pinokoweweu! Hangano Ondae Ue Ala kumongkomi kami!

Yeremia 50:20

I tempo atuu, kanandiomo pau-Do i Ue, mia ta mo'ungke salano i Isaraeli sine nahi pohawe, ka halano i Yehuda sine nahi pohawe, hangano Aku umoniniako ira halado mia anu Kupo'inee ira mentuwu.

Yehesikieli 48:35

Gaagi, limbuno kota atuu hopulu ka oalu nsowu hiku. Mompu'u oleo atuu neeno kota atuu: Ondae i Ue kongko i tu'ai.”

Yoeli 2:27

Komiu koa mento'orio nine Ongkue kongko i olodo to Isaraeli, ka nine Ongkuemo Ue, Ue Alamiu; nahina anu susua. Bawaa-Ku nahi ira memongkoko'ii mbo'u ranta nahina tampulaano.”

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

Podoaa 14:19

Po'ineeomo I'oninio salado tongku andio menunu saru langkaino pompehohawa-Miu, kana I'oninioko iramo salado tongku andio mompu'u inso i Masiri hawe i ndi'ai.”

Podoaa 16:3

Domelimbuo i Musa ka i Haruni, saru mpotae ndi ondae, ”Lansara komiumo! Luwuno bawaa atuu mia memempori, ka Ondae i Ue kongko i tonga-tongado. Tembio ka ipompelangka-langkai a bawaa-Do i Ue?”

Podoaa 9:22

Tempono ipenaa-naa seru atuu i wawono Kema Mempori, moiko orua oleo, asa wula ke lalu tehine, to Isaraeli mpekema mpiha ka nahi dompelungka. Sine, mansano mewuatako seru atuu, ka do'amba mpelungka.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

ROMA 6:14

Nde nami ta pabawai komiu mbo'u hala, hangano omiu komba mpo'ia i totono songka Taura, sine i totono pompohohawa.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

2 KORINTI 2:14

Sine tarimakasi ndi Ondae Ue Ala, anu wela wawa kami a nsala poponangia-Do ndi Ondae i Kerisituu. Ka mesala ndi omami Dopaleleo i sua-suamo koa mana mo'ahino tumo'ori Ira.

2 KORINTI 5:19

Hangano Ondae Ue Ala mokosintuwuo wawontolino saru koroi-Do hangano Ondae i Kerisituu ka nahi Dopototoiako ira halado. Lele pesintuwua atuu Dopeweengakonomo ndi omami.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

Winali 32:5

Mpoweweu ira mokoburu ndi Ondae, komba ana-Do mbo'u hango hinao tataado, asa ntuwua anu molengku ka mpelelengkupi.

Winali 33:5

Ondae i Ue gagi mokoledo to Yesuruni, tempono luwuno petewawado tongku mpepumpu, luwuno suku i Isaraeli mperonga-ronga.

Winali 9:24

Tendeano ime'ewai Ira i Ue, mompu'u kuto'ori komiu.

Puu Mpobitara 6:13

Sumangki i Gideo ndi Ondae, ”Tabeamiu, Ue, ba Ondae i Ue kumongkomi kami, tembio ka luwuakoano andio umalu kami? Isua ke luwuakoano wineweu-Do anu kinohali-haliako mami, kana dotutuluakami ue mpu'u mami ndi omami, dompotae: Nde komba Ondae i Ue ke anu kumongkomi kita meluarako te'inso i wita Masiri? Sine kanandio Ondae i Ue Dobinta kami ka Dopeweengako kami ia ngkaedo to Midia.”

1 Samueli 25:28

Siimo inaao i laro aroamiu koweweeno tetenaamiu andio, Ondae i Ue asalakono Ira wanguo inulemiu anu moroso, hangano omiu ueku moweweu peteaa-Do i Ue ka nahi hori moweweu anu mosa'o tempono ituwu.