Podoaa 22:6 - Wunta Mempori

⁶ Kanandio-andio aiwamo ka totonaakunemo tongku atuu, hangano moroso irapo sekono ongkue. Bara'ura aku polio numangio ka sumaario inso i wita andio, hangano kuto'orio: Isema anu rinonsomiu ta mohawe poronso ka isema anu tinotonaamiu ta tetotonaa.”

Podoaa 22:6 ပူးပေါင်းရင်းမြစ်များ

Tegagia 12:3

Aku rumonso ira mia anu rumonsoko, ka tumotonaa ira mia anu tumotonaako, ka hangano omue luwuno suku i wawontolino ira mpohawe ronso.”

Tegagia 27:29

Luwuno tongku ira ntepe'ata ndi omue, luwuno suku tongku ira mpenggolontu mpesomba ndi omue; gagimo ue a luwuno pepaekompomu, luwuno anano inemu ira mpenggolontu mpesomba ndi omue. Isema anu tumotonaako, onae tetotonaa, ka isema anu rumonsoko, onae rinonso.”

1 Mokole 22:13

Mia tinena lumako moboio i Mika atuu, motaeakono, ”Kai to'oriomo, luwudo nabi atuu ntepo'asa iramo mempopau anu moiko ndi ondae mokole. Moikoopo pinaumiu mbo'u kana pinauno asa mia inso ndi ondae ka ipompaumo anu moiko.”

1 Mokole 22:6

Ka i'amba mokoledo to Isaraeli pumpu ira luwuno nabi, bara'ura pato etu mia. Ka i'amba mesikeno ndi ondae, ”Moiko koa ke kulako metea umewaio Ramoti-Gilea ke siimo?” Mesangki ira, ”Imelakomo, Ira meweengakono i Ue a ngkaemiu mokole.”

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

Nehemia 13:2

Hangano nahi domentotowoako ira roti ka uwoi to Isaraeli, tendeano tumamboo i Bileami umewai ira to Isaraeli ka itotonaa ira. Sine Ondae Ue Alamami balio totonaa atuu gagi ronso.

Po'unde-unde 109:28

Po'ineeomo dompototonaa, polo ka Iporonso; tewala mpentade ira, ira mempinokoko'ii, sine tetenaa-Miu ta mawongko.

Powadi 26:2

Kana manu-manu dena menee ka manu-manu wowitu menee-nee, kanatuumo totonaa nahina pepu'uano nahi ta kona.

Yehesikieli 13:6

Pongkitado mompopo'oo ka pompaudo anu nahi manasa ta gagi pegaupi; dompotae, ’Kanandiomo pau-Do i Ue,’ kahinaano nahi Dotena ira i Ue, ka ondae mensikorio pau atuu Do'ihiio.

Mika 6:5

Bawaa-Ku, impewowoloomo hapa anu tinoono i Balaki, mokole i Moabi, hapa sangkino i Bilea anano i Beori ndi onae ka pelempaa inso i Sitimi hawe i Giliga, ka upokonto'orio luwuno wineweu-Do i Ue anu moleo.”

Podoaa 22:12

Mepau Iramo Ue Ala ndi Bilea, ”Siimo lako perongaako ira, si totonaao tongku atuu, hangano merinonso iramo.”

Podoaa 22:17

hangano aku melangkaiko ntu'u gagi maupo hapa anu inemamu inso ndi ongkue aku uminduo. Aiwamo ka totonaakune tongku atuu.”

Podoaa 23:13

Ka i'amba motae i Bala ndi onae, ”Aiwamo ka tolako a mpo'ianga susua ka inso i ra'ai komokokita ira tongku atuu. Butu anu i wiwino ntu'u kokumitao, sine luwuno nahi kokumitao. Totonaakune iramo inso i tu'ai.”

Podoaa 23:27

Ka i'amba motaeomo i Bala ndi Bilea, ”Aiwamo aku wawako a mpo'ianga susua. Bara'ura mentee a pongkita-Do Ue Ala tewala ondae utotonaakune inso a mpo'ianga atuu.”

Podoaa 24:9

Onae me'opo ka mepombole kana singa lakino, ka kana singa waino; isemake anu sapa wanguo? Rinonsoomo mia anu rumonsoko, ka tetotonaaomo mia anu tumotonaako!”

WINEWEUDO TINENA 16:16

Pohona tempono kimelako a mpo'ianga pekakaia atuu, kintepohaweakono aasa ata beine anu hinao tino'orino; hangano luwuno tino'orino hadio pohawedo ueno.

Winali 23:4

hangano nahi domentotowoakomiu roti ka uwoi i tempono pelempaamiu mpeluarako inso i wita Masiri, ka hangano domentamboo i Bilea anano i Beori inso i Petori i Arami-Mesopotamia umewaiko, kai totonaako.

Yosua 24:9

Itempono atuu i Bala anano i Sipora, mokole to Moabi mpe'iwaliako ira to Isaraeli. Itena ira mia moboio i Bilea anano i Beori ka itotonaa komiu.

1 Samueli 17:43

To Pelisiti atuu motaeakono i Daudi, ”Dahu akuke ranta kau aiwa tumotowoakune tuko?” Ka i'amba to Pelisiti atuu tumotonaao i Daudi a neeno luwuno anu pinesombai susua.