Podoaa 21:7 - Wunta Mempori

⁷ Ka do'amba tongku atuu me'aiwa ndi Musa ka dompotae, ”Ntehala kamimo, hangano mpepauki kamimo umewai Ira i Ue ka omue.” Pekakaimo ndi Ondae i Ue, ka Doliahako ira ule andio inso ndi omami. Ka i'amba i Musa mekakaiako ira tongku atuu.

Podoaa 21:7 ပူးပေါင်းရင်းမြစ်များ

Tegagia 20:17

I Burahima mekakai ndi Ondae Ue Ala, ka i'amba Ondae Ue Ala mokotompao i Abimele ka beineno saru luwuno atano beine, ranta ka dompe'ana.

Tegagia 20:7

Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”

1 Mokole 13:6

Ka i'amba i mokole motaeakono nabi atuu, ”Po'emamo pompehohawa-Do Ue, Ue Alamu ka pekakaiakunemo, ka kupokompokuleo mbo'u kaeku.” Nabi atuu mo'emaomo pompehohawa-Do i Ue, ka i'amba kaeno mokole atuu ipokompokuleomo kana se'eluno.

2 Mokole 13:4

Sine, i Yoahasi mo'ema pompehohawa-Do i Ue ka Dorongeo i Ue, hangano Dokitaomo pompokonsii a nto Isaraeli, anu wineweuno mokoledo to Arami ndi ondae.

Ayubi 42:10

Ondae i Ue mokomoikoo teweweuno i Ayubi mansano mekakaiako ira sambe'eno. Ondae i Ue weeakono i Ayubi luwuno pine'ueno i ndi'ipua hawe meluka mpendua.

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Po'unde-unde 106:23

Onaemo ka Dopepau mingki rumopu ira, ande-andeno i Musa, mia bininiki-Do, nahi gagi wala i aro-Do, anu umonsoio mosa'ono aroa-Do rumopu ira.

Po'unde-unde 78:34

Tewala Dopepate ira, onaemo ka dome'ungke Ira, ondae mpepokule ka merorohi Ira Ue Ala;

Peluarakoa 10:17

Onaemo pu'uno, pohona mbo'u andio i oniniakune halaku ka ipekakaimo ndi Ondae i Ue, Ue Alamiu atuu, ka Dopoko'olaio matea andio inso ndi ongkue.”

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 32:30

Tisomono motaeomo i Musa a tongku atuu, ”Mpoweweu komiumo hala langkai. Kanandio-andio aku mewuatako me'aro ndi Ondae i Ue. To pomperorohimokoa ka kupokompo'ema pesintuwua a hala miu atuu.”

Peluarakoa 8:28

Ka i'amba motae i Pirao. ”Moiko, aku mo'inee komiu imelako mpopesombaako pesomba ndi Ondae i Ue, Ue Alamiu, i pada one. Polomokoa si te'olai lahi imelako, ka impekakaia kune.”

Peluarakoa 8:4

Tumpa atuudo ira mpomaru a ngkoroimu, a mpalilimu ka a luwuno pegawaimu.”

Peluarakoa 8:8

Ka i'amba i Pirao moboi ira i Musa ka i Haruni ka ipotae, ”Ipekakaimo ndi Ondae i Ue, ka Dopoko'olaio tumpa atuudo inso ndi ongkue ka inso a mpaliliku; ka akumo umeheako ira tongku atuu melako, ka dompesomba ndi Ondae i Ue”

Yesaya 26:16

Oo Ue, a laro ma'isoa dome'ungke Komiu; tempono pohuku-Miu umalu ira, mpe'anaiki ira a laro mpekakai.

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yeremia 37:3

I asa tempo Mokole Sedekia tumenao i Yukali anano i Selemia ka sando mpesomba Sepana anano i Ma'asea lumako ndi Yeremia mowawa pe'oliwi, ”Pekakaiakamimo ndi Ondae i Ue, Ue Alato!”

Hosea 5:15

Aku lumako, mekule a mpo'ianga-Ku, ranta ka domemangaku saala ka umungkeo rupa-Ku. A laro masukaraado ira mengkekewoi Aku:

Podoaa 11:2

Mpebooli iramo tongku atuu ndi Musa, ka i Musa mekakai ndi Ondae i Ue; ka i'amba mate api atuu.

I MATIU 27:4

ka ipotae, ”Tehala akumo hangano meweengakono reano mia anu nahina sala-Do.” Sine domesangkio, ”Nde to'oriamamike atuu? Atuu to'oriamu omuemu!”

WINEWEUDO TINENA 8:24

Sumangki i Simo, ”Omiumo mekakaiakune ndi Ondae i Ue, ka si mansa gagi luwuno hapa anu ipauakunemo atuu.”

ROMA 10:1

Pepaekompo, po'eheno aroaku ka pekakaiku ndi Ondae i Ue onaemo, ka domengkinadudui.

Winali 9:20

Ndi Haruni mbo'u tekuda Ira ntu'u i Ue, ranta Ira mingki rumopuo. Onaemo i tempo mbo'u atuu kupekakaiakono i Haruni.

YAKOBU 5:16

Onaemo pu'uno ka imemambe mangakuakono halamiu ka memambe pekakaiako, ka imetompa. Pekakaino mia mentee, tewala ipe'ala-alao ntu'u ipinekakaiako, langkai ntu'u pabawano.

1 Samueli 15:24

Motae i Saulu ndi Semueli, ”Tehala akumo ndi Ondae i Ue hangano ku'ewaiomo songka-Do ka paumiu, hangano kudoitoako ira palili onae ka kutondaako ira po'ehedo.

1 Samueli 15:30

Motae i Saulu, ”Lano tehala akumo, sine kanandio-andio popokitao pontudumiu ndi ongkue i arodo luwuno mia mota'u tongku andio ka to Isaraeli. Ipekulemo saru ongkue ka kupokompesomba ndi Ondae i Ue, Ue Alamiu.”