Podoaa 21:34 - Wunta Mempori

³⁴ Sine, mepau Ira i Ue ndi Musa, ”Siimo doitoakono, hangano Aku meweengakono saru luwuno palilino ka witano a ngkaemu. Asalakono weweuo ndi onae kana anu wineweumu ndi Sihoni mokoledo to Amori anu mo'ia i kota Hesiboni.”

Podoaa 21:34 ပူးပေါင်းရင်းမြစ်များ

2 Samueli 5:19

I Daudi mo'ema pontiso ndi Ondae i Ue, ”Nde asalakonoke aku lumako umewai ira to Pelisiti? Nde Komiu meweengako irake a ngkaeku?” Pau-Do i Ue ndi Daudi, ”Lakomo, nde asalakono Aku meweengako ira to Pelisitii a ngkaemu.”

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

2 Mokole 3:18

Mongkona andio monongko koa a pongkita-Do i Ue; Ira koa meweengakono to Moabi a ngkaemiu.

Yesaya 41:13

Hangano Ongkue, Ue, Ue Alamu, uminio kae ngkoanamu ka mepau ndi omue, ”Siimo doito, Ongkuemo anu tumulungiko.”

Podoaa 14:9

Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

Podoaa 32:4

wita anu Donangiomo i Ue tiado bawaa Isaraeli, moiko ntu'u pompekariaa pinotuwu ka luwuno atamiu andio hinao pinotuwu.”

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

Winali 20:3

Asalakono ka ipotaeako ira, ’Hei to Isaraeli, imerongeomo! Oleo andio komiu mpo'aropi peteaa umewai ira iwalimiu. Si molema aroamiu, si medoito, si medanggara ka si memondende i arodo.

Winali 3:1

Ka to'amba mpelengkuako melako te'aro i Basani. I Ogo, mokole i Basani saru luwuno sorodaduno, me'aiwa rumangkuhi kita ira mpetea i Ederei.

Winali 3:11

Butu i Ogo, mokole i Basani anu da tuwu inso i olono toreado to Repaimi. Sekono dasa poturiano, dasa labu. Kombake da kongko i kota Raba inuleno i Amoni? Osio hiku ondauno ka opaa hiku maluano, montonda posongka anu biasa.

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Winali 7:17

Bara'ura komiu mpotae i laro aroamiu, ”Luwuno tongku andio hadio irapo sekono ongkue, kana'umpe aku mokosaari ira?”

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Winali 7:24

Luwuno mokoledo ira mempineweengako a ngkaemiu ka needo komiu mempahihio inso i wawontolino. Nahi ta hina anu polio mekorahako umaropi komiu, ranta ka imeropu ira.

Yosua 10:25

Mepauomo i Yosua ndi ondae, ”Sii medoito, ka kasi molusa aroa miu, impokomorosoo ka impedatoo aroa miu, nde kanatuumo ba Doweweuo i Ue ia luwuno iwali miu anu impeteaako ira.”

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 8:7

ka omiu impeluarakomo te'inso ia mpewunia miu melako sumapoio i kota Ai. Ka Ondae i Ue, Ue Alamiu, Ira meweengakono a ngkaemiu.

Puu Mpobitara 11:30

Montangaomo i Yepeta ndi Ondae i Ue, ”Tewala Komiu meweengakono ntu'u inuledo to Amoni a ngkaeku,

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”