Podoaa 20:8 - Wunta Mempori

⁸ ”Alaomo tukomu atuu, ka omue ka i Haruni, akamu, asalakono tumena ira bawaa atuu mpepumpu; potaemo i arodo a pongku watu atuu ka ipoluarako uwoino; kanandiomo upoluarakoako ira uwoi inso a pongku watu ka mopo'inu ira bawaa atuu saru pinotuwudo.”

Podoaa 20:8 ပူးပေါင်းရင်းမြစ်များ

Tegagia 18:14

Hinaoke te'asa anu nahi ta gagi ndi Ondae i Ue? A tempo anu pinakosiomo atuu, ta'u ramai, Aku wali tepohaweakomu. A tempomo atuu i Sara hinao anano asa ana ntama.”

Nehemia 9:15

Iweeako iramo roti inso i langi kai tetadi mokoninggo ka Ipoluarakoako ira uwoi inso a nturukuno watu kai tetadi mokoranga. Itena ira mbo'u mpewinso ka mpetorokio wita anu saru sumpa Komiu weeako ira.

Po'unde-unde 105:41

Do'ungkahio torukuno watu, tepanaomo uwoi, ka i'amba waa kana korono a luwuno pada mokari;

Po'unde-unde 114:8

anu balio torukuno watu gagi limbo me'uwoi, ka watu anu motea gagi mata uwoi!

Po'unde-unde 33:9

Hangano Ondae mepau, ka luwuno gagi; Ondae mompowee parenta, ka luwuno hinao.

Peluarakoa 14:16

Kanandio-andio tandeo tukomu, taangakono kaemu a wawo ntahi ka ponsiao uwoino, gaagi to Isaraeli ira mpelempa itonga-tongano tahi a motu'iano.

Peluarakoa 17:9

Ipotae i Musa ndi Yosua, ”Pobinikimo ba te'opia mia anu ira mentonda kita, ka mpeluarako mpetea umewai ira to Amale, tisomo aku mentade i punsuno pongku wita saru tuko-Do Ue Ala a ngkaeku.”

Peluarakoa 4:17

Wawaomo tuko andio a ngkaemu, anu ta pakeamu mompokogagi petondoni anu kinohali-haliako.”

Peluarakoa 4:2

Mesikeno Ira i Ue ndi Musa, ”Hapa anu kongko a ngkaemu atuu?” Sumangki i Musa, ipotae. ”Tuko.”

Peluarakoa 4:20

Umarino atuu i Musa umuluakono kombiano saru luwuno anano tama, ka iposawi ira a ngkalide ka ipekule i wita Masiri. Tuko-Do Ue Ala atuu i'inio a ngkaeno.

Peluarakoa 7:20

Kanandiomo doweweuo i Musa ka i Haruni, menunu songka-Do i Ue. Tuko atuu itandeo ka ipewombaakono a uwoi i koro Nili, i arono i Pirao ka luwuno pegawaino, ranta luwuno uwoi a ngkoro Nili bali gagi rea.

Yesaya 43:20

Kondehora mo'ila ira mpelangkai Aku, serigala ka manu-manu unta, hangano Ongkue weweuo uwoi mesumpiri i pada one ka hadio korono a mpada malua, mopo'inu ira bawaa bininiki-Ku;

Yesaya 48:21

Ondae nahi domemarasai mokoranga, tempono Dowawa ira lumaloo luwuno po'ianga anu londa. Ondae moluarakoako ira uwoi inso a ntorukuno watu; Dobansio torukuno watu, ka mombusi-mbusiomo uwoi.

Podoaa 20:11

Umarino atuu i Musa tumandeo kaeno, ka i'amba tumunduhiakono tukono pendua pongku watu atuu, onaemo ka ipeluarako hadio uwoi, ranta ka dompo'inu bawaa atuu ka pinotuwudo.

Podoaa 20:7

Mepau Ira i Ue ndi Musa,

Podoaa 21:15

ka apano luwuno lembono. Apano atuu tewile malua te'aro a witano kota Ari, ka mehonda a ntida witado to Moabi.”

Podoaa 21:18

anu pinoko'ondaloako luwuno tuko poparentaa saru tukodo ulea mokole i olono tongku atuu.” Ka i'amba inso i pada one melako ira i Matana,

I MATIU 21:21

Dosangki ira i Yesu, ”Kupauakomiu, menteeano tewala mpompe'ala-ala komiu ka nahi menanta-nanta, komba butu komiu mpokoweweuo hapa anu wineweu-Ku a ngkeu ara atuu, sine mbo'u tewala impotaeakono torukuno andio: Pelimbamo ka utetadiako a laro ntahi! Anu kanatuu ta gagi.

I LUKASI 11:13

Gagi tewala omiu anu memosa'o mponto'ori mpopeweengako pompowee anu moiko a anamiu, tamoako Amamiu anu i suruga! Ira mompowee Penaa Mempori a mia anu mpo'ema ndi Ondae.”

I YOHANE 16:24

Hawe kanandio-andio napi hina maupo te'asa impo'ema a nee-Ku. Impo'emamo ka komiu mentarimao, ka isompomo po'undemiu.

WINEWEUDO TINENA 1:14

Luwudo ntepo'asa aroa mpekakai mpiha mperonga-ronga, saru ba opia ira beine saru i Maria, ine-Do i Yesu, ka luwuno pepaekompo-Do i Yesu.

Yosua 6:20

Mpebooli iramo to Isaraeli, ka mpopuuri tawuwua, mansado merongeo unino tawuwua mpebooli iramo to Isaraeli tedoa meroku. Tehoaomo bente Yeriko, mpomaru ia bente mpewinso ia kota, ka dompoko'alao kota atuu.

Yosua 6:5

Tewala tawuwua tandu bimba melai unino, mansano imerongeo unino tawuwua, luwuno tongku atuu ka impebooli meroku, gagi rere watu ta tehoa, ka i'amba mempomaruo sompo mia tetutu lumako i arono.”

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!