Podoaa 20:16 - Wunta Mempori

¹⁶ nine mpebooli kami ndi Ondae i Ue, ka Dorongeo peboolimami, montena Ira asa mala'eka, ka tumaate kami mpeluarako inso i Masiri. Kanandio-andio mekongko kami i Kadesi, asa kota i wiwino tida witamiu.

Podoaa 20:16 ပူးပေါင်းရင်းမြစ်များ

Peluarakoa 14:10

Mansano umpedaomo i Pirao, mpewolili iramo to Isaraeli, domengkita iramo to Masiri aiwa tumonda ira. Onaemo to Isaraeli ka domedoito ntu'u, ka dompebooli ndi Ondae i Ue.

Peluarakoa 14:19

Umarino atuu, mala'eka-Do Ue Ala anu se'eluno melempa i arodo sorodadu Isaraeli, melimba melempa i bungkudo. Tondonino a nseru melimba inso arodo ka mentade i bungkudo.

Peluarakoa 23:20

”Aku montena mala'eka melempa i aromiu, kumongkomi komiu a nsala ka wawakomiu a mpo'ianga anu Kupatindaomo.

Peluarakoa 33:2

Aku montena asa mala'eka melempa i aromu anu ta sumaari ira to Kana'a, to Amori, to Heti, to Perisi, to Hewi ka to Yebusi.

Peluarakoa 6:5

Onaemo, pauako iramo to Isaraeli: Ongkuemo Ue, Aku koa motolakomiu inso a mpodadaido mpo'angga to Masiri, ka motolakomiu inso a mpope'ataado. Aku tumandeo kae pabawa-Ku tumolosikomiu, saru luwuno pohuku anu mobea.

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

Podoaa 20:15

nine uempu'umami melako i Masiri, ka tehine kimpo'ia i Masiri ka omami saru uempu'umami domeweweu nsa'o kami to Masiri;

Podoaa 21:22

”Ipo'inee kamimo ntelalo i witamiu. Nahi kami mepansia mpewinso a luwuno bondemiu ka luwuno lere anggoromiu. Nahi kami mpo'inu uwoi sumurumiu. Butu koa a nsala langkai kami mpelempa ranta ka kimelaloo witamiu.”

Podoaa 33:37

Mpelungka ira inso i Kadesi, ka do'amba mpekema i torukuno Hore, a ntida witado to Edomi.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 4:37

Hangano Dopehohawa ira uempu'umiu ka Dobinikio inuledo, saru roso-Do anu langkai Ondae-Do wawa komiu mpeluarako inso i wita Masiri.

Yosua 15:1

Tiado anu inundi ia tongku inuleno i Yehuda montonda pepe'etuado, hawe ia tida witado to Edomi, hawe i Sini i pada one lako i untuno selata.