Podoaa 20:12 - Wunta Mempori

¹² Sine mepau Ira i Ue ndi Musa ka ndi Haruni, ”Hangano nahi ipe'ala-ala Aku ka nahi pelangkaio mempori-Ku i arodo to Isaraeli, onaemo pu'uno nahi komiu wawa ira bawaa andio mpewinso a wita anu Aku weeako ira.”

Podoaa 20:12 ပူးပေါင်းရင်းမြစ်များ

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

Po'unde-unde 106:32

Dompokotekuda Ira umpeda uwoi Meriba, onaemo ka ikonao masolaa i Musa hangano ondae;

Po'unde-unde 99:8

Omiu Ue, Ue Alamami, Isangki kamimo, Omiumo Ue Ala anu umampuni ira, sine anu mbo'u mombalo a wineweudo.

Yesaya 7:9

Ka kota poparentaado to Eparai onaemo Samaria, petewawano Samaria onaemo anano i Remalia. Tewala nahi moroso pompe'ala-alamiu, mentee ntu'u nahi komiu merodo.”

Yesaya 8:13

Sine Ondae Ueno luwuakoano, Ondaemo anu asalakono ime'akuio gagi Anu Mempori; ndi Ondaemo imedoito ka ndi Ondaemo impondende.

Yehesikieli 20:41

Kana pesomba anu mo'ahi woono Aku memoiko komiu i tempono Kuluarako komiu inso i tongano luwuno tongku ka pumpu komiu inso i luwuno wita, isua itesiarawo. Aku mopokitao mempori-Ku i olomiu i arodo luwuno tongku.

Yehesikieli 36:23

Aku mokomemporio nee-Ku anu langkai anu kinokoburutiomo i olodo luwuno tongku, ka anu kinokoburutimiu i tonga-tongado. Ka luwuno tongku ira mento'orio nine Ongkuemo Ue, kanandiomo pau-Do Ue Ala, tempono Kupopokitao mempori-Ku ndi omiu i arodo luwuno tongku.

Yehesikieli 38:10

Kanandiomo pau-Do Ue Ala: A oleo atuu meluarako tinoo i laro aroamu ka omue weweuo pinewowolo mosa'o.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Podoaa 11:15

Tewala moweweu Komiu kanandio ndi ongkue, moikoopo Ipepate akumo, tewala lano aku mohawe pompehohawa a pongkita-Miu, ka siimo kukitao urasa'oku.”

Podoaa 20:24

”I Haruni ta pinumpu a uempu'uno, hangano onae nahi ta mewinso a wita anu Kuweeako ira to Isaraeli, hangano orua komiu i'ewaiomo petena-Ku umpeda mata uwoi Meriba.

Podoaa 27:14

Hangano i tempono pe'u'uado bawaa i pada one Sini, orua komiu i'ewaiomo petena-Ku mokomengkaao mempori-Ku mongkona uwoi atuu i arodo.” Onaemo mata uwoi Meriba umpeda i Kadesi i pada one Sini.

I MATIU 17:17

Ka motae Iramo i Yesu, ”Hei omiu mia atuudo anu nahi mpompe'ala-ala ka anu mebulalingo te'opiapo mbo'u tehineno Kupo'ia i olomiu? Te'opiapo mbo'u tehineno Kusabara ndi omiu? Wawaomo nana'ote atuu ramai!”

I MATIU 17:20

Dopotaeako ira, ”Hangano kodei pompe'ala-alamiu. Hangano Kupauakomiu: Menteeano ba hinao pompe'ala-alamiu kanamo koa langkaino wuku rawoho komiu mpokompotaeakono torukuno andio: Pelimba raane inso a mpo'ianga andio – asalakono torukuno andio melimba, ka nahina anu nahi ta gagi ndi omiu. [

I LUKASI 1:20

Menteeano kogagi beebe ka nahi komokompepau hawe a oleo, ka igagi luwuno andio, hangano nahi upe'ala-alao pinauku anu ta mengkaa menteeano a tempono.”

I LUKASI 1:45

Ka me'uraomo onae, anu mompe'ala-alaomo, hangano hapa anu ipinauako inso ndi Ondae i Ue, ta inihii.”

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

ROMA 4:20

Sine mongkona dandi-Do Ue Ala nahi porerengkoo hangano nahi pompe'ala-ala, tendeano onae pinokoroso a laro pompe'ala-alano ka i'unde-unde Ira Ue Ala,

Winali 1:37

Maupo ndi ongkue, tekuda Ira i Ue hangano omiu, ka mepau Ira, ”Omue mbo'u nahi komewinso i ra'ai.

Winali 34:4

Mepau Iramo i Ue ndi onae, ”Onaemo andio wita anu Kudandiakono sumpa ndi Burahima, ndi Saki, ka ndi Yako, kanandio: ’A inulemiumo Aku weengakono wita atuu.’ Kupo'ineeko kumitaakono matamu, sine nahi komesakiako raane.”

Winali 4:21

Ka Do'amba i Ue gagi tekuda ndi ongkue hangano omiu ka mesumpa nine nahi aku sumakio Koro Yarade ka nahi aku mewinso a wita anu moiko anu Doweeakomiu i Ue, Ue Alamiu, gagi pusakamiu.

Yosua 1:2

”Tetenaa-Ku i Musa mateomo; gagi kanandio pepatindamo, pesakiako i Koro Yarade andio, omue ka luwuno tongkumu, ka ulako ia inia anu Aku weako ira, ia to Isaraeli atuu.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,