Podoaa 20:11 - Wunta Mempori

¹¹ Umarino atuu i Musa tumandeo kaeno, ka i'amba tumunduhiakono tukono pendua pongku watu atuu, onaemo ka ipeluarako hadio uwoi, ranta ka dompo'inu bawaa atuu ka pinotuwudo.

Podoaa 20:11 ပူးပေါင်းရင်းမြစ်များ

1 Tawarika 15:13

Hangano omiu nahi mehawe a amba-ambano, onaemo ka Dotiu kita i Ue, Ue Alato, hangano nahi tompo'ema pontiso-Do kana'umpe anu asalakono.”

1 Tawarika 15:2

I tempo atuu motae i Daudi, ”Si hina anu tumandeo Burua-Do Ue Ala sangkadio to Lewi, hangano ondaemo anu bininiki-Do i Ue mentandeo Burua-Do i Ue ka mekakaako Ira hawe nahina tampulaano.”

Po'unde-unde 105:41

Do'ungkahio torukuno watu, tepanaomo uwoi, ka i'amba waa kana korono a luwuno pada mokari;

Po'unde-unde 114:8

anu balio torukuno watu gagi limbo me'uwoi, ka watu anu motea gagi mata uwoi!

Po'unde-unde 74:15

Omiumo anu umungkahio mata uwoi ka korono; Omiumo anu mokomo'are ira korono anu biasano waa mpiha.

Po'unde-unde 78:15

Dobansio torukuno watu i pada one, Dopopo'inu ira ranta te'osaado kana inso a luwuno ondaloano tahi;

Po'unde-unde 78:16

Doweweuo waaano uwoi meluarako inso a pongku watu, ka waa metii kana korono.

Po'unde-unde 78:20

Lano, Dotunduhio torukuno watu, ranta tepana uwoi ka waaomo luwuno korono; sine Dopolioke mompowee mbo'u roti, ke mompatindaako ira bau bawaa-Do?”

Peluarakoa 17:6

I ra'ai aku mentade i aromu a wawo watu i torukuno Hore. Wombakio watu i torukuno atuu ka inso i larono ta meluarako uwoi, ka dompo'inu tongku atuu.” Kanatuumo iweweuo i Musa i arono matado mia memota'u to Isaraeli.

Yesaya 43:19

Kitao, Aku weweuo asa anu wo'ohu, anu kanandio-andio tuwuomo, naapoke imento'orio? Oo, Akumo moweweu sala i pada one ka hadio korono a mpada malua.

Yesaya 48:21

Ondae nahi domemarasai mokoranga, tempono Dowawa ira lumaloo luwuno po'ianga anu londa. Ondae moluarakoako ira uwoi inso a ntorukuno watu; Dobansio torukuno watu, ka mombusi-mbusiomo uwoi.

Hosea 13:5

Ongkuemo anu mensiroiko i pada one, i wita anu morungku.

Imama 10:1

I Nadabi ka i Abihu, luwuno anano i Haruni, singge ira mo'ala pontunuado, monaakono api i larono saru monaa dupa i wawono api atuu. Kanandiomo dopompesombaako ndi Ondae i Ue api susua anu nahi Doparentaako ira i Ue ndi ondae.

Podoaa 20:8

”Alaomo tukomu atuu, ka omue ka i Haruni, akamu, asalakono tumena ira bawaa atuu mpepumpu; potaemo i arodo a pongku watu atuu ka ipoluarako uwoino; kanandiomo upoluarakoako ira uwoi inso a pongku watu ka mopo'inu ira bawaa atuu saru pinotuwudo.”

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

1 KORINTI 10:4

ka luwudo mpo'inu inua rohani anu mengkena, hangano mpo'inu ira inso a watu manaha rohani anu tumonda ira, ka watu manaha atuu onaemo Ondae i Kerisituu.

Winali 8:15

ka anu wawa komiu lumaloo pada one anu malua ka mongkokongiri atuu, saru hadio ule anu lambaha saru kasi-kasi molea ka witano anu londa, nahina uwoino. Ondae anu weweuakomiu uwoi kai peluarako inso a ntorukuno watu anu motea,

YAKOBU 1:20

hangano tekudano mia nahi po'angga menteea i aro-Do Ue Ala.

Puu Mpobitara 15:19

Ka i'amba Dobansio Ue Ala watu mebolo anu i Lehi, ka meluarakoomo uwoi inso i tu'ai. Umarino mo'inu, waliomo moroso mbo'u. Onaemo pu'uno kai nineeako Eni Hakore, ranta kanandio da kongko i Lehi.

1 Samueli 15:19

Tembio ka nahi uperorongekono pau-Do i Ue? Tembio kau po'ala pinomuru kau poweweu anu mosa'o a pongkita-Do i Ue?”

1 Samueli 15:24

Motae i Saulu ndi Semueli, ”Tehala akumo ndi Ondae i Ue hangano ku'ewaiomo songka-Do ka paumiu, hangano kudoitoako ira palili onae ka kutondaako ira po'ehedo.