Podoaa 19:9 - Wunta Mempori

⁹ Mia anu morina asalakono pumpuo awuno sapi atuu ka numaao ia asa po'ianga anu morina i bungkuno pekemaa, kai tepekaria awu atuu tiado to Isaraeli gagi uwoi pepokomorina; onaemo po'onini hala.

Podoaa 19:9 ပူးပေါင်းရင်းမြစ်များ

Imama 15:20

Luwuakoano anu ipoturiario i larono ihaweo wulano gagi mokoburu, ka luwuakoano anu pinentorokino gagi mokoburu mbo'u.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

Podoaa 19:13

Sompo mia anu tepodanggiako wata ngkoroi, koroino mia anu mateomo, ka nahi pokomemporio koroino inso a hala, ipokomokoburuo Kema Mempori-Do i Ue. Mia atuu asalakono pinokotampula inso i Isaraeli. Hangano uwoi pepokomorina nahi siniwuiako ndi onae, onaemo kai mokoburu. Mokoburuno da metako ndi onae.

Podoaa 19:17

A mia anu mokoburu asalakono inala tedei awu inso a mpesomba po'onini hala anu pingko tinunu, ka i'amba i larono bolusa awu atuu tinawa uwoi waa.

Podoaa 19:18

Ka i'amba asa mia anu morina, asalakono mo'ala hisopi, umemoo a laro uwoi atuu ka metawisiakono i wawono kema ka a luwuno bolusa, a luwuno mia anu mekongko i ra'ai, saru mbo'u a mia anu tepodanggiomo saru luwuno wukuno ke mia mate anu pinepate, wata ngkoroi ke kaburu atuu.

Podoaa 19:3

Asalakono impeweengakono a sando mpesomba Eleasari. Sapi atuu asalakono winawa i bungkuno pekemaa ka isinumbele i arono sando mpesomba.

Podoaa 19:8

Mia anu montunu sapi atuu asalakono molombo sangkano ka koroino iwo'ohiakono uwoi, ka onae mokoburu hawe sumoo oleo.

Podoaa 6:12

ka mesusuao tempo ipeweengakono tinuwuno ndi Ondae i Ue. Asalakono iwawao asa bimba lakino tinuwuno asa nta'u gagi pesomba pontolosi sala. Luwuno oleo anu telaloomo rineke nahi gagi, hangano wuuno gagiomo mokoburu.

Podoaa 8:7

Kanandiomo asalakono uweweuo ndi ondae mokomorina ira: tawisiako iramo uwoi po'onini hala, ka i'amba ondae asalakono mengkeruo asa ngkoroido ka melomboo sangkado. Kanandiomo dompokomorinao koroido.

Podoaa 9:13

Posuleno mia anu nahi mokoburu ka komba a laro pelempaa, sine nahi pomperio mokomaroao Pasa, mia atuu asalakono pinokotampula inso i olodo mia pe'asa tongkuno, hangano nahi powawa pesombano ndi Ondae i Ue ia tempono. Mia atuu ta tumembio halano.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

IBARANI 7:26

Hangano Sando Mpesomba Langkai anu kanandiomo anu kinereto: onaemo anu mempori, nahina sala-Do, nahina tataa-Do, anu teponsia inso a mia mentehala ka lalu i wawono sekonopo luwuno mala'eka i suruga,

IBARANI 9:13

Hangano, tewala reano bimba lakino ka reano sapi lakino ka petawisino awuno sapi mongura mokomempori ira anu mokoburu, ranta ka domempinokomempori montonda koroi,