Podoaa 19:3 - Wunta Mempori

³ Asalakono impeweengakono a sando mpesomba Eleasari. Sapi atuu asalakono winawa i bungkuno pekemaa ka isinumbele i arono sando mpesomba.

Podoaa 19:3 ပူးပေါင်းရင်းမြစ်များ

Imama 16:27

Sapi lakino ka bembe lakino pesomba po'onini hala, anu reano winawaomo mewinso ta wineweu pesintuwua a mpo'ianga mempori, asalakono winawa meluarako inso a mpekemaa. Kulino, bauno, ka ta'ino asalakono tinunu kai pingko.

Imama 24:14

”Wawaomo mia anu montotonaa atuu i bungkuno pekemaa ka luwuno mia anu rumongeo asalakono numaao kaeno a wawo uluno mia atuu. Ka i'amba luwuno bawaa asalakono wunoakono watu.

Imama 4:11

Sine kulino sapi laki atuu ka luwuno bauno, uluno ka witino, ihi kompo ka ta'ino,

Imama 4:12

luwuno sapi lakino atuu, asalakono iwawao i bungkuno pekemaa, i asa po'ianga anu morina, a mpo'ianga pontadia awu. Sapi atuu asalakono tinunu ranta kai pingko i wawono keu ponahu a mpo'ianga pontadia awu.

Imama 4:21

Asalakono iwawao sapi lakino atuu i bungkuno pekemaa, ka i'amba tinunu ranta kai pingko kana itunuo ranta kai pingko sapi laki amba-ambano. Onaemo atuu pesomba po'onini halado bawaa.

Podoaa 15:36

Ka i'amba luwuno bawaa mewawao i bungkuno pekemaa ka mewuwunoakono watu, ranta ka imate, kana anu pinau-Do i Ue ndi Musa.

Podoaa 19:9

Mia anu morina asalakono pumpuo awuno sapi atuu ka numaao ia asa po'ianga anu morina i bungkuno pekemaa, kai tepekaria awu atuu tiado to Isaraeli gagi uwoi pepokomorina; onaemo po'onini hala.

Podoaa 3:4

Sine i Nadabi ka i Abihu mate iramo i aro-Do i Ue i pada one Sinai, tempono dompompesombaako api anu susua i aro-Do i Ue. Ondae nahi dope'ana. Gagi asa ntinuwuno i Haruni, amado, i Eleasari ka i Itamari anu uminio potoro sando mpesomba.

Podoaa 5:2

”Parenta iramo to Isaraeli kai luwuno mia anu mohawe haki ngkuli mesaki, luwuno mia anu moluarako nana ka luwuno mia anu mokoburu hangano wata ngkoroi, tinena bintao pekemaa.