Podoaa 19:19 - Wunta Mempori

¹⁹ Mia anu morina atuu asalakono tumawisio mia anu mokoburu atuu ia oleo ko'otolu ka ko'opitu, ka ia oleo ko'opitu atuu, asalakono ipokomemporio mia atuu inso a hala. Mia anu mokoburu atuu, asalakono molombo sangkano, ka koroino iwo'ohiakono uwoi, ka i'amba morina ia tempo sumoo oleo.

Podoaa 19:19 ပူးပေါင်းရင်းမြစ်များ

Tegagia 2:2

A oleo ko'opitu Dopoko'umariomo Ue Ala anggaa anu wineweu-Do. A oleo ko'opitu atuu Ondae menaa-naa inso a luwuno anggaa anu wineweu-Do.

Peluarakoa 19:10

Mepau Ira i Ue ndi Musa, ”Lakomo tepohaweako ira tongku atuu; pokomempori iramo oleo andio ka tisomo; asalakono domelomboo sangkado.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Imama 14:7

Ka i'amba asalakono itawisiakono rea atuu pepitu a mia anu ta pinokotompa inso a haki ngkuli anu mesaki atuu ka kanandiomo onae pinokotompa. Ka i'amba manu-manu anu tuwu atuu asalakono pinotola a mpada.

Imama 14:9

A oleo ko'opitu asalakono ikeruo luwu wuuno, moiko wuu a uluno, danggono, maupo kireno, tendeano wuluno, molombo sangkano ka koroino iwo'ohiakono uwoi; onaemo kai nahi mokoburu.

Podoaa 19:12

Asalakono ipokomemporiakono uwoi atuu koroino inso a hala ia oleo ko'otolu, ka ia oleo ko'opitu onae morina. Sine tewala ia oleo ko'otolu nahi pokomemporio koroino inso a hala, ia oleo ko'opitu nahi morina.

Podoaa 19:13

Sompo mia anu tepodanggiako wata ngkoroi, koroino mia anu mateomo, ka nahi pokomemporio koroino inso a hala, ipokomokoburuo Kema Mempori-Do i Ue. Mia atuu asalakono pinokotampula inso i Isaraeli. Hangano uwoi pepokomorina nahi siniwuiako ndi onae, onaemo kai mokoburu. Mokoburuno da metako ndi onae.

Podoaa 19:18

Ka i'amba asa mia anu morina, asalakono mo'ala hisopi, umemoo a laro uwoi atuu ka metawisiakono i wawono kema ka a luwuno bolusa, a luwuno mia anu mekongko i ra'ai, saru mbo'u a mia anu tepodanggiomo saru luwuno wukuno ke mia mate anu pinepate, wata ngkoroi ke kaburu atuu.

Podoaa 31:19

Ka omiu impekemamo i larono opitu oleo i bungkuno pekemaa; sompo mia anu mompepateomo mia ke anu modanggi mia anu pinepate asalakono i'oninio halano inso a ngkoroino ia oleo ko'otolu ka ko'opitu, moiko omiu maupo tinawamiu.

Podoaa 31:24

Asalakono imelomboo mbo'u sangkamiu ia oleo ko'opitu, kai memorina ka umarino atuu moikoomo impewinso a mpekemaa.”

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

YUDASI 1:23

Imengkadudui iramo mesala rumontu ira inso a api. Sine impopokitaomo pe'aroa anu tinondaako doitoa a luwuno mia susua mbo'u, ka ime'o'aliaakonomo sangkado anu rinegeiako luwuno mosisirino hala.