Podoaa 19:17 - Wunta Mempori

¹⁷ A mia anu mokoburu asalakono inala tedei awu inso a mpesomba po'onini hala anu pingko tinunu, ka i'amba i larono bolusa awu atuu tinawa uwoi waa.

Podoaa 19:17 ပူးပေါင်းရင်းမြစ်များ

Tegagia 26:19

Tempono dompokeke atano i Saki i lembono atuu, domehaweo i tu'ai mata uwoi anu da tuwu.

Penani Maramba 4:15

O, mata uwoi a lere, insoano uwoi tuwu, anu waa inso a Ntorukuno Libano!

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

Podoaa 19:18

Ka i'amba asa mia anu morina, asalakono mo'ala hisopi, umemoo a laro uwoi atuu ka metawisiakono i wawono kema ka a luwuno bolusa, a luwuno mia anu mekongko i ra'ai, saru mbo'u a mia anu tepodanggiomo saru luwuno wukuno ke mia mate anu pinepate, wata ngkoroi ke kaburu atuu.

Podoaa 19:9

Mia anu morina asalakono pumpuo awuno sapi atuu ka numaao ia asa po'ianga anu morina i bungkuno pekemaa, kai tepekaria awu atuu tiado to Isaraeli gagi uwoi pepokomorina; onaemo po'onini hala.

Podoaa 31:23

luwuno anu nahi kaano api, asalakono imewinsoo a laro api, kai gagi morina; sine luwuno atuu asalakono pinokomemporiako mbo'u uwoi pompokomorina; ka luwuno anu ipokokaano api asalakono ime'emoo a laro uwoi.

I YOHANE 7:38

Ba isema me'ala-ala Aku, kana anu pinau a Wunta Mempori: Inso i laro aroano ta waa uwoi tuwu.”

IBARANI 9:13

Hangano, tewala reano bimba lakino ka reano sapi lakino ka petawisino awuno sapi mongura mokomempori ira anu mokoburu, ranta ka domempinokomempori montonda koroi,

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”