Podoaa 19:13 - Wunta Mempori

¹³ Sompo mia anu tepodanggiako wata ngkoroi, koroino mia anu mateomo, ka nahi pokomemporio koroino inso a hala, ipokomokoburuo Kema Mempori-Do i Ue. Mia atuu asalakono pinokotampula inso i Isaraeli. Hangano uwoi pepokomorina nahi siniwuiako ndi onae, onaemo kai mokoburu. Mokoburuno da metako ndi onae.

Podoaa 19:13 ပူးပေါင်းရင်းမြစ်များ

Peluarakoa 30:33

Mia anu moweweu salono kanatuu, ka ihahiakono a mia biasa asalakono pinokotampula inso a tongkuno.”

Powadi 14:32

Mia mosa'o gauno pinobangku hangano mosa'o wineweuno, sine mia mentee mohawe pongkadudui hangano inso i aroano.

Yehesikieli 44:26

Umarino mepokomorina onae asalakono mesikori opitu oleo.

Imama 15:31

Kanatuumo asalakono imeliahako ira to Isaraeli inso a mokoburua, kasi domemate i laro mokoburuado, ba domengkokoburutio Kema Mempori-Ku anu i tonga-tongado atuu.”

Imama 20:3

Ongkue isa'a anu umaropio mia atuu ka mokotampulao inso i tonga-tongano tongkuno. Hangano ipeweengakono asa inso a luwuno anano ndi Moloko saru tinoono weweuo mokoburu po'ianga mempori-Ku ka lumaloo memporino nee-Ku anu mempori.

Imama 22:3

Pauako iramo: Tiado luwuno anu mentuwu lembuino tewala asa mia inso a luwuno inulemiu aiwa umpeda a luwuno pesomba mempori anu dompokomemporiako Ira i Ue to Isaraeli, kahinaano onae tekonai mokoburu, manasa mia atuu ta pinokotampula inso i aro-Ku. Ongkuemo Ue.

Imama 22:4

Asa mia inso a inuleno i Haruni anu mohawe haki ngkuli mesaki ke anu moluarako uwoino, nahi moiko ipongkaa luwuno pesomba mempori, se'eluno napi pinokomanasa nahi mokoburu. Asa mia anu tepodanggi saru asa anu mokoburu hangano mia mate, ke mia anu meluarako uwoi anuno,

Imama 5:17

Tewala asa mia moweweu hala, nahi pokoto'orio ka iweweuo asa i olono anu inonto-Do i Ue, manasa onae sala ka asalakono itembio salano.

Imama 5:3

Tewala onae tepodanggiako anu mokoburu inso a mia, mokoburua hapamo koa anu weweuo kai mokoburu anu nahi pokonto'orio, sine lembuino ito'orio, asalakono onae saala.

Imama 5:6

Onae asalakono mompesombaako mbo'u ndi Ondae i Ue, gagi pontolosi sala hangano hala atuu, asa bimba ke bembe waino gagi pesomba po'onini hala. Kanandiomo sando mpesomba moweweuakono pesintuwua mia atuu hangano halano.

Imama 7:20

Sine asa mia anu mongkaa bau pesomba tekaduduia ndi Ondae i Ue, ka kontongaano mokoburu, mia atuu asalakono pinokotampula inso a tongkuno.

Imama 7:21

Tewala asa mia ikonao anu mokoburu, moiko mokoburua inso a mia, ke inso a mpinotuwu, ke inso a sompo kondehora melele, ka i'amba mongkaa bau pesomba tekaduduia ndi Ondae i Ue, asalakono mia atuu pinokotampula inso a tongkuno.”

Podoaa 15:30

Sine mia anu me'inungako moweweu, moiko lano mia i tu'ai maupo mia hawe, mia atuu mepaukiako Ira i Ue, onae asalakono pinokotampula inso i tonga-tongano tongkuno,

Podoaa 19:14

Ndiomo songkano, tewala asa mia mate a laro asa kema: sompo mia anu mewinso a laro kema atuu ka luwuno anu i larono kema atuu mokoburu i larono opitu oleo;

Podoaa 19:18

Ka i'amba asa mia anu morina, asalakono mo'ala hisopi, umemoo a laro uwoi atuu ka metawisiakono i wawono kema ka a luwuno bolusa, a luwuno mia anu mekongko i ra'ai, saru mbo'u a mia anu tepodanggiomo saru luwuno wukuno ke mia mate anu pinepate, wata ngkoroi ke kaburu atuu.

Podoaa 19:19

Mia anu morina atuu asalakono tumawisio mia anu mokoburu atuu ia oleo ko'otolu ka ko'opitu, ka ia oleo ko'opitu atuu, asalakono ipokomemporio mia atuu inso a hala. Mia anu mokoburu atuu, asalakono molombo sangkano, ka koroino iwo'ohiakono uwoi, ka i'amba morina ia tempo sumoo oleo.

Podoaa 19:20

Sine mia anu mokoburuomo, ka nahi pokomemporio koroino inso a hala, mia atuu asalakono pinokotampula inso i tonga-tongano bawaa atuu, hangano ipokomokoburuomo po'ianga mempori-Do i Ue. Uwoi pepokomorinaa nahi siniwuiako ndi onae, onaemo ka imokoburu mpiha.

Podoaa 19:9

Mia anu morina asalakono pumpuo awuno sapi atuu ka numaao ia asa po'ianga anu morina i bungkuno pekemaa, kai tepekaria awu atuu tiado to Isaraeli gagi uwoi pepokomorina; onaemo po'onini hala.

Podoaa 8:7

Kanandiomo asalakono uweweuo ndi ondae mokomorina ira: tawisiako iramo uwoi po'onini hala, ka i'amba ondae asalakono mengkeruo asa ngkoroido ka melomboo sangkado. Kanandiomo dompokomorinao koroido.

Podoaa 9:13

Posuleno mia anu nahi mokoburu ka komba a laro pelempaa, sine nahi pomperio mokomaroao Pasa, mia atuu asalakono pinokotampula inso i olodo mia pe'asa tongkuno, hangano nahi powawa pesombano ndi Ondae i Ue ia tempono. Mia atuu ta tumembio halano.

I YOHANE 8:24

Onaemo pu'uno hieno ka Kupotaeakomiu, nine komiu memateako halamiu; hangano tewala nahi impe'ala-alao, nine Ongkuemo andio, komiu memateako halamiu.”

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

IBARANI 9:10

hangano luwuno atuu, umarino kaanga, inua ka mperupa-rupa powo'ohia, butu koa luwuno atora mentuwu tolino, anu butu tinonda ranta haweno tempo pompokowo'ohua.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:11

Ba isema anu moweweu mosa'o, po'ineeomo ka ipoweweu mpiha mosa'o; ba isema anu mokoburu, po'ineeomo ka imokoburu mpiha, ka ba isema anu mentee, po'ineeomo ka ipoweweu mpiha menteea; ba isema anu mempori, po'ineeomo ka ipokomemporio mpiha koroino!”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.