Podoaa 18:8 - Wunta Mempori

⁸ Mepau Ira mbo'u i Ue ndi Haruni, ”Mentee ntu'u Kupeweengakonomo ndi omue tembiano anggaa a luwuno pesomba pinesusua ndi Ongkue; luwuno pesomba memporido to Isaraeli Kuweeakomu ka luwuno anamu gagi tiamiu. Onaemo asa pompakosi anu nahina tampulaano.

Podoaa 18:8 ပူးပေါင်းရင်းမြစ်များ

2 Mokole 12:16

Sine doi pesomba pontolosi sala ka doi pesomba po'onini hala nahi winawa a laro raha-Do i Ue, luwuno atuu gagi tiado sando mpesomba.

2 Tawarika 31:4

Iparenta ira palilino, palili i Yerusale, ka dompeweengakono pompowee anu gagi tiado sando mpesomba ka to Lewi, ka domempolio mpeweengakono rosodo tiano Taura-Do i Ue.

2 Tawarika 31:5

Nahi tehine umarino parenta andio tepalele, to Isaraeli mpowawa hadio ntu'u hasili amba-ambano inso a gandu, anggoro, lana, siu hoani ka luwuno hasilino wita. Ondae mpowawa mbo'u hadio pesomba tia hopulu inso a luwuakoano.

Peluarakoa 28:43

I Haruni saru luwuno anano asalakono mempakeo tempono dompewinsokio Kema Tepotowoa ke i tempono domerangku a pontunua pesomba mpoweweu pesomba a mpo'ianga mempori, kasi domensusuruo gagi sala, ka domemate. Onaemo atuu pompakosi ranta nahina tampulaano ndi Haruni ka inuleno.”

Peluarakoa 29:21

Po'alamo tedei rea inso a meda pontunua pesomba ka tedei inso a lana po'urapi, ka u'amba tumawisiakono i Haruni ka a sangkano, a luwuno anano ka a sangkado. Hangano onae, memporiomo i Haruni ka sangkano kanatuu koa mbo'u luwuno anano ka sangkado.

Peluarakoa 29:28

Onaemo tiano i Haruni ka luwuno anano, montonda pompakosi anu tinondado to Isaraeli ranta nahina tampulaano, hangano onaemo pesomba pinesusua. Pesombado to Isaraeli anu pinesusua asalakono inala inso a mpesomba tekaduduiado ka gagi pesombado anu pinesusua ndi Ondae i Ue.

Peluarakoa 29:29

Sangka mempori anuno i Haruni, lembuiano ta gagi tiado luwuno anano. Tempono dome'inurapi ka merinonso, asalakono ka domempakeo.

Peluarakoa 40:13

Asalakono pokonaakono sangka mempori i Haruni, urapio ka pokomemporio, kai gagi sando mpesomba ndi Ongkue.

Peluarakoa 40:15

Asalakono u'urapi ira kana u'urapio amado ka domegagi sando mpesomba ndi Ongkue. Hangano po'urapi atuu, ondae ira megagi sando mpesomba ranta nahina tampulaano a luwuno inulemu.”

Imama 21:10

Sando mpesomba langkai i olodo luwuno pepaekompono anu umariomo inurapiako lana po'urapi inuwu i wawo uluno, ka anu rinonso saru pinokonaako ndi onae sangka mempori, siimo ipo'ineeo wuuno tekale ka siimo ipoberi sangkano.

Imama 23:20

Sando mpesomba asalakono tumandeo luwuno atuu saru roti inso a wua amba-ambano atuu gagi pesomba tinande ndi Ondae i Ue, saru mbo'u orua bimba atuu. Luwuno atuu asalakono gagi pesomba mempori ndi Ondae i Ue ka gagi tiado sando mpesomba.

Imama 6:16

Toreano asalakono ikaano i Haruni saru luwuno anano, kinaa kana roti nahi peragi i asa po'ianga anu mempori. Asalakono domengkaano i kintalano Kema Tepotowoa.

Imama 6:18

Sompo tama i olono anano i Haruni, asalakono mengkaano. Onaemo asa pompakosi ndi omiu ranta inulemiu anu nahina tampulaano. Onaemo atuu tiamiu inso a luwuno pesomba ndi Ongkue anu tinunuako api. Sompo mia anu tepodanggi saru luwuno pesomba atuu gagi mempori.”

Imama 6:20

”Ndiomo pesomba anu asalakono ipesombaakono i Haruni saru luwuno anano ndi Ondae i Ue a oleo i'inurapi: asantia hopulu efa tarigu moiko ntu'u gagi pesomba kaanga anu wineweu mpiha, entongano i tempono mo'oru ka entongano i tempono ngkiniwia.

Imama 6:26

Sando mpesomba anu mesombaakono pesomba po'onini hala atuu, onaemo anu kumaano. Asalakono pesomba atuu ikaano i asa po'ianga mempori, a kintalano Kema Tepotowoa

Imama 7:14

Inso a sompo tiano mpesomba atuu, asalakono ipesombaakono asa roti gagi pesomba pinesusua ndi Ondae i Ue. Pesomba atuu gagi tiano sando mpesomba anu monsiwuiako reano pesomba tekaduduia.

Imama 7:28

Ondae i Ue mepau ndi Musa,

Imama 7:6

Sompo tama i olono luwuno sando mpesomba asalakono mengkaano. Pesomba atuu asalakono kinaa a mpo'ianga mempori. Onaemo tiano anu tedoa mempori

Imama 8:30

I Musa mo'ala mbo'u tedei lana po'urapi ka rea anu i wawono meda pontunua pesomba atuu, ka i'amba tawisiakono i Haruni ka sangkano, a luwuno anano ka sangkado. Kanandiomo ironsoo i Haruni saru sangkano ka luwuno anano saru sangkado.

Podoaa 18:9

Ndiomo tiamu inso a luwuno pesomba anu tedoa mempori atuu anu nahi asalakono tinunu: luwuno pesombado onaemo pesomba kaanga, pesomba po'onini hala ka pesomba pontolosi sala, anu inowahido ndi ongkue; onaemo tia tedoa mempori anu gagi tiamu ka luwuno anamu.

Podoaa 5:9

Sompo pesomba inso a luwuno pesomba mempori anu pinohawedo to Isaraeli a sando mpesomba, onaemo tiado sando mpesomba.

1 KORINTI 9:13

Nahi imento'orioke, nine ondae anu mpompekakaako a mpo'ianga mempori mpohawe pepotuwudo inso a mpo'ianga mempori atuu ka nine ondae anu mpompekakaako meda pontunua pesomba, mpohawe tiado inso a meda pontunua pesomba atuu?

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:6

Asalakono imewawao i ra'ai pesomba tinunu ka pesomba sinumbelemiu, pesomba tia hopulu ka pesomba pinesusua, pesomba pontanga ka pesomba moleono aroamiu, luwuno ana amba-ambano sapimiu ka asa bawaa bembe bimbamiu.

Winali 18:1

Luwuno sando mpesomba to Lewi, tendeano luwuno suku Lewi, nahi ira mpohawe tia pusaka meronga to Isaraeli. Ondae moiko dompongkaa pesomba anu tinunuako api tia-Do i Ue ka hapa anu gagi tia-Do.

Winali 26:13

Asalakono kau pepau i aro-Do i Ue, Ue Alamu, ”Kuluarakonomo pesomba mempori atuu inso i rahaku, kuweeako iramo to Lewi ka a mia hawe, nana'ote nahina amano ka tuwu beine, menunu ntu'u kana parenta anu Iwee'akumo. Nahi kulaloo ke kukolupeo luwuno parenta-Miu atuu.

IBARANI 1:9

Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

1 YOHANE 2:20

Sine mpohawe komiumo po'urapia inso ndi Ondae Anu Mempori, ka hangano kanandio luwumiu mento'orio.

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.