Podoaa 18:7 - Wunta Mempori

⁷ Sine omue saru luwuno anamu asalakono impolempao potoromiu gagi sando mpesomba a laro luwuakoano mongkona meda pontunua pesomba ka luwuakoano anu kongko i bungkuno sawu pelingo, ka asalakono ime'anggao. Kuweeakomiu potoro sando mpesomba gagi puu pompekakaako me'empehiako pompowee, sine mia biasa anu merangkuhako asalakono hinuku mate.”

Podoaa 18:7 ပူးပေါင်းရင်းမြစ်များ

Po'unde-unde 115:10

Hei sukuno i Haruni, impe'ala-ala Iramo i Ue! — Ondaemo anu tumulungi ira ka kantado.

Peluarakoa 28:1

”Wawao i Haruni akamu ka luwuno anano ndi omue inso i olodo to Isaraeli ka dompopekakaako gagi sando mpesomba ndi Ongkue, i Haruni saru i Nadabi, i Abihu, i Eleasa ka i Tamari, luwuno anano i Haruni.

Peluarakoa 29:9

Peboo ntonga, asalakono pokonaakono i Haruni ka a luwuno anano ka peboo ulu atuu, pokonaako ira, ranta ka domegagi sando mpesomba menunu saru pompakosi nahina tampulaano. Kanatuumo urapi ira i Haruni ka luwuno anano.

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Yehesikieli 44:16

Ondaemo anu ira mpewinso a laro mpo'ianga mempori-Ku ka me'umpedaakono meda-Ku ka domeweweuo pesomba ka mpo'anggaa-Kune.

Yehesikieli 44:8

Omiu nahi mpekariao luwuno parewa-Ku anu mempori ka imentande ira ka impoweweu anu komiu meweweuo ndi Ongkue a mpo'ianga mempori-Ku.

Imama 16:2

Pau-Do i Ue ndi onae, ”Pauakonomo i Haruni, pepaekompomu kasi sompo tempo ipewinso a mpo'ianga mempori i bungkuno sawu pelingo, i arono tutuwino pesintuwua anu i wawono burua pedandia kasi mate. Hangano Aku mepopokita a laro nseru i wawono tutuwino pesintuwua atuu.

Imama 7:35

Onaemo tiano i Haruni ka luwuno anano inso a luwuno pesomba tinunu ndi Ondae i Ue a oleo domentinena me'aiwa gagi sando mpesomba ndi Ondae i Ue.

Podoaa 1:51

Tempono mpelungka, Kema Mempori asalakono domengkaleo to Lewi ka tempono mpekema, Kema Mempori asalakono ondae mempasao; sekono mia biasa anu merangkuhako asalakono hinuku mate.

Podoaa 16:40

Mongkona atuu gagi petondoni a nto Isaraeli, kasihina mepopokita mia biasa anu komba inso a inuleno i Haruni anu montunu dupa i aro-Do i Ue, ka onae kasi gagi kana i Kora ka bawaa anu tumondao. Kanandiomo iwineweu kana anu pinau-Do i Ue telalo ndi Musa.

Podoaa 18:20

Mepau Ira i Ue ndi Haruni, ”I witado nahi komohawe tia pusaka ka nahi komohawe tia i tonga-tongado. Ongkuemo tiamu ka tia pusakamu i tonga-tongado to Isaraeli.

Podoaa 18:3

Asalakono dome'anggao anggaado ndi omue, ka luwuno anggaado a ngkema; butu si dome'umpeda a mparewano po'ianga mempori ka a meda pontunua pesomba, te'ingka memate ira, moiko ondae maupo omiu

Podoaa 3:10

I Haruni ka luwuno anano asalakono tena ira ka dome'inio anggaa sando mpesomba, sekono mia biasa anu merangkuhako, asalakono hinuku mate.”

Podoaa 3:38

Anu mpekema i arono Kema Mempori i sabaano oleo, i arono Kema Tepotowoa, te'alaako a mpesabaakoano oleo, onaemo i Musa ka i Haruni saru luwuno anano. Ondae me'anggao anggaa pekakaakoano po'ianga memporido to Isaraeli. Mia biasa anu merangkuhako, asalakono hinuku mate.

I MATIU 10:8

Impokotompaomo mia mahaki; imewanguomo mia mate; impokotompaomo mia haki ngkuli mesaki; imeluarakonomo onitu nsa'o. Luwuno andio imehaweomo mpena, onaemo pu'uno impeweengakono mpena.

I YOHANE 3:27

Sumangki i Yohane, ”Nahina maupo te'asa mia anu mokompo'ala hapa-hapa tiano koroino, tewala nahi pinoweeako inso i suruga.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

Winali 18:2

Ondae nahi ira mpohawe tia pusaka i olono pepaekompodo. Ondaemo i Ue tia pusakado, kana anu dinandi-Do ndi ondae.

IBARANI 5:4

Ka nahina maupo te'asa mia anu umalao pompelangkai atuu tiano koroino onaeno, sine onae atuu Dopoboiakono Ue Ala, kana anu gagiomo ndi Haruni.

Yosua 18:7

Nde to Lewi nahi dompohawe tia i olomiu, nde potoro gagi sando mpesomba-Do i Ue onae gagi pusakado, ka tongku Gadi, tongku Rube ka tongku Manase anu asantia atuu mpohawe iramo pusakado i sabaano oleo Koro Yarade, anu doweeako ira i Musa, tetenaa-Do i Ue.”

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

1 PETURU 5:3

Si mpoweweu kana komiu meparenta ira anu pine'ala-alaako ndi omiu, sine moikoomo imegagi pandirido bawaano bimba atuu.

1 Samueli 2:28

Kubinikiomo inso a luwudo tongku Isaraeli gagi sando mpesomba anu mompesombaako pesomba ndi Ongkue a wawo meda pontunua pesomba, montunu dupa, ka melembaako lemba epo i aro-Ku. Kuweeako iramo inulemu luwuakoano pesombado to Isaraeli anu tinunu a api.