Podoaa 18:5 - Wunta Mempori

⁵ Asalakono ime'anggao anggaamiu a mpo'ianga mempori ka anggaamiu a meda pontunua pesomba, kasi tekuda-Do i Ue umalu ira mbo'u to Isaraeli.

Podoaa 18:5 ပူးပေါင်းရင်းမြစ်များ

1 Tawarika 23:24

Onaemo atuu inuleno i Lewi montonda pepe'etuado, luwuno petewawa a mpepe'etuado, i tempono domebinuri nte'o'asa menunu saru porokono needo anu tinuwu rua pulu nta'u ka torea. Ondae anu me'anggao weweuano pesomba i raha-Do i Ue.

1 Tawarika 23:32

Ondae asalakono mpekakaakono anggaado a Ngkema Tepotowoa ka po'ianga mempori, saru anggaado mpokowali ira anano i haruni, luwuno pepaekompodo a mpoweweua pesomba i raha-Do i Ue.”

1 Tawarika 24:5

Ondae mentinia molalo undi, nahina pinesusua, hangano hinao ba'opia ”petewawa mempori” ka luwuno ”petewawa i aro-Do Ue Ala,” moiko i olodo inuleno i Eleasari maupo i olodo inuleno i Itamari.

1 Tawarika 9:19

I Salumi anano i Kore anano i Ebiasapi anano i Korahi ka luwuno to Korahi, luwuno pepaekompo inso a mpe'etuno, mpo'angga gagi luwu puu mpodagai pewowano Kema, kana luwuno amado mpetugasi a mpekemaa-Do i Ue gagi luwu puu mpodagai pewowa pewinsoa.

1 Tawarika 9:23

Ondae ka luwuno anado medagaio luwuno pewowa langkai a raha-Do i Ue, Raha Kema atuu.

1 Tawarika 9:33

Ndiomo luwuno puu mpenani, luwuno petewawado to Lewi mpepe'etu anu mpo'ia a luwuno bolongko ka nahi dompinokonaako anggaa susua, hangano meene ka wongi me'aropio anggaado.

Peluarakoa 27:21

I larono Kema Tepotowoa i arono pelingo anu lumingoo burua songka, i Haruni ka luwuno anano patindao hulu atuu mompu'u ngkiniwia ranta hawe mo'oru i aro-Do i Ue. Onaemo atuu pompakosi anu tinonda ranta nahina tampulaano a nto Isaraeli hawe a inuledo.”

Yeremia 23:15

Onaemo pu'uno kanandiomo pau-Do Ueno luwuakoano mongkona luwuno nabi atuu, ”Menteeano, Aku weweu ira mpongkaa rasu mopa'i ka mpo'inu uwoi merasu, hangano inso a luwuno nabi i Yerusale pinogau mosa'o lumeleomo a luwuno wita.”

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Yehesikieli 44:16

Ondaemo anu ira mpewinso a laro mpo'ianga mempori-Ku ka me'umpedaakono meda-Ku ka domeweweuo pesomba ka mpo'anggaa-Kune.

Imama 10:6

Ka i'amba motae i Musa ndi Haruni saru ndi Eleasa ka i Itamari, luwuno anano i Haruni, ”Siimo impo'inombo, mpo'ineeo wuumiu tekale ka berio sangkamiu, kasi memate ka luwuno bawaa andio Dotekudaako ira i Ue. Luwudo pepaekompomiu tongku Isaraeli ondaemo anu asalakono mpengese hangano api anu pinokomelanga-Do i Ue atuu.

Imama 24:3

I Haruni asalakono umatorao mpiha luwuno hulu atuu i arono pelingo buruano songka-Do Ue Ala i larono Kema Tepotowoa, mompu'u ngkiniwia hawe mo'oru i aro-Do i Ue. Onaemo atuu asa pompakosi ndi omiu anu nahina tampulaano hawe asa mpinu'u.

Sakaria 10:3

”A luwuno puu mpopakambi tekuda-Ku ta tensila ka a luwuno petewawado bawaano bembe Aku moweweu pombaloa, hangano Ueno luwuakoano merioo suku Yehuda, bawaano pinotuwu-Do, ka weweu ira kana ngara maramba-Do a laro mpeteaa.

Podoaa 1:50

Sine, tena iramo medagaio Kema Mempori, po'iangano songka-Do Ue Ala saru luwuno sangka ka parewano. Ondae asalakono mentandeo Kema Mempori saru luwuno sangkano ka mpekakaakono saru mpekema melimbuo.

Podoaa 1:53

Sine to Lewi asalakono mpekema lumimbuo Kema Mempori, po'iangano songka-Do Ue Ala, kasi dokona ntekudaako bawaa Isaraeli. To Lewi asalakono mpekakaakono Kema Mempori, po'iangano songka-Do Ue Ala.”

Podoaa 16:46

Mepauomo i Musa ndi Haruni, ”Alaomo pontunua halo, naaomo api i larono inso i wawono meda pontunua pesomba ka ponaakono dupa. Lakomo pontuturako a bawaa ka weweuako iramo pesintuwua, hangano tensingkaomo tekuda-Do i Ue, ka pohuku mompu'uomo.”

Podoaa 18:4

Asalakono dompe'asa saru omue ka me'anggao anggaado a Ngkema Tepotowoa menunu saru luwuno anggaa a ngkema atuu; sine mia biasa nahi moiko umpeda ndi omue.

Podoaa 4:18

”Ipekokoongakono koa suku Kehati ka luwuno pepe'etuado kasi domentampula inso i tonga-tongado to Lewi.

Podoaa 8:19

Kupeweengako ira to Lewi inso i tonga-tongado to Isaraeli gagi pompowee ndi Haruni ka luwuno anano ka domeweweuo luwuno anggaa tiado to Isaraeli i Kema Tepotowoa ka dompoweweu pesintuwua tiado to Isaraeli, kasihina pohuku i olodo to Isaraeli tempono dome'umpeda a mpo'ianga mempori.”

Podoaa 8:2

”Pepaumo ndi Haruni ka potaeakono: Mansano upasao luwuno hulu, opitu hulu atuu asalakono wantahio te'alaako i arono hulu mekaru.”

1 TIMOTIU 1:18

Anggaa andio kuweeakomu, Timotiu anaku, menunu saru hapa anu pinauomo anu ta gagi mongkona koroimu, ka ipokomorosoko pinau anu ta gagi atuu umanggao anggaa anu moiko a pompe'ala-ala ka aroa mewine anu mentee.

1 TIMOTIU 3:15

Gaagi tewala nahi kuronga hawe, uto'oriomo ba kana'umpe asalakono mia domentuwu gagi ihino sombori-Do Ue Ala, onaemo bawaa-Do Ue Ala anu tuwu, karu pontumbo ka pu'uno menteea.

1 TIMOTIU 5:21

I aro-Do Ue Ala ka i Kerisituu ka luwuno mala'eka bininiki-Do ku'oliwiko ntu'u: pe'ihilaroomo pontiso andio si danggara ka weweuomo luwuakoano si po'ala-alaako.

1 TIMOTIU 6:20

Hei Timotiu, pekariaomo hapa anu umariomo upine'ala-alaako. Olaiakono pau anu nahina tuduno ka anu nahi mempori ka luwuno teposisalaa anu mepu'u inso a hapa anu pinau ponto'ori,