Podoaa 18:23 - Wunta Mempori

²³ Sine to Lewi, ondaemo anu asalakono me'anggao pompekakaako a Ngkema Tepotowoa ka mentembio salado. Onaemo asa pompakosi anu nahina tampulaano ndi omiu hawe a inulemiu. Ondae nahi ira mpohawe tia pusaka i tonga-tongado to Isaraeli.

Podoaa 18:23 ပူးပေါင်းရင်းမြစ်များ

Peluarakoa 27:21

I larono Kema Tepotowoa i arono pelingo anu lumingoo burua songka, i Haruni ka luwuno anano patindao hulu atuu mompu'u ngkiniwia ranta hawe mo'oru i aro-Do i Ue. Onaemo atuu pompakosi anu tinonda ranta nahina tampulaano a nto Isaraeli hawe a inuledo.”

Yehesikieli 44:10

Sine, luwuno to Lewi anu me'olaiako inso ndi Ongkue, tempono to Isaraeli mepansia inso ndi Ongkue mentondao luwuno lahumoado, ta tumembio hukuno.

Podoaa 18:1

Mepau Ira i Ue ndi Haruni, ”Omue, luwuno anamu ka pe'etumu asalakono tumembio anu sala a mpo'ianga mempori. Sine butu omue ka luwuno anamu asalakono tumembio maupo hapa anu sala a laro mpo'anggamiu gagi sando mpesomba.

Podoaa 18:20

Mepau Ira i Ue ndi Haruni, ”I witado nahi komohawe tia pusaka ka nahi komohawe tia i tonga-tongado. Ongkuemo tiamu ka tia pusakamu i tonga-tongado to Isaraeli.

Podoaa 19:21

Onaemo anu asalakono gagi pompakosi ndi ondae anu nahina tampulaano. Mia anu monsiwuiako uwoi pepokomorinaa atuu, asalakono lumomboo sangkano, ka mia anu kona uwoi pepokomorinaa atuu, onae gagi mokoburu hawe sumoo oleo.

Podoaa 26:62

Luwuno mia anu binuri inso ndi ondae, porokono rua pulu ka otolu nsowu mia, luwuno tama anu tinuwuno asa wula ka torea. Ondae nahi domebinuri meronga saru to Isaraeli, hangano nahi domempinoweeako tia pusaka i tonga-tongado to Isaraeli.

Podoaa 3:7

Asalakono dome'anggao luwuno anggaa ndi Haruni ka a luwuno bawaa i arono Kema Tepotowoa saru me'anggao anggaa a Ngkema Mempori.

Podoaa 35:29

Luwuno atuu asalakono gagi pompakosi songka ndi omiu ranta hawe a inulemiu a luwuno po'iangamiu.

Winali 10:9

Onaemo pu'uno suku Lewi nahina tia pusakado mperonga-ronga saru luwuno pepaekompodo. Ondaemo iUe tia pusakado, kana anu pinau-Do i Ue, Ue Alamiu, ndi onae.

Yosua 13:14

Butu ia tongku Lewi nahi domewineeako pusakado anu gagi pusakado: Anu gagi pusakado onaemo pesomba anu tinunuako api tia-Do i Ue, Ue Alado to Isaraeli, kana Dodandiako ira ndi ondae.