Podoaa 18:19 - Wunta Mempori

¹⁹ Luwuno pesomba pinesusua inso a mpesomba mempori anu pinesombaakodo to Isaraeli ndi Ondae i Ue, Kuweeakomu ka a luwuno anamu tama ka beine anu pe'asa rahamu gagi asa pompakosi anu nahina tampulaano onaemo asa pedandia ohia i aro-Do i Ue ndi omue ka inulemu ranta nahina tampulaano.”

Podoaa 18:19 ပူးပေါင်းရင်းမြစ်များ

2 Mokole 12:16

Sine doi pesomba pontolosi sala ka doi pesomba po'onini hala nahi winawa a laro raha-Do i Ue, luwuno atuu gagi tiado sando mpesomba.

2 Tawarika 13:5

Nahi imento'orio ke nine Ondae Ue Alano i Isaraeli meweengakono pabawa poparentaa i Isaraeli ndi Daudi ka a luwuno anano ranta nahina tampulaano saru asa pedandia ohia?

2 Tawarika 31:4

Iparenta ira palilino, palili i Yerusale, ka dompeweengakono pompowee anu gagi tiado sando mpesomba ka to Lewi, ka domempolio mpeweengakono rosodo tiano Taura-Do i Ue.

Peluarakoa 29:27

Kanandiomo upokomemporio radano bimba lakino gagi pesomba tinande ka pa'ano gagi pesomba anu pinesusua, anu pinesombako a poronsoano i Haruni ka luwuno anano.

Yehesikieli 43:24

Omue asalakono wawao i aro-Do i Ue ka luwuno sando mpesomba asalakono mporawo ohia i wawono ka mpesombaakono gagi pesomba tinunu tia-Do i Ue.

Imama 2:13

Sompo pesomba kaangamu asalakono imponaakono ohia. Si mengkolupeo ohia pedandia-Do Ue Alamu inso a mpesomba kaangamu. Ponaakonomo ohia a sompo pesombamu.

Imama 21:22

Mongkona pesomba ndi Ondae Ue Alano, moiko luwuno pesomba tedoa mempori maupo luwuno pesomba mempori moiko ikaano.

Imama 7:14

Inso a sompo tiano mpesomba atuu, asalakono ipesombaakono asa roti gagi pesomba pinesusua ndi Ondae i Ue. Pesomba atuu gagi tiano sando mpesomba anu monsiwuiako reano pesomba tekaduduia.

Podoaa 18:11

Maupo andio tiamiu: pesomba pinesusua inso a pompoweedo anu susua, tewinso luwuno pesomba pinopokitado to Isaraeli. Luwuno atuu Kuweeakomu, luwuno anamu tama ka beine anu pe'asamu. Onaemo asa pompakosi anu nahina tampulaano. Sompo mia anu morina inso a luwuno ihino rahamu moiko ikaano.

Podoaa 18:8

Mepau Ira mbo'u i Ue ndi Haruni, ”Mentee ntu'u Kupeweengakonomo ndi omue tembiano anggaa a luwuno pesomba pinesusua ndi Ongkue; luwuno pesomba memporido to Isaraeli Kuweeakomu ka luwuno anamu gagi tiamiu. Onaemo asa pompakosi anu nahina tampulaano.

Podoaa 31:29

Asalakono alao inso a ntia anu entonga atuu anu pinoko'alado, ka i'amba meweengakono ndi sando mpesomba Eleasa, gagi pesomba pinesusua ndi Ondae i Ue.

Podoaa 31:41

Ka i'amba i Musa meweengakono peki'ue anu pinesusua tia-Do i Ue ndi sando mpesomba Eleasa, kana parenta-Do i Ue ndi Musa.

Winali 12:26

Sine pesomba memporimiu anu kongko ndi omiu ka pesomba pontangamiu asalakono imewawao a mpo'ianga anu Ira binikio i Ue.

Winali 12:6

Asalakono imewawao i ra'ai pesomba tinunu ka pesomba sinumbelemiu, pesomba tia hopulu ka pesomba pinesusua, pesomba pontanga ka pesomba moleono aroamiu, luwuno ana amba-ambano sapimiu ka asa bawaa bembe bimbamiu.