Podoaa 16:41 - Wunta Mempori

⁴¹ Sine, tisomono luwuno bawaa Isaraeli mpewuruki ndi Musa ka ndi Haruni, dompotae, ”Ipepate iramo bawaa-Do i Ue.”

Podoaa 16:41 ပူးပေါင်းရင်းမြစ်များ

1 Mokole 18:17

Mansano i Ahabi kumitao i Elia, motaeomo, ”Omueke atuu mia anu sumolangi ira to Isaraeli?”

Po'unde-unde 106:13

Sine, sarai koa ka domengkolupeo luwuno wineweu-Do, ka nahi domponsikori pontiso-Do;

Po'unde-unde 106:23

Onaemo ka Dopepau mingki rumopu ira, ande-andeno i Musa, mia bininiki-Do, nahi gagi wala i aro-Do, anu umonsoio mosa'ono aroa-Do rumopu ira.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yeremia 38:4

Ka i'amba luwuno mia pinemota'u mpotae ndi mokole, ”Po'ineeomo mia andio ihinuku mate! Hangano, menteeano pau anu kanatuu onae mokomolusao rosodo sorodadu anu da mentuwu i kota andio ka rosodo palili. Mentee ntu'u, mia andio nahi po'ungkeaono manangaino tongku andio, tendeano masolaa.”

Yeremia 43:3

Manasa i Baruki anano i Neria anu mosingkiko umewai kami saru tinoo meweengako kami a ngkaedo to Kasidimi, ka dompepate kami ke mewawa kami a laro pontadia i Babeli.”

Amosi 7:10

I Amasia sando mpesomba i Beteli, montena mia lumako ndi Yerobea, mokole i Isaraeli, saru pe'oliwi, ”I Amosi moweweuomo tepo'asaa umewai komiu ueku i tonga-tongano tongku Isaraeli; wita andio nahi pokompeteao mbo'u a luwuno pinauno.

Podoaa 14:2

Luwudo to Isaraeli mpewuruki ndi Musa ka ndi Haruni ka luwuno bawaa atuu mpotaeako ira, ”Ha, ba kimematemo koa i wita Masiri ke i pada one andio!

I MATIU 5:11

Meme'ura komiumo, ba hangano Ongkue ka imentinata ka binobarasai ka imempinosebeako luwuno anu mosa'o.

WINEWEUDO TINENA 21:28

saru mpebooli, ”Hei to Isaraeli, impontulungi! Ndiomo mia anu i sua-suamo koa paguru ira luwuno mia ka dome'ewaio tongkuto ka me'ewaio songka Taura ka po'ianga andio! Ka kanandio andio iwawa ira mbo'u to Yunani a laro Raha-Do Ue Ala ka mengkokoburutio po'ianga mempori andio!”

WINEWEUDO TINENA 5:28

ipotae, ”Kime'onto komiu ntu'u mompaguru a Nee atuu. Sine mengkaa, Yerusale ibuketiakonomo pompagurumiu ka komiu mingki moposuruakami reano Mia atuu.”

1 KORINTI 10:10

Ka si mpewuruki, kana anu wineweudo ba opia mia inso ndi ondae, ranta mala'eka pompepate mepate ira.

2 KORINTI 6:8

tempono pinelangkai ka tempono pinokongkodei; tempono pinepaukiako ke tempono inunde-unde; tempono tinuluri mompopo'oo, sine pine'ala-ala,

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.