Podoaa 16:28 - Wunta Mempori

²⁸ Umarino atuu motaeomo i Musa, ”Anumo kanandio komiu mento'orio, nine ongkue tinena-Do i Ue weweuo luwuno wineweu andio, ka mongkona atuu komba tinooku ongkueku.

Podoaa 16:28 ပူးပေါင်းရင်းမြစ်များ

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Peluarakoa 4:12

Onaemo pu'uno, lakomo, Aku koa tumulungio elomu mepau ka paguruakomu, hapa anu ta pinaumu.”

Peluarakoa 4:15

Asalakono kau pepau ndi onae ka pauakono hapa anu ta pinaumu; Aku koa tumulungio elomu ka elono mepau. Aku koa paguruakomiu hapa anu ta wineweumiu.

Peluarakoa 7:9

”Tewala motae i Pirao ndi omiu: ’Popokitaakune asa petondoni anu kinohali-haliako,’ asalakono tenao i Haruni: ’Alao ka ipetendeakono tukomu i arono i Pirao.’ Ka tuko atuu ta gagi ule.”

Yeremia 23:16

Kanandiomo pau-Do Ueno luwuakoano, ”Siimo perorongeakono pinaudo luwuno nabi anu mpompau anu ta gagi ndi omue! Ondae butu mpoweeakomu pomperorohia anu nahina pengkonaano, ka mpohaweo pongkita pohaweno aroado ondaedo, komba hapa anu meluarako inso a nganga-Do i Ue.

Yehesikieli 13:17

”Omue anano mia, popokitaomo rupamu a beinedo tongkumu anu mpopau ta gagi po'eheno aroado. Pompaumo anu ta gagi umewai ira.

Sakaria 2:9

Menteeano Aku tumandeo kae-Ku umewai ira, ka ondae ira megagi pomuruado mia anu hieno mpetuundu ndi ondae.” Ka komiu mento'orio, nine Ondae Ueno luwuakoano anu tumena aku.

Sakaria 4:9

”Kaeno i Serubabeli anu weweuomo pondasino Raha andio, ka kaeno mbo'u ta moko'umario.” Ka komiu mento'orio, nine Ondae Ueno luwuakoano anu tumena aku ndi omiu.

Podoaa 24:13

Maupo ipoweeakune i Bala wulaa ka salaka buke asa langkanae, nahi aku polio umewaio petena-Do i Ue, moweweu moiko ke mosa'o a mpo'eheku ongkueku. Hapa anu ta pinau-Do i Ue, onaemo anu aku pauo.

I YOHANE 11:42

Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”

I YOHANE 14:11

Impe'ala-ala Akumo, nine Ongkue i laro-Do i Ama ka Ondae i Ama i laro-Ku; ba naahi, impe'ala-alaomo hangano anu mewineweu atuu.

I YOHANE 5:30

Nahi Kupolio moweweu hapa-hapa inso a ngkoroi-Ku Ongkue-Ku; Kupobitara menunu saru hapa anu rinonge-Ku, ka pobitara-Ku moleo, hangano nahi Kutondao po'ehe-Ku Ongkue-Ku, tendeano po'ehe-Do anu tumena Aku.

I YOHANE 5:36

Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

I YOHANE 6:38

Hangano metii Akumo inso i suruga komba ka Kupoweweu po'ehe-Ku, sine ka Kuweweuo po'ehe-Do anu tumena Akumo.

Winali 18:22

Tewala asa nabi mepau a nee-Do i Ue ka pinauno atuu nahi gagi ka nahi mengkaa, onaemo atuu pau anu nahi Dopauo i Ue. Nabi atuu kowee-weeomo mompohawe, si medoitoakono.