Podoaa 16:15 - Wunta Mempori

¹⁵ I Musa tekudaomo ntu'u ka ipepau ndi Ondae i Ue, ”Siimo Iperioo pesombado. Napi kuhori mo'ala maupo te'asa kalide inso ndi ondae, ka napi kuhori moweweu anu mosa'o maupo ia asa mia inso i olodo.”

Podoaa 16:15 ပူးပေါင်းရင်းမြစ်များ

2 Samueli 22:22

hangano kutondao mpiha sala-Do i Ue ka nahi ku'olai inso ndi Ondae Ue Alaku kana mia mosa'o gauno.

Peluarakoa 32:19

Mansano umpeda i Musa a mpekemaa, ikitao anano sapi atuu ka mia mpenari-nari, onaemo kai tensila tekudano. Ipetadiakono orua watu buriano songka atuu inso a ngkaeno ka irawo-rawoomo, a mpu'u torukuno atuu.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Podoaa 12:3

Kanatuumo i Musa asa mia anu tedoa mauru, laluaopo sekono sompo mia i wawontolino.

Podoaa 16:16

Ka i'amba motaeomo i Musa ndi Kora, ”Tisomo, omue ka luwuno bawaa tumondako asalakono me'aro ndi Ondae i Ue, omue, ondae ka i Haruni.

I MATIU 5:22

Sine Kupauakomiu: Sompo mia anu tekuda a mpepaekompono asalakono hinuku; isema anu motaeakono pepaekompono: Mia melahumoa! Asalakono pino'aro a Puu mpobitara Agama ka isema anu motae: Benge-benge! Asalako tinende a laro api naraka anu kolanga-langa.

I MARAKUSU 3:5

Mompemasusa Ira hangano pe'ulu watudo ka saru tekuda mengkita Ira limbu-limbu ndi ondae ka Do'amba motaeakono mia atuu, ”Tasiakono kaemu!” Ka itasiakono, ka tompaomo kaeno atuu.

1 KORINTI 9:15

Sine nahi kuhori mompake maupo te'asa inso a luwuno pabawa atuu. Kuburio luwuno andio, komba ka kuwineweu mbo'u kanandio. Hangano lalukupo mate sekonopo moweweu kanatuu! Mentee ntu'u, anu kupo'undeakono nahina moko'onini maupo isemamo koa!

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 7:2

Imentarima kamimo i laro aroamiu! Nahi kimehori sala mpoweweu maupo a asa mia, nahina maupo te'asa mia anu pinokorugimami, ka nahi kimpo'ungke uramami maupo inso a mia te'asa.

EPESU 4:26

Tewala gagi komiu ntekuda, si mpoweweu hala: si mentekuda hawe ka isumoo oleo

1 TESALONIKA 2:10

Omiumo sakosii, kanatuukoa mbo'u Ondae Ue Ala, ba kana'umpe memporino, moleono ka nahina tataano kimpelelu i olomiu, anu mpompe'ala-ala.