Podoaa 16:14 - Wunta Mempori

¹⁴ Mentee ntu'u, nahi uwawa kami ia wita anu hadio ntu'u susu ka siu hoanino, ke maupo moweeakami bonde ka lere anggoro gagi tia pusaka. Potaemu komokomorawuo matado mia andiodo? Nahi kami behe me'aiwa.”

Podoaa 16:14 ပူးပေါင်းရင်းမြစ်များ

Peluarakoa 22:5

Tewala asa mia mompakambi pinotuwu i lere ke i lere anggoro ka pinotuwu atuu ipotolao ka dompoitu-itu, ranta pinopaho a leredo mia susua pingko domengkaano, asalakono onae mompowee wua mpinopahono anu moiko ntu'u inso a lereno onaeno ke wua anu moiko ntu'u inso a lere anggorono gagi po'euno.

Peluarakoa 23:10

I larono onoo nta'u moiko uporawo inii a witamu ka sumowio wuano,

Peluarakoa 23:11

sine ko'opitu nta'uno asalakono komo'ineeo ka bintao, mia mongkokolaro i olodo tongkumiu ka dompohawe koa kaanga. Hapa anu binintado po'ineeomo domengkaano kondehora a ntobu. Kanatuu koa mbo'u weweuo a lere anggoromu ka lere saitumu.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Imama 20:24

Sine, ndi omiu mepau Akumo: Omiumo anu komiu mpetorokio witado ka Ongkuemo anu weeakomiu kai mpe'ueo, asa wita anu hadio ntu'u susu ka siu hoanino. Ongkuemo Ue, Ue Alamiu anu monsia komiu inso a luwuno tongku susua.

Podoaa 13:27

Domentutuluakono, ”Mpewinso kamimo i wita, isua itena kami. Lano wita atuu hadio ntu'u susu ka siu hoanino, ndiomo hasilino.

Podoaa 14:8

Tewala Dopemoiko kita i Ue, Ira koa wawa kita mpewinso i wita atuu ka meweengakono ndi ontae, asa wita anu hadio ntu'u susu ka siu hoanino.

Podoaa 20:5

Tembio ka iwawa kami mpeluarako inso i Masiri, ka iwawa kami a masolaa andio, po'ianga komba porawoa inii, nahina mbo'u keu ara, anggoro ka delima, tendeano maupo uwoi inua nahina?”

Puu Mpobitara 16:21

Domerakoomo to Pilisiti, domensunggeio orua matano ka domewawao i Gasa. I ra'ai dometorungkuo ka domeranteakono rante mala ka inanggano butu mogili.

1 Samueli 11:2

Sine ipotae i Nahasi to Amoni atuu ndi ondae, ”Moiko tompooweweu pedandia, sine sompo mia, mata ngkoanano aku gumogoio. Bakanandio aku moweweuako ira tataano luwudo to Isaraeli.”