Podoaa 16:11 - Wunta Mempori

¹¹ Onaemo pu'uno, omue ka luwuno bawaa tumondako kontongaamiu memoroko umewai Ira i Ue. Hangano isemake i Haruni, kai mpewuruki ndi onae?”

Podoaa 16:11 ပူးပေါင်းရင်းမြစ်များ

1 Tawarika 26:19

Onaemo atuu luwuno pepumpudo puu mpodagai pewowa langkai inso a inuleno i Kora ka inso a inuleno i Merari.

Po'unde-unde 106:16

Domemosiriakono i Musa a mpekemaa, ka ndi Haruni, mia mempori-Do i Ue.

Peluarakoa 17:2

Gaagi, dompegagaakono i Musa, ka dompotae, ”Powee kamimo uwoi, ka kimpo'inu.” Sine ipotae i Musa ndi ondae, ”Tembio ka impegagaakune? Si me'ara-arahako Ira i Ue?”

Podoaa 11:1

Asa tempo tongku atuu mpewuruki i aro-Do i Ue mongkona urasa'odo. Rumongeo atuu, tesingkaomo tekuda-Do i Ue. Ka i'amba api-Do i Ue melanga i olodo ka ikaano wiwino pekemaa.

Podoaa 16:12

Kanatuumo i Musa montenaomo mia moboio i Datani ka i Abirami, luwuno anano i Eliabi, sine sumangki ira, ”Nahi kami behe aiwa.

Podoaa 16:3

Domelimbuo i Musa ka i Haruni, saru mpotae ndi ondae, ”Lansara komiumo! Luwuno bawaa atuu mia memempori, ka Ondae i Ue kongko i tonga-tongado. Tembio ka ipompelangka-langkai a bawaa-Do i Ue?”

I LUKASI 10:16

Ba isema merorongeakomiu, Ongkuemo pinerorongeakono; ka ba isema nahi tarima komiu, Ongkuemo anu nahi tarimao; ka ba isema nahi tarima Aku, onae nahi tarima Ira anu tumena Aku.”

I YOHANE 13:20

Kupauakomiu: Menteeano ba isema tumarimao mia anu tinena-Ku, itarima Aku, ka ba isema tumarima Aku, itarima Ira anu tumena Aku.”

WINEWEUDO TINENA 5:4

Tempono nahi inasa wita atuu, kombake atuu omue mpiha me'ueo, ka mansano inasa, kombake olino atuu a laro mpabawamu koa mpiha? Tembio ka upontoo i laro aroamu wineweu kanatuu? Omue komba mogaupi mia, sine gumaupi Ira Ue Ala.”

ROMA 13:2

Onemo pu'uno ba isema mo'ewai to poparenta, i'ewaio pompakosi-Do Ue Ala ka isema anu weweuo, ta mohawe hukuno.

1 KORINTI 10:10

Ka si mpewuruki, kana anu wineweudo ba opia mia inso ndi ondae, ranta mala'eka pompepate mepate ira.

1 KORINTI 3:5

Gaagi, hapake i Apolo? Hapake i Paulu? Ondae puu mpo'angga-Do i Ue anu hangano ondae ka igagi mpompe'ala-ala, singge mia montonda sala anu Doweeakono i Ue.

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.

1 Samueli 8:7

Pau-Do i Ue ndi Semueli, ”Tondaako ira po'ehedo palili luwuno anu domempauakomu. Komba omue anu nahi domentarimako, sine Ongkue kasi Kugagi mbo'u mokoledo.