Podoaa 15:30 - Wunta Mempori

³⁰ Sine mia anu me'inungako moweweu, moiko lano mia i tu'ai maupo mia hawe, mia atuu mepaukiako Ira i Ue, onae asalakono pinokotampula inso i tonga-tongano tongkuno,

Podoaa 15:30 ပူးပေါင်းရင်းမြစ်များ

Tegagia 17:14

Tama anu nahi tinindi, anu nahi sinesei kuli anuno, mia atuu asalakono pinokotampula inso i olono suku tongkuno. Ihapuomo pedandia-Ku.”

Ayubi 38:15

Mia mosa'o gauno rinontu mewineno, ka tokia anu moroso pinudu.

Po'unde-unde 19:13

Isemake anu mokonto'orio sala peleluno onaeno? Ipotola akumo inso a hapa anu nahi kupokonto'orio.

Po'unde-unde 69:9

Gagi akumo mia susua a mpe'etuku, mia hawe luwuno anado ineku;

Po'unde-unde 74:18

Irambeomo kana'umpe domentatao iwali nee-Miu, oo Ue, ka tongku anu monge-monge atuu mpepaukiakono.

Po'unde-unde 74:22

Ipentademo, oo Ue Ala, I'alaakonomo kara-kara-Miu! Irambeomo kana'umpe mia monge-monge tumata Komiu hawe sumoo oleo.

Po'unde-unde 79:12

Pokuleomo meluka opitu a wawo mpa'ado tongku pehori-hori, pompepaukiako anu dompetadiakono ndi Omiu, oo Ue!

Po'unde-unde 89:51

Irambeomo, oo Ue, pontata a luwuno tetenaa-Miu, anu tinembiku a laro radaku inso a luwuno tongku.

Peluarakoa 21:14

Tewala asa mia tensila aroano tekuda a mpe'asa miano, ranta kai pepateakono tinoo mosa'o, omue asalakono umalao mia atuu maupo inso a pontunua pesomba-Ku, kai hinuku mate.

Peluarakoa 30:33

Mia anu moweweu salono kanatuu, ka ihahiakono a mia biasa asalakono pinokotampula inso a tongkuno.”

Powadi 14:31

Isema mompokonsii mia anu molema, mompokongkodei anu Mokogagio, sine isema me'aroa a mia mongkokolaro, umunde-unde Ira.

Yehesikieli 20:27

Onaemo pu'uno, pepaumo a nsuku Isaraeli, hei anano mia, ka potaemo ndi ondae: Kanandiomo pau-Do Ue Ala: A laro mongkona andio mbo'u uempu'umiu mpepaukia-Kune saru nahi dompetenunu ndi Ongkue.

Imama 20:10

Tewala asa tama monsosabo saru kombiano mia susua, monsosabo saru kombiano pe'asa miano, moiko tama maupo beine anu monsosabo atuu asalakono hinuku mate.

Imama 20:3

Ongkue isa'a anu umaropio mia atuu ka mokotampulao inso i tonga-tongano tongkuno. Hangano ipeweengakono asa inso a luwuno anano ndi Moloko saru tinoono weweuo mokoburu po'ianga mempori-Ku ka lumaloo memporino nee-Ku anu mempori.

Imama 20:6

Mia anu momperorohi a onituno mia mate ke a mia anu mompau anu ta gagi, monsosaboako pesikenono ndi ondae, Ongkue isa'a anu umaropio mia atuu ka mokotampulao inso i tonga-tongano tongkuno.

Podoaa 15:29

Moiko tiado mia lano to Isaraeli maupo mia hawe anu mpo'ia i tonga-tongamiu, asa koa songka ta tinonda ndi ondae mongkona mia anu moweweu hala nahi pe'inungako.

Podoaa 9:13

Posuleno mia anu nahi mokoburu ka komba a laro pelempaa, sine nahi pomperio mokomaroao Pasa, mia atuu asalakono pinokotampula inso i olodo mia pe'asa tongkuno, hangano nahi powawa pesombano ndi Ondae i Ue ia tempono. Mia atuu ta tumembio halano.

I MATIU 12:32

Tewala asa mia mepauomo umewai Ira i Ana Manusia, ta inampuni halano, sine tewala i'ewai Ira Penaa Mempori, onae nahi ta inampuni halano, i wawontolino andio ke maupo i wawontolino anu ta hawe naahi.

Winali 1:43

Gagi, mepau aku ndi omiu, sine nahi mperorongeakono. Ime'ewaio parenta-Do i Ue. Memosia komiu lahi melako nte'aro i mentorukuno.

Winali 32:27

”Sine, Kusala laroakono pompopodeu-deudo iwali, kasi mansa iwalido sala mpewowoloo, ka dompotae, ’Kae mami anu moroso, komba Ondae i Ue anu weweuo luwuno andio.’ ”

IBARANI 10:26

Hangano tewala me'inungako kita moweweu hala, umarito mpohawe ponto'ori mongkona menteea, ka nami hina mbo'u pesomba po'onini hala atuu.

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

2 PETURU 2:10

tamoako ondae anu mentondao po'eheno aroado hangano mingki sumosa'aio koroino ka anu mokongkuramao poparentaa-Do Ue Ala. Memosia ira ntu'u ka mpompelangka-langkai, ranta nahi donte'ondaha mpepaukiakono marambaa,

1 YOHANE 5:16

Tewala hinao asa mia kumitao pepaekompono moweweu hala, onaemo hala anu komba mowawa matea, po'ineeomo ka ipekakai ndi Ondae Ue Ala ka Ira moweeakono tuwua, onaemo ondae, anu mpoweweu hala anu komba mowawa matea. Hinao hala anu mowawa matea; mongkona atuu komba kupauo, nine asalakono ka ipekakai.

1 Samueli 2:25

Tewala mia tehala a mpe'asa miano, Dopolio Ue Ala mokomoiko ira. Tewala asa mia tehala ndi Ondae i Ue, isema anu ta polio gagi po'oloti?” Sine nahi doperorongeakono patuduno amado, hangano po'ehe-Do i Ue mepate ira.

1 Samueli 3:14

Onaemo ka Kupesumpa mongkona inuleno i Eli nine pe'ewado nahi ta pinokontolosiako pesomba sinumbele ke pesomba kaanga ranta nahina tampulaano.”