Podoaa 15:3 - Wunta Mempori

³ ka komiu popesombaako pesomba tinunu ndi Ondae i Ue, inso a nsapi ke inso a asa bawaa bembe bimba, moiko pesomba tinunu ke pesomba sinumbele, moiko gagi pesomba po'ihii pontanga pinesusua, ke pesomba a moputeno aroa ke pesomba i tempono oleo langkaimiu, weweua anu woono mokomawongko Ira i Ue,

Podoaa 15:3 ပူးပေါင်းရင်းမြစ်များ

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

Esera 7:17

Onaemo pu'uno, asalakono doi andio pakeo temoiko po'oliako sapi lakino, bimba lakino, ka ana bimba saru pesomba kaanga ka pesomba tinawa. Luwuno atuu, asalakono pesombaakono a wawo meda pontunua pesomba i Raha-Do Ue Alamu i Yerusale.

Po'unde-unde 54:6

Menteeano, Ondaemo Ue Ala pontulungiku; Ondaemo i Ue pokorosono tuwuku.

Peluarakoa 29:18

Ka i'amba luwuno bimba atuu, asalakono tunuo a wawo meda pontunua pesomba. Onaemo pesomba tinunu, pesomba anu mo'ahi woono ndi Ondae i Ue, pesomba anu tinunu a api tia-Do i Ue.

Peluarakoa 29:25

Umarino atuu asalakono alao luwu inso a ngkaedo ka tunuo a meda potunua pesomba, iwawono pesomba tinunu, gagi pesomba anu mo'ahi woono. Onaemo pesomba anu tinunuako api tia-Do i Ue.

Peluarakoa 29:41

Bimba anu susua asalakono patindao tempono ngkiniwia. Mengkena kana pesomba kaanga ka pesomba tinawa tempono mo'oru, asalakono patindao gagi pesomba anu mo'ahi woono, aasa pesomba anu tinunuako api tia-Do i Ue.

Imama 10:13

Asalakono imengkaano i asa po'ianga anu mempori, hangano onaemo anu pinakosi tiamu ka luwuno anamu inso a luwuno pesomba tinunu ndi Ondae i Ue, hangano kanatuumo kupinarentaako.

Imama 27:2

”Pepaumo a nto Isaraeli ka pauako ira: Tewala asa mia mompau pontanga ndi Ondae i Ue mongkona tinuwuno mia anu ineuako rekeno anu tinonda tempo atuu,

Imama 7:16

Tewala pesomba sinumbele anu pinesombaako atuu gagi pesomba pontanga ke pesomba po'eheno aroa, asalakono bauno ikinaa a oleo ipinesombaako, sine toreano moiko ikinaa tisomono.

Podoaa 28:27

I tempo atuu, asalakono impopesombaako pesomba tinunu gagi woo anu pinemawongko-Do i Ue: orua sapi lakino mongura, asa bimba lakino, opitu bimba anu tinuwuno asa nta'u;

Podoaa 29:8

Asalakono impopesombaako pesomba tinunu ndi Ondae i Ue, gagi woo anu mompokomawongko, onaemo asa sapi lakino mongura, asa bimba lakino ka opitu bimba lakino anu tinuwuno asa nta'u; asalakono impo'ala anu nahina tataano;

Podoaa 6:15

asa baki mbo'u roti nahi peragi, onaemo roti bonggoli inso a ntarigu moiko ntu'u anu sinaloako lana, ka roti monipi nahi peragi anu hinahiako lana, saru pesomba kaanga ka luwuno pesomba tinawa.

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

2 KORINTI 2:15

Hangano ndi Ondae Ue Ala omami onaemo woo anu mana mo'ahi inso ndi Ondae i Kerisituu i tonga-tongado anu mengkinadudui ka i olodo anu memate.

2 KORINTI 2:16

A anu pokotompa omami onaemo woono matea anu mompepate ka a anu amba-ambano woono tuwua anu mompotuwu. Sine isemake anu polio umanggao anggaa anu kanandio?

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:17

I kotamiu nahi mpongkaa moiko pesomba tia hopulu inso a gandu, anggoro, ka lanamiu, ke ana amba-ambano sapi ka asa bawaa bembe bimbamiu, ke asa inso a mpesomba anu komiu mpotangaako, ke mpesomba a moleono aroa, ke pesomba pinesusuamiu.

Winali 12:6

Asalakono imewawao i ra'ai pesomba tinunu ka pesomba sinumbelemiu, pesomba tia hopulu ka pesomba pinesusua, pesomba pontanga ka pesomba moleono aroamiu, luwuno ana amba-ambano sapimiu ka asa bawaa bembe bimbamiu.

PILIPI 4:18

Kanandio-andio kutarimaomo luwu anu kinereku inso ndi omiu, tendeano toreaomo. Mare'e akumo, hangano kutarimaomo oliwimiu inso ndi Epaporoditu, aasa pesomba anu mana mo'ahi, aasa pesomba anu inehe-Do ka Dopemoikoo Ue Ala.