Podoaa 15:29 - Wunta Mempori

²⁹ Moiko tiado mia lano to Isaraeli maupo mia hawe anu mpo'ia i tonga-tongamiu, asa koa songka ta tinonda ndi ondae mongkona mia anu moweweu hala nahi pe'inungako.

Podoaa 15:29 ပူးပေါင်းရင်းမြစ်များ

1 Mokole 8:41

Kanatuu koa mbo'u tewala hinao asa mia hawe, anu nahi tewinso bawaa-Miu Isaraeli, aiwa inso i wita olai hangano nee-Miu, —

Peluarakoa 12:49

Asa koa atora anu ta tinonda, moiko to Isaraeli maupo mia mehawe anu merodo iramo ndi omiu.”

Imama 16:29

Onaemo andio anu asalakono gagi pompakosi ranta nahina tampulaano ndi omiu: a wula ko'opitu, tanggala hopulu wula atuu asalakono impe'urumako saru mempuasa ka si mpoweweu anggaa hapamokoa, maupo bawaa ntu'u ke maupo mia hawe anu mpo'ia i tonga-tongamiu.

Imama 17:15

Sompo mia anu mongkaa kondehora mate onaeno ke toreano kondehora lambaha, maupo bawaa ntu'u ke maupo mia hawe, asalakono ilomboo sangkano, koroino iwo'ohiakono uwoi ka onae mokoburu hawe sumoo oleo, umarino atuu ka i'amba nahi mokoburu.

Imama 4:2

”Pauako ira to Isaraeli: Tewala asa mia nahi pe'inungako moweweu hala aasa anu inonto-Do i Ue, ka lano iweweu asa inso ndi onae,

Podoaa 15:15

Mongkona bawaa atuu, asalakono hinao pompakosi ndi omiu ka a mia hawe anu mpo'ia ndi omiu. Ndiomo asa pompakosi ranta nahina tampulaano ndi omiu hawe a inulemiu, omiu ka mia hawe asalakono mengkena i aro-Do i Ue.

Podoaa 15:28

Sando mpesomba asalakono moweweu pesintuwua i aro-Do i Ue tiano mia anu nahi pe'inungako moweweu hala, ranta hangano wineweu pesintuwua, mia atuu mohawe te'oninino hala.

Podoaa 15:30

Sine mia anu me'inungako moweweu, moiko lano mia i tu'ai maupo mia hawe, mia atuu mepaukiako Ira i Ue, onae asalakono pinokotampula inso i tonga-tongano tongkuno,

Podoaa 9:14

Tewala asa mia hawe anu mo'iaomo mpiha ndi omiu mingki mokomaroao Pasa ndi Ondae i Ue, asalakono ipokomaroao montonda luwuno pompakosi ka atorano Pasa. Asalakono asa pompakosi anu tinondamiu, moiko a mia hawe maupo lano mia i tu'ai.”

I LUKASI 12:48

Sine ba isema nahi to'orio po'eheno ueno ka iweweuo hapa anu asalakono ka itinunduhi, onae ta mohawe tedei potunduhi. Sompo mia anu ndi onae hadio ipinowee, inso ndi onae ta hadio inema, ka ndi sema anu hadio ipine'ala-alaako, inso ndi onae ta lalu hadio mbo'u inema.”

Yosua 8:33

Luwudo to Isaraeli, mia memota'udo, petewawa ka puu mpobitara mpentade ira mompombali i horino burua pedandia, umaropi ira sando mpesomba inso ia tongku Lewi, mia mpowawa burua pedandia-Do i Ue, maupo mia mehawe, ka lano mia i tu'ai, tia oruano me'aro i torukuno Gerisi ka tia oruano mbo'u me'aro i torukuno Eba, kana petenano i Musa ndi'ipua, tetenaa-Do i Ue, ba ira mporonso to Isaraeli.