Podoaa 15:20 - Wunta Mempori

²⁰ Tarigu jelaimiu anu amba-ambano, asalakono imewawao gagi pesomba pinesusua onaemo roti bonggoli. Kanamo pesomba pinesusua inso a hasilino ponsesaamiu, kanatuumo asalakono impesombaakono.

Podoaa 15:20 ပူးပေါင်းရင်းမြစ်များ

Nehemia 10:37

Kami mpowawa mbo'u tarigu jelai anu amba-ambano, luwuno pesomba pinesusumami, wuano luwuno keu, anggoro ka lana ndi ondae sando mpesomba, a luwuno bolongkono Raha-Do Ue Alamami. A luwudo to Lewi kami mpowawa pesomba tia hopulu inso a witamami, hangano to Lewimo andiodo anu mporuru pesomba tia hopulu a luwuno kota pelereamami.

Peluarakoa 23:19

Anu moiko ntu'u inso a wua amba-ambano witamu asalakono wawao a raha mpesombaa ndi Ondae i Ue, Ue Alamu. Si menahuo bauno ana bembe a uwoi uono ineno.”

Peluarakoa 34:26

Wua amba-ambano anu lalu moiko i witamiu asalakono imewawao a raha-Do i Ue, Ue Alamiu. Anano bembe si menahuo a laro uwoi uono ineno.”

Yehesikieli 44:30

Anu lalu moiko inso a wua amba-ambano hapamo koa ka pesomba pinesusua inso a hapamo koa i olodo luwuno pesomba pinesusuamiu onaemo tiado sando mpesomba; saru mbo'u anu lalu moiko inso a ntarigu jelaimiu asalakono imeweeako ira sando mpesomba ka ipohawe ronso rahamiu.

Imama 2:12

Sine omiu moiko impesombaakono ndi Ondae i Ue gagi pesomba inso a hasili amba-ambano, butumokoa si mewawao i wawono meda pontunua pesomba gagi woono anu mompokomawongko.

Imama 2:14

Tewala omue mompesombaako pesomba kaanga inso a wua amba-ambano ndi Ondae i Ue, asalakono upesombaakono wua gandu anu sinompui a wawo api, gandu wo'ohu anu inisa gagi pesomba kaanga inso a wua amba-ambano.

Imama 23:10

”Pepaumo a nto Isaraeli ka potaeako ira: Tewala mehawe komiu a wita anu Aku weeakomiu, ka mposowi hasilino, asalakono impowawa te'asa nte'u inso a hasilino amba-ambano sinowimiu a sando mpesomba.

Imama 23:20

Sando mpesomba asalakono tumandeo luwuno atuu saru roti inso a wua amba-ambano atuu gagi pesomba tinande ndi Ondae i Ue, saru mbo'u orua bimba atuu. Luwuno atuu asalakono gagi pesomba mempori ndi Ondae i Ue ka gagi tiado sando mpesomba.

Podoaa 15:21

Inso a ntarigu jelaimiu anu amba-ambano, asalakono impeweengakono pesomba pinesusua ndi Ondae i Ue, ranta hawe a inulemiu.”

Podoaa 18:12

Luwuno anu moiko ntu'u inso a lana, inso a anggoro maupo gandu anu pinesombaakodo ndi Ondae i Ue gagi hasilino amba-ambano, Kuweeakomu.

I MATIU 6:33

Sine ime'ungkeomo ari Poparentaa-Do Ue Ala ka mentee-Do, ka luwuno atuu Ira tumiangiakomiu.

ROMA 11:16

Tewala mempori roti amba-ambano, asalakono luwuno anu sinalo mempori koa mbo'u, ka tewala mempori haka, asalakono luwuno sampano mempori koa mbo'u.

1 KORINTI 15:20

Sine anu mentee onaemo, nine Ondae i Kerisituu winangu Iramo inso i olodo mia mate, gagi anu amba-ambano inso a mia anu memate iramo.

Winali 14:22

Asalakono imponsiao tia hopulu inso a luwuno wuano inii anu tuwu i leremiu, sompo ta'u.

Winali 14:23

I aro-Do i Ue, Ue Alamiu, a mpo'ianga anu Ira binikio kai po'ia nee-Do i ra'ai, asalakono imengkaano tia hopulu inso a gandu, anggoro, ka lanamiu, ka mbo'u ana amba-ambano sapi ka asa bawaa bembe bimbamiu, kai mpepaguru doitoako Ira mpiha i Ue, Ue Alamiu.

Winali 16:13

Oleo langkai Laika Lewe ngkeu asalakono imerame-rameo i larono opitu oleo, umarimiu mepumpuo hasili inso a mposesaa ka a mpomporo'iamiu.

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.