Podoaa 14:9 - Wunta Mempori

⁹ Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

Podoaa 14:9 ပူးပေါင်းရင်းမြစ်များ

Tegagia 48:21

Ka i'amba i Isaraeli motaeakono i Yusupu, ”Nahi tehine mbo'u akumo mate, sine Ondae Ue Ala Ira kumongkomi komiu ka wawa komiu mpekule i witado uempu'umiu.

2 Tawarika 13:12

Kitaomo, Ondae Ue Ala saru omami gagi petewawa. Luwuno sando mpesomba-Do tetinda mpopuuri petondoni sumapoi komiu saru napiri luwuno petondoni. Oo, to isaraeli, si mpetea umewai Ira i Ue, Ue Alado uempu'umiu, hangano nahi komiu mponangi!”

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

2 Tawarika 32:8

Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Po'unde-unde 106:24

Nahi domentarimao wita anu tekosi atuu, nahi dompe'ala-alao pau-Do.

Po'unde-unde 121:5

Ondaemo i Ue Anu Dumagaiko, Ondaemo i Ue pe'egoamu te'alaako a ngkae koanamu.

Po'unde-unde 14:4

Nahi dompokonto'orioke luwuno mia anu mpoweweu mosa'o? Mengkaano pingko bawaa-Ku, mokomowohio koroido ondaedo, ka nahi pebooli ndi Ondae i Ue.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Po'unde-unde 46:8

Ondae Ue Alano luwuakoano kumongkomi kita, kota benteto Ondaemo Ue Alano i Yako. Sela

Po'unde-unde 74:14

Omiumo anu pirego ira uludo Lewiata, ka meweengakono gagi kaangado anu mpo'ia a mpada malua.

Po'unde-unde 91:1

Mia anu mentoro a laro pongkadudui-Do Anu Tedoa Mantande ta merato a laro po'engoi-Do Anu Tedoa Pabawa.

Peluarakoa 14:13

Sine ipotaeako ira i Musa to Isaraeli atuu, ”Si medoito, ikongko memoroso, komiumo mengkitao pongkadudui-Do i Ue anu Ira weeakomiu oleo andio; nde to Masiri anu kinitamiu oleo andio, nami komiu hori kumita ira mbo'u.

Peluarakoa 33:16

Gagi kana'umpe ira mento'orio mia, nine mohawe akumo pompehohawa i aro-Miu, ongkue ka bawaa-Miu andio? Kombake hangano Omiu kumongkomi kami, ranta omami, ongkue ka bawaa-Miu pinesusua inso a luwuno tongku i wawontolino?”

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 32:2

ondae singge mia ta kana po'ianga mererei a angi ka po'ianga mererei a angi mokora, kana waaano uwoi a motu'iano, kana po'engoino asa watu langkai a wita anu londa.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Yesaya 63:10

Sine, ondae me'ewa ka mokomasusao Penaa-Do anu mempori; onaemo ka Dopewolili gagi iwali, ka Ondae-Do isa'a metea umewai ira.

Yeremia 1:19

Ira mpeteaakomu, sine nahi ira menangiko, hangano Ongkue kumongkomiko ka utola, kanandiomo pau-Do i Ue.”

Yeremia 42:11

Si medoito ndi mokole i Babeli anu dinoitoakomiu atuu. Si medoito ndi onae, kanandiomo pau-Do i Ue, hangano Ongkue kumongkomi komiu ka intekadudui ka motola komiu inso a ngkaeno.

Yeremia 48:45

A mpe'engoano Hesiboni anu mempolai mpenaa-naa, pingko rosodo; sine api meluarako inso i Hesiboni, langano api inso a langkanaeno i Sihoni, anu kumaano ka ipingko nipi-nipino Moabi ka taku uludo anu mporisui.

Danieli 9:5

Mpoweweu kamimo hala ka sala, mpoweweu kamimo gau mosa'o ka me'ewa, mepansia kamimo inso a parenta-Miu ka atora-Miu.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Podoaa 13:30

Ka i'amba i Kalebi mo'arahako mokorodoo aroado tongku atuu i arono i Musa, ipotae, ”Naahi! Kita koa melako ka mpetorokio wita atuu, hangano manasa kita koa menangio!”

Podoaa 17:6

Mansano mepau i Musa a nto Isaraeli, luwuno petewawado mpoweeakono asa tuko, singge mia inso a sompo petewawado, porokono hopulu ka orua tuko, ka tukono i Haruni kongko i olono luwuno tuko atuu.

Podoaa 20:2

Asa tempo nahina uwoi tiado bawaa atuu. Mpepumpu iramo mpe'aro ndi Musa ka ndi Haruni.

Podoaa 24:8

Ondae Ue Ala anu wawa ira mpeluarako inso i Masiri, kana tanduno onua ndi ondae. Ira mengkaano luwuno tongku anu gagi iwalido ka puroo luwuno wukudo saru mepateako ira panado.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 1:26

Sine, nahi mebehe mpelempa melako i ra'ai; ime'ewaio parenta-Do i Ue, Ue Alamiu.

Winali 1:29

Umarino atuu mepau aku ndi omiu, ”Si mpondende kasi medoitoako ira.

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 32:42

Aku mokomolanguakono rea ana mpana-Ku ka ponai-Ku ta mongkaa bau: reado mia anu tinobo ka anu tinawa, luwuno petewawado iwali anu mpewuu ondau.”

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Winali 9:7

Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Yosua 14:12

Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

Puu Mpobitara 1:22

Inuleno i Yusupu ndada lumako sumapoi ira to Beteli, ka Ondae i Ue kumongkomi ira.