Podoaa 14:5 - Wunta Mempori

⁵ Menggolontuomo i Musa ka i Haruni i arodo luwuno bawaa Isaraeli anu mpepumpu i tu'ai.

Podoaa 14:5 ပူးပေါင်းရင်းမြစ်များ

Tegagia 17:3

Ka i'amba menggolontuomo mesomba i Burama, ka Ondae i Ue mepau ndi onae,

1 Mokole 18:39

Kumitao anu gagi atuu, luwuno palili mpenggolontu, ka dompotae, ”Ondae i Ue, Ondaemo Ue Ala! Ondae i Ue, Ondaemo Ue Ala!”

1 Tawarika 21:16

Mansano i Daudi mengkikita, ikitao Mala'eka-Do i Ue kontongaano mentade i olono tolino ka langi, saru ponai tebuta a ngkaeno anu inio i wawono Yerusale. Ka i'amba i Daudi ka luwuno mia memota'u mpenggolontu saru mpesangka mpo'inombo.

Yehesikieli 9:8

Kontongaado pompepate, tempo atuu bininta aku asa-asaku, ongkue menggolontu mesomba ka mebooli, kupotae, ”Oo, Ue Ala, nde Iropu ira luwuke to Isaraeli anu da tebinta a laro te'uwuno tekuda-Miu i Yerusale?”

Danieli 10:9

Ka ku'amba rumongeo unino pepauno, ka mansano kurongeo unino pepauno atuu, ongkue tebangku tepo'opo te'onto penaa rupaku a wita.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Podoaa 14:6

Sine i Yosua anano i Nuni ka i Kalebi anano i Yepune anu tewinso a luwuno mia anu mempadasoomo wita atuu berio sangkado,

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

Podoaa 16:4

Mansano rumongeo i Musa mongkona atuu menggolontuomo ka mesomba.

Podoaa 16:45

”Peliahakomo inso i tonga-tongano bawaa andio, ka Kupingko ira i larono asa mpiniro.” Onaemo ka dopesomba.

Podoaa 17:10

Mepau Ira i Ue ndi Musa, ”Pokuleomo tukono i Haruni i arono buruano songka kai ninaa gagi petondoni a luwuno mia bunto, ka mokotampulao pewurukido mongkona Ongkue, kasi domemate.”

Podoaa 20:6

I Musa ka i Haruni binta ira bawaa atuu, lumako a mpewowano Kema Tepotowoa ka mesomba. Tengkitaomo maramba-Do i Ue ndi ondae.

I MATIU 26:39

Ka Dopelelaako tedei, ka Do'amba menggolontu mesomba ka mekakai, Dopotae, ”Oo Ama-Ku, ba mansa Ipemoikoo, po'ineeomo tonde andio ka itelalo inso ndi Ongkue, sine siimo kana po'ehe-Ku, tendeano kana po'ehe-Miu.”

Yosua 5:14

Sangkino, ”Naahi, sine ongkue andio Tadulako Balatantara-Do I Ue. Kanandio hawe akumo.” Menggolontuomo i Yosua ra'ino hawe ia wita, mesomba ka ipesikeno, ”Hapa anu ta pinaumiu ndi ongkue?”

Yosua 7:10

Mepau Iramo Ondae i Ue ndi Yosua, ”Pewangumo! Tembio ka upesomba kanandio?

MENGKAAA 4:10

ka mpenggolontu iramo ruapulu ka opaa mia mempinemota'u atuudo i aro-Do anu mentoro a wawo ngkadera poparentaa atuu, ka dompesombai Ira anu tuwu ranta nahina tampulaano. Ka dompetadiakono ramba-ramba uludo i arono kadera poparentaa atuu, saru mpotae,

MENGKAAA 5:14

Ka opaa anu tuwu atuu mpotae, ”Ami.” Ka mia mempinemota'u atuudo ntebangku mpenggolontu ka mpesomba.

MENGKAAA 7:11

Ka luwuno mala'eka mpentade melimbuo kadera poparentaa ka mia mempinemota'u ka opaa anu tuwu atuu; mpenggolontu ira i arono kadera poparentaa atuu ka mpesombai Ira Ue Ala,