Podoaa 14:34 - Wunta Mempori

³⁴ Menunu saru porokono oleo imempadasoo wita atuu, pato pulu oleo, ka asa oleo rineke asa nta'u, ka ilarono pato pulu nta'u asalakono komiu mentembio salamiu, ka imento'orio anu nahi Kupe'eheo.

Podoaa 14:34 ပူးပေါင်းရင်းမြစ်များ

1 Mokole 8:56

”Unde-unde Ira i Ue, anu moweeako ira penaa-naaa a bawaa-Do Isaraeli menunu saru luwuno anu dinandi-Do; nahina maupo te'asa anu nahi Do'ihiio inso a luwuno dandi anu moiko, anu dinandi-Do molalo i Musa, tetenaa-Do.

2 Tawarika 36:21

Bakanandio te'ihiiomo pau-Do i Ue anu pinauno i Yeremia, ranta wita atuu umariomo lumaloo luwuno ta'u Sabano. Wita atuu asalakono pino'inee londa i larono luwuno ta'u saba atuu, ranta sompoomo pitu pulu nta'u.

Po'unde-unde 105:42

hangano Dorambeo pau-Do anu mempori, ka i Burahima tetenaa-Do.

Po'unde-unde 38:4

Nahina anu madoo a ngkoroiku hangano bamburu-Miu, nahina anu madoo a luwuno wukuku hangano halaku;

Po'unde-unde 77:8

”Ranta nahina tampulaanoke Ondae i Ue nahi Dopontarima ka mbo'u nahi Dopemoikoo?

Po'unde-unde 95:10

Pato pulu nta'u Kumokoburuakono inule asa api atuu, onaemo ka Kupepau, ”Ondae bawaa anu ntesosaelo aroado, nahi domento'orio pesalaa-Ku.”

Yehesikieli 14:10

Ira mentembio salado ondaedo, moiko mia anu mo'ema pontiso maupo nabi atuu,

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Yehesikieli 4:5

Kanandiomo Kutantuio ndi omue: Te'opia hadiono ta'u hukudo suku Isaraeli, kanatuumo hadiono oleo utembio hukudo; hadiono tolu etu sio pulu oleo.

Yehesikieli 4:6

Mansano upokotampulaomo tempo atuu, pepombolemo anu kompenduano, sine i koanamu ka tembiomo hukudo suku Yehuda i larono pato pulu oleo. Kutantuiakomumo asa oleo tiano asa nta'u.

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Hosea 9:12

Maupo dompokolangkai ira anado, Aku weweu ira ka dontetadi luwu anado. Mentee ntu'u, memasola iramo i tempono Ku'olai inso ndi ondae!

Imama 20:19

Si sungkeo anuno pepaekompo beine inemu ke pepaekompono beine amamu, hangano anuno pepaekompo onaeno anu inungkahino. Asalakono dotembio ondaedo salado.

Sakaria 11:10

Ka ku'amba umalao tuko ”Me'aroa” atuu, ka ku'amba puduo ka nami gagi anu Kuwutuomo saru luwuno bawaa.

Podoaa 13:25

Umarino pato pulu oleo, mpekule ira inso a mpopadasoa wita atuu.

Podoaa 18:23

Sine to Lewi, ondaemo anu asalakono me'anggao pompekakaako a Ngkema Tepotowoa ka mentembio salado. Onaemo asa pompakosi anu nahina tampulaano ndi omiu hawe a inulemiu. Ondae nahi ira mpohawe tia pusaka i tonga-tongado to Isaraeli.

Podoaa 32:13

Tekuda-Do i Ue tensilaomo a nto Isaraeli, onaemo ka Doweweu ira mpetanggolili i pada one pato pulu nta'u tehineno, ranta ka ipingko luwuno mia anu mpoweweu mosa'o a pongkita-Do i Ue.

WINEWEUDO TINENA 13:18

Pato pulu nta'u tehineno Dosabaraakono luwuno gaudo i pada one.

Winali 2:7

Mentee ntu'u Ondae i Ue, Ue Alamiu rumonso komiu a laro luwuno inanggano kaemiu. Dokongkomi komiu a mpelempaamiu lumaloo pada one anu malua andio. I larono pato pulu nta'u andio Dokongkomi komiu i Ue, Ue Alamiu, ka nahina maupo hapa makuramiu.

IBARANI 4:1

Onaemo pu'uno, moikoopo tompetangkoro, ka si hina te'asa mia I olomiu anu tinudu tebinta, maupo pedandia ira mpewinso a mpenaa-naaa-Do napi inihii.

Yosua 14:10

Gaagi kanandio, menteeano Ondae i Ue dopotuwu akumo, kana anu dinandi-Do. Kanandio, pato pulu ka olima nta'umo tehineno, mompu'u Dopauo i Ue ndi Musa, ka itempono atuu to Isaraeli kongkodo mpelempa i pada one. Kanandio halu pulu ka olima nta'umo tinuwuku;

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.