Podoaa 14:3 - Wunta Mempori

³ Tembio ka Howawa kami i Ue i wita andio, ka kimemateako ponai, ka kombia ka luwuno ana mami gagi mia tinawa? Nahi moikoopo ke kimpekule i wita Masiri?”

Podoaa 14:3 ပူးပေါင်းရင်းမြစ်များ

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Po'unde-unde 78:40

Ba pempia dompe'ewa ndi Ondae i pada one, ka mokomasusao aroa-Do a mpada malua!

Peluarakoa 16:3

ka dompotaeako ira, ”Aa! Laluopo Dopepate kamimo i Ue i wita Masiri, tempo atuu mpentoro kami mpotaroi kawali bukeako bau ka mpokaa roti ranta lalembula! Sekonopo i wawa kami mpeluarako hawe i pada one andio komiu mepate ira luwuno bawaa andio hangano mokoninggoa.”

Peluarakoa 5:21

Ka do'amba motae ndi ondae, ”Po'ineomo Dokitao i Ue wineweumiu, ka humukukomiu hangano ipokomosa'oo nee mami i arono i Pirao ka a luwuno pegawaino, hangano kanarau, mengkenaomo ipoweeako ira ponai ka dompokoropu kami.”

Yeremia 42:14

hangano pinewowolomiu, Naahi! Kami melako i wita Masiri, isua nahi kami mpompembasai peteaa, mporonge unino tawuwua, ke marasai mokoninggo; i ra'aimo kami mpo'ia!,

Yeremia 42:19

Ondae i Ue mepau Iramo ndi omiu, hei to Yehuda anu da mentuwu: Si melako i Masiri! Impenootio tementee, nine kupopoto'oriakomiu a oleo andio!

Yeremia 9:3

Ondae melongkuo elodo kana pana; komba menteea sine pegaupi anu me'a'e i wita atuu. ”Mentee ntu'u, ondae mpelungka inso a wineweu mosa'o lumako a wineweu mosa'o, sine nahi domento'ori Aku”, pau-Do i Ue.

Podoaa 11:20

sine sompo asa wula, ranta bau atuu meluarako inso a engemiu ka ranta kai memongkokowuere. Hangano impebungkui Iramo i Ue anu kongko i tonga-tongamiu ka mpengese i aro-Do ka mpotae: Pombio ke ka tompeluarako inso i Masiri?”

Podoaa 16:13

Napi sompo ke, nine uwawa kami mpeluarako inso i asa wita anu hadio ntu'u susu ka siu hoanino kai po'inee kami memate i pada one, ka da upokogagio mbo'u koroimu ue ndi omami?

Podoaa 20:3

Tongku atuu mpegagaakono i Musa, dompotae, ”Ande-andeno kimentampula tempono dometampula pepaekompomami i aro-Do i Ue!

Podoaa 21:5

Ka do'amba mpepauki umewai Ira Ue Ala ka i Musa, ”Tembio ka Iwawa kami mpeluarako inso i Masiri? Ka kimemate i pada one andio? Hangano i ndi'ai nahina roti ka nahina uwoi, ka kaanga motewe andio nte'osa kamimo.”

WINEWEUDO TINENA 7:39

Sine uempu'uto nahi domebehe domperorongeakono, tendeano dompebungkuio. I laro aroado inehedo mpekule i wita Masiri.

Winali 1:39

Ka anamiu anu da kodei, anu pinaumiu ta gagi rontuado iwali, luwuno anamiu anu kanandio-andio napi domponto'ori mongkona anu moiko ka anu mosa'o, ondaemo anu ira mpewinso i ra'ai. Ndi ondaemo Aku meweengakono ka ondaemo anu ira mpe'ueo.