Podoaa 14:22 - Wunta Mempori

²² luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku,

Podoaa 14:22 ပူးပေါင်းရင်းမြစ်များ

Tegagia 31:41

I larono rua pulu nta'u ongkue i rahamiu; mo'angga akumo ndi omiu hopulu ka opaa nta'u tehineno ka kupoko'ala ira orua anamiu saru onoo nta'u ka kupohawe pinotuwumiu, ka pempulumo ibalio tamboku.

Tegagia 31:7

Sine, ondae amamiu moweweu iramo nahi moleo ndi ongkue ka pempulumo dobalio tamboku. Sine ondae Ue Ala nahi Dopo'ineeo moweweu mosa'o ndi ongkue.

Ayubi 19:3

Kanandio-andio pempulumo imentata aku, nahi mokoko'iimiu bobarasai aku.

Po'unde-unde 106:14

memodoko ira ntu'u i pada one, ka umara-arahako Ira Ue Ala a mpada malua.

Po'unde-unde 106:26

Ka i'amba mesumpa Iramo saru tumandeo kae-Do ka Dopepate ira i pada one,

Po'unde-unde 78:41

Mararu dome'ara-arahako Ira Ue Ala, mokomahakio aroa-Do Anu Tedoa Mempori, Ue Alado to Isaraeli.

Peluarakoa 14:11

Ka dompotae ndi Musa, ”Nde nahina pekaburua i wita Masiri, onaekoa kau wawa kami memate i pada one andio? Hapa tinoomu wawa kami mpeluarako inso i wita Masiri?

Peluarakoa 15:24

Onaemo ka dompewuruki tongku atuu ndi Musa, dompotae, ”Kami mpo'inu hapa?”

Peluarakoa 16:2

I pada one atuu mpewuruki ira luwuno bawaa Isaraeli ndi Musa ka ndi Haruni;

Peluarakoa 17:2

Gaagi, dompegagaakono i Musa, ka dompotae, ”Powee kamimo uwoi, ka kimpo'inu.” Sine ipotae i Musa ndi ondae, ”Tembio ka impegagaakune? Si me'ara-arahako Ira i Ue?”

Peluarakoa 17:3

I ra'ai tongku atuu memokoranga. Tongku atuu mpewuruki iramo ndi Musa ka dompotae, ”Tembio kau wawa kami mpeluarako inso i wita Masiri? Nde komepate kami ke, luwuno ana mami ka pinotuwu mami ka kimemateako mokoranga?”

Peluarakoa 17:7

Po'ianga atuu nineeako Masa ka Meriba, hangano to Isaraeli mpegaga ka dome'ara-arahako ira i Ue dompotae, ”Ndio Ira koa ke i Ue i oloto?”

Peluarakoa 32:1

Mansado mengkitao tongku atuu, nine i Musa tehineomo nahi hori metii inso i torukuno atuu, mpepumpu iramo melimbuo i Haruni ka dompotaeakono, ”Aiwa, poweweuakami Ue Ala anu ta melempa i aromami. Hangano i Musa, mia anu wawa kita mpeluarako inso i wita Masiri, nahi kimento'orio hapa anu gagi ndi onae.”

Peluarakoa 5:21

Ka do'amba motae ndi ondae, ”Po'ineomo Dokitao i Ue wineweumiu, ka humukukomiu hangano ipokomosa'oo nee mami i arono i Pirao ka a luwuno pegawaino, hangano kanarau, mengkenaomo ipoweeako ira ponai ka dompokoropu kami.”

Yesaya 42:20

Hadio anu kinitamu, sine nahi upekokoongakono, uta'oo birimu, sine nahi poronge.

Danieli 1:20

A laro luwuakoano anu mongkere pinewowolo molino ka ponto'ori, anu pinesikenoakodo mokole ndi ondae, ihaweo nine pandedo lalua pempulu sekonopo luwuno anu pande mebali-bali mata ka luwuno anu pande mobasa-basa a luwuno poparentaano.

Maleaki 3:15

Kanandio-andio, mpotae kita mia mompelangka-langkai manangai. Mia anu mpoweweu gau mosa'o atuu komba butu me'ura, sine toola koa mbo'u maupo dome'ara-arahako Ira Ue Ala.”

Podoaa 11:1

Asa tempo tongku atuu mpewuruki i aro-Do i Ue mongkona urasa'odo. Rumongeo atuu, tesingkaomo tekuda-Do i Ue. Ka i'amba api-Do i Ue melanga i olodo ka ikaano wiwino pekemaa.

Podoaa 11:4

Asa bawaa mia anu kongko i olodo tedoa me'ineheakono bau, ka to Isaraeli mbo'u mpengese dompotae, ”isemake anu ta pakaa kita bau?

Podoaa 12:1

I Miriami ka i Haruni tumatao i Musa mongkona saru beine to Kusi anu inalano, hangano onae mo'alaomo asa beine to Kusi.

Podoaa 14:11

Pau-Do i Ue ndi Musa, ”Hawe te'ipia mbo'u domentata Aku tongku andio ka hawe te'ipia mbo'u nahi domebehe mpompe'ala-ala ndi Ongkue, maupo hinaomo luwuno anu kinohali-haliako anu Kuweweuo i tonga-tongado!

Podoaa 14:2

Luwudo to Isaraeli mpewuruki ndi Musa ka ndi Haruni ka luwuno bawaa atuu mpotaeako ira, ”Ha, ba kimematemo koa i wita Masiri ke i pada one andio!

Podoaa 32:12

sangkadio i Kalebi anano i Yepune to Kenasi ka i Yosua anano i Nuni, hangano dotonda Ira i Ue tompaano aroado.

I MATIU 4:7

Dopotae i Yesu ndi onae, ”Hinao mbo'u teburi: Si ara-arahako Ira Ue, Ue Ala-mu!”

1 KORINTI 10:5

Sine maupo kanatuu asa ntia langkai inso ndi ondae nahi Dopemoiko ira Ue Ala, hangano mempinepate ira i pada one.

1 KORINTI 10:9

Ka si tome'ara-arahako Ira i Ue, kana anu wineweudo ba opia mia inso ndi ondae, ranta ka domemate itungku ira ule.

Winali 9:7

Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.

IBARANI 3:9

I ra'ai uempu'umiu me'ara-arahakoa-Kune po'arahako, maupo domengkitao luwuno wineweu-Ku, pato pulu nta'u tehineno.