Podoaa 14:21 - Wunta Mempori

²¹ Butumo koa, hangano Ongkue anu tuwu ka hangano maramba-Do i Ue anu buke asa wawo ntolino,

Podoaa 14:21 ပူးပေါင်းရင်းမြစ်များ

Po'unde-unde 57:6

Po'ineeomo Ipinokomantande wawoio langi, oo Ue Ala! Po'ineeomo maramba-Miu wawoio asa wawontolino!

Po'unde-unde 72:19

Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 49:18

Pengkitamo ngkoraane limbu-limbu ka kitaomo, luwudo me'aiwa mpepumpu ndi omue. Me'empehiako Ongkue anu tuwu, kanandiomo pau-Do i Ue, mentee ntu'u, luwudo kopake ira ka upeweweakono gagi ramba-ramba, kana anu wineweuno umbungkoroi beine.

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

Yeremia 22:24

”Hangano Ongkue anu tuwu, kanandiomo pau-Do i Ue, maupo i Konia anano i Yotakimi, mokoledo to Yehuda, onaemo sinsi pontondoni a ngkae koana-Ku, Aku butako!

Yehesikieli 18:3

A nee-Ku anu tuwu, kanandiomo pau-Do Ue Ala, nahi komiu mempauo mbo'u popotundaa pau andio i Isaraeli.

Yehesikieli 20:36

Kana Kupekara-karaako ira uempu'umiu i pada one i wita Masiri, kanatuumo Aku mekara-karaakomiu, kanandiomo pau-Do Ue Ala.

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Yehesikieli 33:27

Pauako iramo kanandio: Kanandiomo pau-Do Ue Ala. Hangano Ongkue anu tuwu, mia anu mpo'ia a nterawoano ira memate ntebangkuako ponai. Luwuno mia anu mpada Aku weengako ira a ngkondehora mo'ila gagi kaangado. Luwuno mia anu a laro bente ka kunepo ira memateako haki lele.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

Sepanya 2:9

Onaemo pu'uno, Ongkue anu tuwu, kanandiomo pau-Do Ueno luwuakoano, Ue Alado to Isaraeli, menteeano Moabi ta gagi kana Sodomo ka inuleno i Amoni kana Gumora, onaemo gagi tongampada melaro rui, po'ianga pongkekea ohia, ka po'ianga boni-boni ranta nahina tampulaano. Luwuno toreano bawaa-Ku ira mpopomuru ndi ondae ka anu toreano inso a tongku-Ku ondae mpe'ueo.”

Podoaa 14:28

Pauako iramo: Hangano Ongkue anu tuwu, kanandiomo pau-Do i Ue, mentee ntu'u kana anu pinaumiu i aro-Ku, kanandiomo Aku weweuo ndi omiu.

I MATIU 6:10

Poparentaa-Miu ka ihawe, ka igagimo po'ehe-Miu i tolino kana i suruga.

Winali 32:40

Menteeno Aku tumandeo kae-Ku I langi, ka Kupepau, ”Ongkuemo anu tuwu nahina tampulaano,