Podoaa 14:19 - Wunta Mempori

¹⁹ Po'ineeomo I'oninio salado tongku andio menunu saru langkaino pompehohawa-Miu, kana I'oninioko iramo salado tongku andio mompu'u inso i Masiri hawe i ndi'ai.”

Podoaa 14:19 ပူးပေါင်းရင်းမြစ်များ

1 Mokole 8:34

po'ineeomo Irongeo inso i suruga, I'ampunio halado bawaa-Miu Isaraeli ka Iwawa ira mpepokule a wita anu Iweeako iramo uempu'udo.

Po'unde-unde 106:45

Dorambeo pedandia-Do saru ondae ka Dopehohawa ira menunu saru langkaino pompehohawa-Do.

Po'unde-unde 78:38

Sine, Ondae mompehohawa, Do'ampunio salado ka nahi Doropu ira; mararu Dopeteao tekuda-Do ka nahi pokotesingkao luwuno mosa'ono aroa-Do.

Po'unde-unde 85:2

Ipemoikoomo wita-Miu, oo Ue, teweweuno i Yako Ipokomoikoomo.

Peluarakoa 32:32

Sine kanandio-andio, po'ineeomo kai oninio halado. Tewala naahi, po'ineeomo ipahihio neeku inso a wunta anu binuri-Miu.”

Peluarakoa 33:17

Mepau Iramo i Ue ndi Musa, ”Maupo anu pinaumu andio Aku mokogagio, hangano omue mohawekomo pompehohawa i aro-Ku ka Kuto'orio koroimu saru neemu.”

Peluarakoa 34:9

Ipotae, ”Tewala mohawe aku pompehohawa i aro-Miu, oo Ue, Ikongkomi kamimo, oo Ue. Lano tongku andio me'ulu watu, sine I'oninio sala ka hala mami, ka Ipokogagi kamimo bawaa-Miu.”

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Danieli 9:19

Oo Ue, Irongeomo! Oo Ue, I'oniniomo halamami! Oo Ue, Ipensiroiomo ka Ipokogagiomo, siimo Ipotuluo, me'empehiako Omiu, oo Ue Alaku, hangano kota-Miu ka bawaa-Miu pinauako nee-Miu!”

Amosi 7:2

Tempono kosume mompu'u kumaano ka ipingko luwuno anu tuwu a wita, mepau aku, ”Oo Ue Ala, I'oniniakami hala mami! Kana'umpe i Yako ta mokompekorahako? Kombake onae tedoa molema?”

Amosi 7:5

Umarino atuu mepau aku, ”Oo Ue Ala, ku'emao Ipenaa-naakonomo atuu! Kana'umpeke i Yako ta mokompekorahako? Kombake onae tedoa molema?”

Yunu 3:10

Mansa-Do kumitao Ue Ala wineweudo atuu, onaemo kana'umpe dompepokule inso a leludo anu mosa'o, me'o'ole Iramo Ue Ala hangano masolaa anu Dopatindaomo tiado ka nahi gagi mbo'u Doweweuo.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Habaku 3:2

Kurongeomo telele-Miu Ue, ka inangga-Miu, oo Ue, ku'unde-undeo! Ipotuwuomo atuu i tempo andio, Ipokomengkaaomo i tempo andio; a laro ntekuda Irambeomo pompehohawa!

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

YAKOBU 5:15

Ka pekakai anu meluarako inso a pompe'ala-ala ta kumaduduio mia mahaki atuu ka Ondae i Ue Ira wanguo; ka tewala moweweu hala, ka hala atuu ta inampuni.