Podoaa 14:11 - Wunta Mempori

¹¹ Pau-Do i Ue ndi Musa, ”Hawe te'ipia mbo'u domentata Aku tongku andio ka hawe te'ipia mbo'u nahi domebehe mpompe'ala-ala ndi Ongkue, maupo hinaomo luwuno anu kinohali-haliako anu Kuweweuo i tonga-tongado!

Podoaa 14:11 ပူးပေါင်းရင်းမြစ်များ

Po'unde-unde 106:24

Nahi domentarimao wita anu tekosi atuu, nahi dompe'ala-alao pau-Do.

Po'unde-unde 78:22

hangano nahi dompe'ala-ala Ira Ue Ala, ka nahi dompomperorohi pontulungi-Do.

Po'unde-unde 78:32

Maupo kanatuu da mpoweweu ira koa hala ka nahi pine'ala-ala luwuno wineweu-Do anu kinohali-haliako.

Po'unde-unde 95:8

Si mpokomonteao aroamiu kana i Meriba, kana tempono i Masa i pada one,

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 16:28

Onaemo ka Dopepau i Ue ndi Musa, ”Hawe te'ipia nahi mentondao parenta-Ku ka songka-Ku?

Peluarakoa 23:21

Impepenteeo, imerongeo pinauno. Si me'ewaio, nde nahi ta umoninio halamiu, hangano nee-Ku kongko ndi onae.

Peluarakoa 32:9

Ka Do'amba mepau i Ue ndi Musa, ”Kukita iramo tongku andio. Mentee ntu'u, ondae tongku anu me'ulu watu.

Powadi 1:22

”Opiapo mbo'u tehineno, hei mia anu napi hina pinembasaino, da imengkekewoio pompenana'otemiu, anu mompoponggari-nggari da ineheno monggari-nggari, ka mia monge-monge umo'aliaakono ponto'ori?

Yeremia 13:10

Tongku anu mosa'o wineweuno andio, anu nahi behe momperorongeako pau-Ku, anu tumondao moteano aroado ka tumonda ira pinesombai susua saru mesomba ka menggolontu mesomba ndi ondae, ira megagi kana peboo ntonga andio anu namihina ntu'u tuduno.

Yeremia 4:14

Pokomorinaomo aroamu inso a wineweu mosa'o, hei Yerusale, ka ukinadudui! Opiapo mbo'u tehineno ipo'ia i laro aroamu luwuno tinoomu anu mosa'o?

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Hosea 8:5

Nahi Kutarimao ana sapimu, hei Samaria; tekuda-Ku tensila ndi ondae! Hawe te'opia tehineno ondae nahi pinokomempori?

Sakaria 8:14

Hangano, kanandiomo pau-Do Ueno luwuakoano, ”Tewala i ndi'ipua montoo Akumo mompotii masolaa ndi omiu, tempono uempu'umiu mpokontekuda Aku, ka nahi Kupe'o'ole, pau-Do Ueno luwuakoano,

Podoaa 14:23

manasa nahi ta kumitao wita anu Kudandiakono sumpa ndi uempu'udo! Luwuno anu tumata Aku andio nahi ta kumitao.

Podoaa 14:27

”Hawe te'ipia mbo'u ke bawaa anu lambaha andio mpewuruki ndi Ongkue? Luwuno pewurukido to Isaraeli ndi Ongkue Kurongeomo.

Podoaa 32:10

Tesingkaomo tekuda-Do i Ue i tempo atuu ka Dopesumpa:

I MATIU 17:17

Ka motae Iramo i Yesu, ”Hei omiu mia atuudo anu nahi mpompe'ala-ala ka anu mebulalingo te'opiapo mbo'u tehineno Kupo'ia i olomiu? Te'opiapo mbo'u tehineno Kusabara ndi omiu? Wawaomo nana'ote atuu ramai!”

I MARAKUSU 9:19

Onaemo Ondae i Yesu ka Dopotaeako ira, ”Hei omiu mia anu nahi mpompe'ala-ala, opiapo mbo'u tehineno Kupo'ia i olomiu? Opiapo mbo'u tehineno asalakono Kusabara ndi omiu? Wawaomo ramai nana'ote atuu!”

I YOHANE 10:38

sine tewala Kuweweuo ka nahi behe mpe'ala-ala Aku, impe'ala-alaomo luwuno wineweu atuu, ka imento'oriomo ka mpokohawe laroo, nine Ondae i Ama i laro-Ku ka Ongkue i laro-Do i Ama.”

I YOHANE 12:37

Ka maupo hadio anu kinohali-haliako Dopoweweu i Yesu i arono matado, sine nahi dompe'ala-ala Ira,

I YOHANE 15:24

Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.

Winali 1:32

Maupo kanatuu, nahi mpe'ala-ala Ira i Ue, Ue Alamiu,

IBARANI 3:16

Isemake ondae anu mokotesingkao tekuda-Do Ue Ala, maupo domerongeo suara-Do? Kombake luwudo anu mpeluarako inso i Masiri i Musa petewawado?

IBARANI 3:18

Ka isemake anu Dototonaaomo, nine nahi ira mpewinso a mpo'ianga penaa-naaa-Do? Kombake ondae anu nahi dompomperorongeako?

IBARANI 3:8

si mpokomoteao aroamiu kana a laro bamburu i tempono po'ara-arahakoa i pada one,