Podoaa 13:33 - Wunta Mempori

³³ Kimengkitao mbo'u i ra'ai mia melolangkai, inuleno i Enaki te'inso a mia melolangkai. Kimengkitao koroi mami kana kosume, kanatuu koa mbo'u domengkita kami.”

Podoaa 13:33 ပူးပေါင်းရင်းမြစ်များ

Tegagia 6:4

I tempo atuu ka lembuino mbo'u, hinao mia melolangkai i tolino, tempono anu tuwu i suruga mpewowaliako ira ana beinedo mia ka beine atuudo mpe'anaako ira anado. Ondaemo atuu mia anu moroso ka mosia i tempo se'eluno, luwuno mia anu telele needo.

1 Tawarika 11:23

Ipepateo mbo'u asa to Masiri anu ondauno olima hiku. A ngkaeno to masiri atuu hinao kansai kana keu pongkalulu sawu hinoru. Sine onae i'aropiakono tuko, rumontuo kansai inso a ngkaeno to Masiri atuu, ka i'amba mepateakono kansaino onaeno.

Yesaya 40:22

Ondaemo anu mo'ia i wawono longkuno tolino anu palilino kana kosume; Ondaemo anu wileo langi kana sawu ka pasao kana kema ka ipino'iangai!

Podoaa 13:22

Mpelempa ira melaloo wita Nege ka mehawe i Heberoni. I ra'ai rau i Ahimani, i Sesai ka i Talumai, inuledo to Enaki. Heberoni winangu tese'elu opitu nta'u sekono Soani i Masiri.

Podoaa 13:28

Butu koa, tongku anu mpo'ia i wita atuu memoroso ira, luwuno kotano mebente ka langkai ntu'u. Inuledo mbo'u to Enaki kimengkita iramo i ra'ai.

Podoaa 14:1

Ka i'amba luwuno bawaa atuu mperaaliki meroku ka tongku atuu mpengese ira ia wongi atuu.

Winali 1:28

Isua mbo'u kita melako? Ondae pepaekompoto meweweuomo aroato ntelusa, dompotae: Mia atuudo melolangkai ka me'ondau irapo sekono ontae, luwuno kotado langkai ka luwuno bente pekorahakoa hawe i langi, ka kimengkita ira mbo'u to Enaki i ra'ai.”

Winali 2:10

I ndi'ipua to Emimi mpo'ia i ra'ai, aasa tongku anu langkai ka mehadio ira, ondaudo kana to Enaki.

Winali 3:11

Butu i Ogo, mokole i Basani anu da tuwu inso i olono toreado to Repaimi. Sekono dasa poturiano, dasa labu. Kombake da kongko i kota Raba inuleno i Amoni? Osio hiku ondauno ka opaa hiku maluano, montonda posongka anu biasa.

Winali 9:2

Aasa tongku anu langkai ka ondau miano, to Enaki anu imento'orio ka anu mongkona ondae imerongeo dompotae mia, ”Isemake anu mokopolio umaropi ira to Enaki?”

Yosua 11:21

Itempo atuu hawe i Yosua, ka ipokopingko ira luwu to Ena inso a mentorukuno, inso i Hebero, i Debiri ka i Anaba, inso a luwuno torukuno i Yehuda ka inso a luwuno mentorukuno Isaraeli. Ondae ka luwuno kotado ipokoropuo i Yosua.

Yosua 14:12

Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

Yosua 15:14

Ka i Kalebi sumaari ira inso i ra'ai otolu ira to Ena, onaemo i Sesai, Ahimani, ka Talamai, anano i Ena.

1 Samueli 17:24

Kumitao mia atuu, luwudo to Isaraeli mpolai me'olaiakono hangano tedoa ira medoito.

1 Samueli 17:42

Mansano to Pelisiti atuu mengkita ka ikitao i Daudi, ipe'uru-uruo hangano i Daudi da mongura, kombisino mororontaha ka montama rupano.