Podoaa 13:20 - Wunta Mempori

²⁰ Ka i'amba kana'umpe wita atuu, ba mewalo ke morungku, i ra'ai ba hadio koa keu ke naahi. Impedatoo aroamiu ka impowawamo tedei inso a hasilino wita atuu.” Tempo atuu kontongaano tempo po'opua wua anggoro anu amba-ambano.

Podoaa 13:20 ပူးပေါင်းရင်းမြစ်များ

1 Tawarika 22:11

Kanandio-andio, oo anaku, po'ineeomo Ondae i Ue kumongkomiko, ranta kau pokowanguo raha-Do i Ue, Ue Alamu, kana anu pinau-Do mongkona omue.

Nehemia 9:25

Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Nehemia 9:35

A mpotorodo gagi mokole, nahi dompesomba ndi Omiu, maupo Ipoweeako iramo hadio moikoa ka mompatindaako ira wita anu molue ka mewalo. Nahi dontepidi inso a luwuno wineweudo anu mosa'o.

Yehesikieli 34:14

A ntongampada anu moiko Aku pakambi ira a wawo luwuno torukuno i Isaraeli anu ondau i tu'aimo pakambiado. A mpopakambia anu moiko atuu ira mpepombole ka ewo anu mewalo gagi kaangado a luwuno torukuno i Isaraeli.

Danieli 11:24

Nahi kinookoo onae ta mewinsoki ira wita anu mewalo ntu'u i wita atuu, ka moweweu hapa anu napi hori domeweweuo luwuno ama ka uempu'uno. Onae ta merawoakono rinontu, pinomuru ka arataa i olodo miano, moweweu mbo'u akala a luwuno po'ianga anu mebente, sine butu sarai koa.

Mika 7:1

Masola akumo ntu'u! Hangano teweweuku kana puu mpobini wua umarino popumpua wua tempono motu'i-tu'i, umarino po'opua mbo'u wua anggoro: nami hina mbo'u wua anggoro ta kinaa, ke wua ara anu ineheku.

Podoaa 13:19

Kana'umpe mbo'u wita anu pino'iangarido, ba moiko ke mosa'o; kana'umpe luwuno kota po'iangaado, mebente ke naahi.

Winali 1:24

Mpelungka ira ka dompelempa te'aro mentorukuno, ka domehawe i lembono Esikoli, ka domemparesao wita atuu.

Winali 1:25

Mpo'ala ira wua ngkeu i wita atuu ka domewawao ndi ontae. Mpowawa ira mbo'u lele ndi ontae, kanandio, ”Moiko ntu'u wita anu Doweeakita i Ue, Ue Alato.”

Winali 31:23

Ndi Yosua, anano i Nuni Ondae i Ue moweeakono parenta, pau-Do, ”Pokorosoo ka perodoo aroamu, hangano kowawa ira to Isaraeli a wita anu Kudandiakono sumpa ndi ondae, ka Aku kumongkomiko.”

IBARANI 13:6

Onaemo pu'uno ka tompe'ala-alao mpokompotae, ”Ondaemo i Ue anu tumulungi aku. Nahi aku doito. Hapake anu pinokoweweuno mia ndi ongkue?”

Yosua 1:6

Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 2:1

Menongkoakoomo i Yosua anano i Nunu montena inso i Sitimi orua mia pompadaso, ipotae, ”Ilakomo poporoo inia atuu, ka kota Yeriko.” Lumako iramo mia atuu, ka hawe i rahano aasa beine belesu anu meneeako i Rahabu, ka doperato i tu'ai.

Yosua 2:3

Montenaomo mokole Yeriko lumako pauakono i Rahabu, ”Wawa iramo meluarako mia anu hawe ndi omue atuu, anu mewinso i rahamu nde hawe ira padasoo luwuno inia andio.”