Podoaa 12:6 - Wunta Mempori

⁶ Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

Podoaa 12:6 ပူးပေါင်းရင်းမြစ်များ

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

Tegagia 20:7

Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”

Tegagia 28:12

Ka i'amba onae mo'ipi, tengkitaomo asa ensa pinontade i tolino anu untuno hawe i langi, ka tengkitaomo mala'eka-Do Ue Ala mpewuatako mpetii a ensa atuu.

Tegagia 28:16

I Yako mewangu inso a mpoturino ka i'amba motae, ”Menteeano Ondae i Ue kongko Ira a mpo'ianga andio, ka nahi kuto'orio.”

Tegagia 37:5

Pohona i Yusupu mo'ipi, ka i'amba mo'ipino atuu itutuluako ira pepaekompono. Onaemo pu'uno ka dontekense me'o'aliaakono.

Tegagia 37:9

Ka i'amba onae mohawe mbo'u mo'ipi anu susua ka itutuluako ira pepaekompono. Ipotae, ”Ongkue mo'ipi mbo'u. Tengkitaomo mata'oleo, wula ka hopulu ka asa anano wula mpenggolontu mpesomba ndi ongkue.”

Tegagia 46:2

Mepau Iramo Ue Ala ndi Isaraeli a laro pongkita tempono wongi, ”Yako, Yako!” Sangkino, ”Humbee, ndio aku!”

2 Samueli 7:4

Sine, wongi koa mbo'u atuu haweomo Pau-Do i Ue ndi Nata, kanandio,

1 Mokole 3:15

Mekaangakoomo i Salomo, kahinaano ndio koa mo'ipi. Onae mekule i Yerusale ka ipentade i arono burua pedandi-Do i Ue. Ka i'amba mompesombaako pesomba tinunu ka pesomba tekaduduia, ka i'amba moweweu pelimbua tiado luwuno pegawaino.

1 Mokole 3:5

I Gibeoni, Ondae i Ue mepopokita ndi Salomo a laro mo'ipino i tempono wongi. Mepau Iramo Ue Ala, ”Emaomo hapa anu inehemu Kuweeko.”

Ayubi 33:15

A laro mo'ipi, a laro pongkita tempono wongi, tempono mia moturi rodo, mepombole a mpoturia.

Ayubi 4:13

tempono mo'ia mewowoloo mongkona linolaro wongi, tempono mia tesese a laro mpoturino rodo.

Po'unde-unde 105:15

”Si sosanggelo ira mia anu inurapi-Ku, ka si mpoweweu mosa'o a luwuno nabi-Ku!”

Po'unde-unde 89:19

Hangano kantato Ondae i Ue me'ueo, ka mokoleto Anu Tedoa Mempori me'ueo, Ue Alado to Isaraeli.

Peluarakoa 7:1

Mepau Iramo i Ue ndi Musa, ”Kitao, Kupokogagikomo kana Ue Ala ndi Pirao, ka i Haruni akamu, ta gagi kana nabimu.

Yeremia 23:25

Kurongeomo hapa anu mempinaudo nabi, anu mpompau nahi mentee a nee-Ku saru mpotae: Mo'ipi akumo, mo'ipi akumo!

Yeremia 23:28

Nabi anu mohawe mo'ipi, po'ineeomo itutuluo mo'ipi atuu, ka nabi anu mohawe pau-Ku, po'ineeomo ipohaweo pau-Ku atuu a menteeano! Hapa penggoeno olono seami ka gandu? Kanandiomo pau-Do i Ue.

Yehesikieli 1:1

A nta'u kotolu pulu, a wula ko'opaa tanggala olima wula atuu, tempono kuperongaako ira mia mentinadi kongko i wiwi Ngkoro Kebari, te'ungkahiomo langi ka kukita ira pongkita mongkona Ondae Ue Ala.

Danieli 10:8

Kanatuumo kupo'ia asa-asaku. Tempono kukitao pongkita anu langkai atuu, tetadi rosoku, rupaku gagi tedoa momite, ka nahina mbo'u rosoku.

Danieli 2:19

Ka i'amba rahasia atuu pinopoto'oriako i Danieli a laro asa pongkita wongi. I Danieli mbo'u umunde-unde Ira Ue Alano asa wawo langi.

Danieli 7:1

A nta'u amba-ambano poparentaano i Belesiasari, mokoledo to Babeli, mo'ipiomo i Danieli ka mohawe pongkita a mpoturiano. Ka i'amba burio mo'ipino atuu ka ndiomo tutuluno.

Danieli 8:2

Kukitao a laro pongkita atuu, ka tekonai aku mengkita, ongkue kongko a Bente Susani i wita Elami. Kukitao mbo'u a laro pongkita atuu ongkue kongko a wiwi ngkoro Ulai.

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Yoeli 3:1

”Hangano menteeano a luwuno oleo atuu ka a tempo atuu, tempono Kupomuleo teweweuno Yehuda ka Yerusale,

Sakaria 1:8

”Hieno wongi mohawe aku aasa pongkita: tengkitaomo asa mia anu mesawi a ngara motaha! Onae mentade i olono keu muradi anu a laro wingke; ka i bungkuno hadio ngara anu motaha, anu motaha-taha ka anu mopute.

Podoaa 24:4

pepauno mia anu rumongeo pau-Do Ue Ala, anu kumitao pongkita inso Anu Tedoa Pabawa anu mepombole, sine saru mata tewile.

I MATIU 1:20

Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

I MATIU 2:19

Mansano mate i Herode, tengkitaomo mala'eka-Do i Ue ndi Yusupu a laro mo'ipi i wita Masiri, ipotae,

I MATIU 23:31

Sine kanandio imensakosiiomo, nine omiumo inuledo anu mpepate ira nabi atuudo.

I MATIU 23:34

Onaemo pu'uno, kitaomo, Kutena ira nabi ndi omiu, mia anu mempande mposongka ka guru agama: entongano i olodo komiu mpepate ira ka mempaso ira a ngkeu pinotamba, anu mehano komiu mensepi ira a raha tepumpuamiu ka imebobarasai ira inso a ngkota lumako a ngkota,

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

I MATIU 27:19

Tempono mentoro i Pilatu a ngkadera pobitaraa, beineno montena mowawa pe'oliwi ndi onae, ”Si salo-saloo kara-karano mia mentee atuu, Nde hangano Ondae ka kutedoa marasai a laro mo'ipiku hieno wongi.”

I LUKASI 1:11

Ka ikitaomo i Sakaria aasa mala'eka-Do i Ue mentade i koanano meda pontunua dupa pesomba.

I LUKASI 1:22

Tempono ipeluarako, nahi pokompepauako ira ka dompokonto'oriomo, nine hinaomo kinitano a laro Raha Mempori. Ka i'amba kumawe-kawe ira, hangano kongkono beebe.

I LUKASI 20:6

Sine tewala mpotae kita: Inso a mia, luwuno palili ira mewunoakita watu, hangano dompe'ala-alao, nine i Yohane onaemo aasa nabi.”

WINEWEUDO TINENA 10:11

Ikitao langi te'ungkahi ka metiiomo aasa anu kana sawu molue anu mendoe a opaa siuno, anu pinotii a wita.

WINEWEUDO TINENA 10:17

I Peturu mesisikeno i laro aroano, ba hapa pengkonaano anu umari kinitano atuu. Kontongaano atuu mehawe iramo a mpuu pewowa mia anu tinenano i Koroneliusu ka mpesikenoakono ba isua rahano i Simo.

EPESU 4:11

Ka Ondaemo anu moweeako ira moiko luwuno tinena maupo luwuno nabi, moiko luwuno anu mompalele Lele Mawongkoa maupo luwuno puu pompakambi ka luwuno anu mompaguru,

Winali 18:15

Asa nabi inso i tonga-tongamiu, inso i olodo pepaekompomiu, kana ongkue andio, Ira tumenao i Ue, Ue Alamiu. Onaemo anu asalakono komiu merongeo.

Winali 18:18

Asa nabi Aku tumenaako ira i olono pepaekompodo, kana ongkue andio. Aku numaao pau-Ku a laro ngangano, ka onae ta pauako ira luwuno anu Kuparentaakono.

IBARANI 1:1

Mansano a tempo i ndi'upua Ondae Ue Ala mararu ka a mperupa-rupa pesalaa-Do mepau a uempu'uto telalo a luwuno nabi,

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.

1 Samueli 3:15

Umarino atuu moturiomo i Semueli ranta hawe mo'oru, ka i'amba umungkahio luwuno pewowano raha-Do i Ue. Sine doito pauakono i Eli anu kinitano atuu.

1 Samueli 3:21

Inso i tu'ai Ondae i Ue mepopokita mbo'u i Silo. Ondae i Ue mokomengkaao koroi-Do ndi Semueli i Silo, telalo a mpau-Do i Ue.