Podoaa 12:2 - Wunta Mempori

² Dopotae, ”Mentee ntu'u ke Ondae i Ue mepau butu telalo ndi Musa? Kombake Ondae mepau telalo mbo'u ndi ontae?” Mongkona atuu Dorongeo i Ue.

Podoaa 12:2 ပူးပေါင်းရင်းမြစ်များ

Tegagia 29:33

Onae mentia mbo'u, ka ipe'anaakono asa ana ntama, ipotae, ”Menteeano Dorongeomo i Ue nine nahi kukinekewoi, onaemo ka Dopoweeakune mbo'u ana andio.” Ka i'amba numeeakono anano atuu i Simeo.

2 Samueli 11:27

Mansano laloomo tempo mo'inombo, I Daudi montena mia wawao beine atuu i rahano. Onae gagiomo kombiano ka ipe'anaakono asa anano tama. Sine, anu wineweuno i Daudi atuu mosa'o a pongkita-Do i Ue.

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Peluarakoa 4:14

Tensilaomo tekuda-Do i Ue ndi Musa, onaemo ka Dopepau, ”Nde nahi kongkoke akamu i Haruni to Lewi atuu? Kuto'orio, nine onae pande mepau. Ka melungkaomo aiwa tepohawekomu, tewala ikitako, ta mawongko aroano.

Peluarakoa 4:30

I Haruni pauo luwuakoano anu pinau-Do i Ue ndi Musa, ka moweweu petondoni anu kinohali-haliako i arodo tongkuno.

Peluarakoa 5:1

Ka i'amba i Musa ka i Haruni lumako me'aro ndi Pirao, ka dopotae ndi onae, ”Kanandiomo pau-Do i Ue, Ue Alado to Isaraeli: Po'inee iramo bawaa-Ku melako mpoweweu pompelangkai ndi Ongkue i pada one.”

Peluarakoa 7:10

Lumako iramo i Musa ka i Haruni me'aro ndi Pirao, ka doweweuo kana anu Dotenaako ira i Ue; i Haruni metendeakono tukono i arono i Pirao ka a luwuno pegawaino, ka tuko atuu gagi ule.

Powadi 13:10

Pompelangka-langkai butu moweweu pengengea, sine ondae anu mpomperorongeako patudu hinao ponto'ori anu mentee.

Yesaya 37:4

Bara'ura Dorongeomo i Ue, Ue Alamu, pauno i rabi-sakehi atuu anu tinenano mokoledo to Asiuri, ueno, ka itata Ira Ue Ala anu tuwu, ranta Ondae i Ue, Ue Alamu Ira moweeakono pohuku hangano luwuno pau anu Dorongeomo. Moikoomo upekakaiako ira anu da mentuwu anu da ntebinta andio!”

Mika 6:4

Menteeano Ongkuemo anu tumaateko meluarako inso i wita Masiri, motolako inso a raha tepe'ataa ka tumenao i Musa wawako, saru i Haruni ka i Miriami.

Podoaa 11:1

Asa tempo tongku atuu mpewuruki i aro-Do i Ue mongkona urasa'odo. Rumongeo atuu, tesingkaomo tekuda-Do i Ue. Ka i'amba api-Do i Ue melanga i olodo ka ikaano wiwino pekemaa.

Podoaa 11:29

Sine motae i Musa ndi onae, ”Nde mokuako koa ke mokowali aku? Ha, ande-andeno luwuno bawaa-Do i Ue gagi nabi, hangano Ondae i Ue moweeako ira Penaa-Do!”

Podoaa 12:3

Kanatuumo i Musa asa mia anu tedoa mauru, laluaopo sekono sompo mia i wawontolino.

Podoaa 16:3

Domelimbuo i Musa ka i Haruni, saru mpotae ndi ondae, ”Lansara komiumo! Luwuno bawaa atuu mia memempori, ka Ondae i Ue kongko i tonga-tongado. Tembio ka ipompelangka-langkai a bawaa-Do i Ue?”

ROMA 12:10

Asalakono ka imambe pehohawa kana pepaekompo ka mambepese'elungi a mpompelangkai.

ROMA 12:3

Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia.

PILIPI 2:14

Imeweweuomo luwuakoano si mpewuruki ka mpegaga,

PILIPI 2:3

saru nahi po'ungke tiano onaeno ke po'unde-unde anu nahina tuduno. Tendeano impe'urumako anu asa mia tumuduo anu susua laluaopo sekono onae;

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”