Podoaa 12:11 - Wunta Mempori

¹¹ Ka i'amba motae i Haruni ndi Musa, ”Ipehohawa aku ueku, siimo ipopotembia kami hala mami anu wineweu mami a laro benge-benge mami.

Podoaa 12:11 ပူးပေါင်းရင်းမြစ်များ

2 Samueli 19:19

Ipotaeako ira mokole, ”Siimo ueku ipototoiakune salaku. Siimo ipewowoloo sala anu wineweuno atamiu andio a oleo peluarakoamiu inso i Yerusale ka siimo ueku mokole inaao i laro aroamiu.

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

1 Mokole 13:6

Ka i'amba i mokole motaeakono nabi atuu, ”Po'emamo pompehohawa-Do Ue, Ue Alamu ka pekakaiakunemo, ka kupokompokuleo mbo'u kaeku.” Nabi atuu mo'emaomo pompehohawa-Do i Ue, ka i'amba kaeno mokole atuu ipokompokuleomo kana se'eluno.

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

Peluarakoa 12:32

Imewawa ira luwu pinotuwumiu, sapi, asa bawaa bembe bimbamiu, kana pinaumu atuu, sine imelakomo ka impekakai po'emaakune ngkuda ura tiaku.”

Powadi 30:32

Tewala umue melelu benge-benge saru mompelangka-langkai, tewala omue mosongka mongkona atuu petompoakonomo kaemu a ngangamu!

Yeremia 42:2

Dompotae ndi nabi Yeremia, ”Po'ineeomo po'emamami ka ihawe i aromu! Pekakaiakamimo ndi Ondae i Ue, Ue Alamu, tiado luwuno anu da mentuwu andio. Hangano, butumo koa omami anu mentuwu, tedeimo koa inso a mia anu hadio, kana anu ukitaakonomo matamu.

Podoaa 11:2

Mpebooli iramo tongku atuu ndi Musa, ka i Musa mekakai ndi Ondae i Ue; ka i'amba mate api atuu.

Podoaa 12:12

Si po'ineeo igagi kana ana dalo anu mate tempono ipeluarako inso a laro kompono ineno entonga moboomo ihino.”

WINEWEUDO TINENA 8:24

Sumangki i Simo, ”Omiumo mekakaiakune ndi Ondae i Ue, ka si mansa gagi luwuno hapa anu ipauakunemo atuu.”

MENGKAAA 3:9

Kitaomo, ba opia mia inso a bawaano i Mosa'o, onaemo ondae anu mempauo koroido to Yahudi, sine anu menteeano komba kanandio, tendeano mpegaupi, Aku meweengako ira ndi omue. Menteeano Aku tumena ira me'aiwa ka mpenggolontu a mpuu karumu ka memangaku, nine Kupehohawako.

1 Samueli 12:19

Luwuno tongku atuu mpotaeakono i Semueli, ”Ipekakaia kami luwuno tetenaamiu andio ndi Ondae i Ue, Ue Alamiu, kasi kimemate nde hangano mpo'ema kami mokole mami, kimentiangiakonomo wineweu mosa'o andio hala mami.”

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.