Podoaa 11:12 - Wunta Mempori

¹² Ongkue ke anu mentiaako ira tongku andio ke ongkue anu me'anaako ira, ranta ka Ipepau ndi ongkue: Babaomo kana asa mia puu mpete'ia mobaba nana'ote anu mo'uo te'aro i wita anu Kudandiakono sumpa ndi uempu'uno?

Podoaa 11:12 ပူးပေါင်းရင်းမြစ်များ

Tegagia 13:15

Hangano, luwuno wita anu kinitamu atuu, Aku weeakomu ka inulemu ranta nahina tampulaano.

Tegagia 24:7

Ondae i Ue, Ue Alano asa wawo langi, Dopoboi akumo inso a rahado amaku ka inso i witado pepaekompoku, ka mepau Iramo ndi ongkue, saru mesumpa, kanandio, ’A inulemu Aku meweengakono wita andio.’ Ondaemo anu montena Mala'eka-Do melempa i aromu, ranta ka upokompo'alaakono inso i ra'ai beineno anaku.

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

Tegagia 50:24

I Yusupu motaeako ira pepaekompono, ”Nahi tehine mbo'u akumo mate. Sine Ondae Ue Ala manasa Ira mekakaakomiu ka wawa komiu mpeluarako inso i wita andio a wita anu Dodandiakonomo sumpa ndi Burahima, ndi Saki ka ndi Yako.”

2 Mokole 10:1

I Ahabi hinao pitu pulu mia anano tama i Samaria. I Yehu moburi wunta, ka i'oliwio i Samaria, a mia anu langkai potorono i kota atuu, a luwuno mia memota'u ka a luwuno pinemota'udo anano i Ahabi, ihino,

2 Mokole 10:5

Ka i'amba petewawa langkanae ka petewawa kota atuu, saru mbo'u luwuno mia memota'u ka luwuno pememota'u mpe'oliwi ndi Yehu, ”Omami andio atamiu ka luwuno anu pinaumiu ndi omami kami koa meweweuo. Nahi kami mpopotoro maupo isema gagi mokole. Iweweuomo hapa anu pinemoikomiu.”

Peluarakoa 13:11

Tewala Dowawa komiumo i Ue a witado to Kana'a kana anu Dodandiakomiu saru sumpa ka ndi ondae uempu'umiu, ka wita atuu Doweeakomiumo,

Peluarakoa 13:5

Tewala Dowawa komiumo i Ue a witado to Kana'a, to Heti, to Amori, to Hewi ka to Yebusi, wita anu umari dinandi-Do mesumpa ndi ondae uempu'umiu Ira weeakomiu, wita anu tedoa hadio susu ka siu hoani, asalakono komiu meweweuo pesomba i larono wula koa andio.

Peluarakoa 33:1

Mepau Iramo i Ue ndi Musa, ”Impelungkamo inso i ndi'ai, omue saru tongku anu winawamu mpeluarako inso i wita Masiri, a wita anu Kudandiomo mesumpa ndi Burahima, ndi Saki ka ndi Yako, kanandio: A inulemu Aku meweengakono wita andio.

Peluarakoa 6:8

Ka i'amba i Musa pauako ira to Isaraeli, sine nahi domperorongeakono, hangano tedungkuomo aroado ka tedoa dompemobeao tepe'atado.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 49:15

Polioke asa beine kumolupeo ana dalono ka nahi pehohawao ana inso a mpe'anakaano? Tewala mansa ikolupeo, nahi Aku kumolupeko.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

1 KORINTI 4:15

Hangano maupo mapasowu-sowu anu paguru komiu mongkona Ondae i Kerisituu, komba hadio amamiu. Nde ongkuemo gagi amamiu anu ndi Ondae i Kerisituu Yesu hangano Lele Mawongkoa anu kupaleleo ndi omiu.

GALATIA 4:19

Hei anaku, hangano omiu ka kupe'i'isei kana mahaki me'ana mbo'u, hawe rupa-Do i Kerisituu gagi mengkaa i laromiu.

Winali 1:31

ka i pada one. I ra'aimo imengkitao nine Ondae i Ue, Ue Alamiu baba komiu kana asa mia mobaba anano, asangkeu sala anu tinondamiu, ranta kai mehawe a mpo'ianga andio.”

1 TESALONIKA 2:7

Sine mpe'aroa kami i olomiu, mengkena kana aasa ine monte'ia ka mekariao anano.