Podoaa 11:11 - Wunta Mempori

¹¹ Ka i'amba i Musa mepau ndi Ondae i Ue, ”Tembio ka Iweweuo tetenaa-Miu andio nahi moiko ka tembio nahi kupohawe pompehohawa a pongkita-Miu, ranta ka Ipopotembiakune anggaa a luwuno tongku andio?”

Podoaa 11:11 ပူးပေါင်းရင်းမြစ်များ

Ayubi 10:2

Aku mepau ndi Ondae Ue Ala: Siimo Ipokonsala aku, sine Ipauakune tembio ka Ipekara-karaakune.

Po'unde-unde 130:3

Tewala Irambeo mpiha salamami, oo Ue, isemake anu polio me'aro ndi Omiu?

Po'unde-unde 143:2

Si pekara-karaakono tetenaa-Miu, hangano i olodo anu mentuwu, nahina maupo te'asa mia mentee i aro-Miu.

Peluarakoa 17:4

Ka i'amba i Musa mebo-booli ndi Ondae i Ue, ipotae, ”Hapa anu ta wineweuku ia tongku andio? Nahi tehine mbo'u ira mewunoakune watu!”

Peluarakoa 5:22

Onaemo ka iwali me'aro i Musa ndi Ondae i Ue, ipotae, ”Oo Ue, tembio ka ipoweeako ira tebobarasaia a bawaa-Miu andio? Pombio ka itena aku?

Yeremia 15:10

Masola aku, oo ineku, nine omiu me'anaakune, asa mia anu gagi pontiiano pegagaa ka pe'u'uaado luwuno wita. Nahina kupokompepasuao ke mepasua ndi semamo koa, sine luwudo mentotonaa aku.

Yeremia 15:18

Tembioke marasaiku nahina tompaano, ka mobelaku tedoa mahaki, nahi tepakuli? Mentee ntu'u, Omiu kana korono anu wela motu'i ndi ongkue, uwoi anu nahi pinokomperorohi.

Maleaki 3:14

Mpotae komiu, ”Nahina tuduno mesomba ndi Ondae Ue Ala. Hapake urano tompekariao pompakosi-Do ka mpelempa saru sangka po'inombo i aro-Do Ueno luwuakoano?

Podoaa 11:10

Ironge ira i Musa tongku atuu, luwuno mia inso a sompo suku mpengese i arono pewowa kemano. Tekuda-Do i Ue tedoa tesingka, ka i Musa kumitao mongkona atuu mosa'o.

Podoaa 11:15

Tewala moweweu Komiu kanandio ndi ongkue, moikoopo Ipepate akumo, tewala lano aku mohawe pompehohawa a pongkita-Miu, ka siimo kukitao urasa'oku.”

2 KORINTI 11:28

ka, hadio anu susuano mbo'u nami kupauo, anggaaku sompo oleo, onaemo mekakaako ira luwuno bawaa.

Winali 1:12

Sine kana'umpe aku polio asa-asaku tumembio anggaa a masusaamiu, tinembimiu ka kara-karamiu?