Podoaa 11:1 - Wunta Mempori

¹ Asa tempo tongku atuu mpewuruki i aro-Do i Ue mongkona urasa'odo. Rumongeo atuu, tesingkaomo tekuda-Do i Ue. Ka i'amba api-Do i Ue melanga i olodo ka ikaano wiwino pekemaa.

Podoaa 11:1 ပူးပေါင်းရင်းမြစ်များ

Tegagia 38:10

Sine hapa anu wineweuno atuu mosa'o a pongkita-Do i Ue, onaemo ka Dopepateo mbo'u i Ue.

2 Samueli 11:27

Mansano laloomo tempo mo'inombo, I Daudi montena mia wawao beine atuu i rahano. Onae gagiomo kombiano ka ipe'anaakono asa anano tama. Sine, anu wineweuno i Daudi atuu mosa'o a pongkita-Do i Ue.

2 Mokole 1:12

Sine sumangki i Elia ndi onae, ”Tewala ongkue tetenaa-Do Ue Ala, Po'ineeomo kai petii api inso i langi kai pingko ikaako saru lima pulu ana buamu.” Onaemo kai petii api-Do Ue Ala inso i langi kai pingko ikaano onae saru lima pulu ana buano.

Ayubi 1:16

Kontongaano mepau mia atuu, hawe mia susua ka ipotae, ”Mesilawiomo api inso i langi ka pingko itunuo bawaano bembe bimba ka luwuno puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Po'unde-unde 106:18

Api melanga a mpenggowoado, langano api mokomo'aio luwuno mia mosa'o gauno atuu.

Po'unde-unde 78:21

Onaemo pu'uno, tempono rumongeo mongkona atuu, Ondae i Ue bamburu, ka i'amba kolanga-langaomo api umaluo i Yako, ka tekuda-Do tesingka umaluo Isaraeli,

Po'unde-unde 78:63

Luwuno ana ntama kontuwuado memo'ai, ka luwuno ana beine kontuwuado nami dome'inunde-undeako penani petaoa;

Peluarakoa 16:7

Ka tempono mo'oru komiu mengkitao maramba-Do i Ue, nde Dorongeomo pewuruki miu ndi Ondae. Nde isemake omami andio, ka impewuruki ndi omami?”

Peluarakoa 16:9

Ipotae i Musa ndi Haruni, ”Pauako iramo luwuno bawaa Isaraeli ka dome'aiwamo umpeda i aro-Do i Ue nde Dorongeomo pewurukido.”

Yesaya 10:17

Mewineno Isaraeli ta gagi api, ka Anu Tedoa Mempori, Ondae Ue Alano, gagi langano api. Ira sumongko ka pingko ikaano ewo ka rui meronga a oleo anu mengkena.

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 33:14

Mia mentehala ntededengke i Sioni mia anu mpebungkui Ira i Ue ipabawai ira doitoa. Dompotae, ”Isemake i oloto anu polio mo'ia umpeda api anu mompokomo'ai andio? Isemake i oloto anu polio mo'ia umpeda a pompotuwua api anu nahina tampulaano andio?”

Ponsabangi 3:39

Tembio mia anu tuwu me'anaiki? Sompo mia anu nahi pompesompo hangano halano!

Yehesikieli 20:36

Kana Kupekara-karaako ira uempu'umiu i pada one i wita Masiri, kanatuumo Aku mekara-karaakomiu, kanandiomo pau-Do Ue Ala.

Imama 10:2

Onaemo kai peluarako api inso i aro-Do i Ue tumunu orua ira, ranta ka domate i aro-Do i Ue.

Nahumi 1:5

Luwuno torukuno melelu i aro-Do, ka luwuno pongku loono. Tolino tetande i aro-Do, wawontolino saru luwuno palilino.

Habaku 3:5

I aro-Do melempa haki lele ka haki lele tumondao hanga-Do.

Podoaa 10:33

Ka i'amba mpelungka iramo inso a ntorukuno-Do i Ue ka mpelempa otolu oleo olaino pelempaa, sekono Burua pedandia-Do i Ue melungka i arodo ka mpelempaa otolu oleo olaino pelempaa mpo'ungke po'ianga pena-naado.

Podoaa 11:18

Sine, a tongku atuu asalakono pauako ira: Pokomemporiomo koroimiu tiano tisomo, tempono komiu mpokaa bau. Kombake mpengese komiumo i aro-Do i Ue, saru mpotae: isemake anu ta moweeakami mongkaa bau? Moiko ntu'u tomentuwu i Masiri? Onaemo pu'uno Ondae i Ue Ira moweeakomiu bau kai mpokaa.

Podoaa 12:2

Dopotae, ”Mentee ntu'u ke Ondae i Ue mepau butu telalo ndi Musa? Kombake Ondae mepau telalo mbo'u ndi ontae?” Mongkona atuu Dorongeo i Ue.

Podoaa 14:2

Luwudo to Isaraeli mpewuruki ndi Musa ka ndi Haruni ka luwuno bawaa atuu mpotaeako ira, ”Ha, ba kimematemo koa i wita Masiri ke i pada one andio!

Podoaa 14:22

luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku,

Podoaa 14:27

”Hawe te'ipia mbo'u ke bawaa anu lambaha andio mpewuruki ndi Ongkue? Luwuno pewurukido to Isaraeli ndi Ongkue Kurongeomo.

Podoaa 14:28

Pauako iramo: Hangano Ongkue anu tuwu, kanandiomo pau-Do i Ue, mentee ntu'u kana anu pinaumiu i aro-Ku, kanandiomo Aku weweuo ndi omiu.

Podoaa 16:11

Onaemo pu'uno, omue ka luwuno bawaa tumondako kontongaamiu memoroko umewai Ira i Ue. Hangano isemake i Haruni, kai mpewuruki ndi onae?”

Podoaa 16:35

Ka i'amba meluarakoomo api inso ndi Ondae i Ue kumaano ranta ka ipingko rua etu ka lima pulu mia anu mpopesombaako dupa atuu.

Podoaa 17:5

Mia anu bininiki-Ku, tukono ta mentumba; kanandiomo kuliahakono inso ndi Ongkue pewuruki anu pinaudo to Isaraeli ndi omiu.”

Podoaa 21:5

Ka do'amba mpepauki umewai Ira Ue Ala ka i Musa, ”Tembio ka Iwawa kami mpeluarako inso i Masiri? Ka kimemate i pada one andio? Hangano i ndi'ai nahina roti ka nahina uwoi, ka kaanga motewe andio nte'osa kamimo.”

1 KORINTI 10:10

Ka si mpewuruki, kana anu wineweudo ba opia mia inso ndi ondae, ranta mala'eka pompepate mepate ira.

Winali 25:18

Dotowoki komiu a nsala ka luwuno mia molema a baresi i bungkumiu dosapoi ira, kontongaamiu mokendo ka ntelusa. Nahi domedoitoako Ira Ue Ala.

Winali 32:22

Hangano tekuda-Ku pinolangaomo api ka melanga hawe a mpo'iangado mia mate. Api atuu tumunuo tolino ka hasilino, mokomo'aio pu'uno luwuno torukuno.

Winali 9:22

I Tabera, i Masa ka i Kiberoti-Taawa, wela komiu mokontekuda Ira i Ue.

IBARANI 12:29

Hangano Ondae Ue Alato onaemo api anu mompokomo'ai.

YAKOBU 5:4

Menteeano terongeomo pebooli meroku, hangano nahi ime'owahio tambodo mia anu mensowio hasilino leremiu, ka haweomo a biri-Do Ueno luwuakoano pompemasusado anu mponsewo hasilino leremiu.

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.