Podoaa 10:12 - Wunta Mempori

¹² To Isaraeli mbo'u mpelungka inso i pada one Sinai montonda potudano pelungkado, ranta kai penaa-naa seru atuu i pada one Parani.

Podoaa 10:12 ပူးပေါင်းရင်းမြစ်များ

Tegagia 14:6

ka to Hori i Seiri, mentorukunodo, hawe i Eli-Parani umpeda i pada one.

Tegagia 21:21

Onae mo'ia i pada one Parani, ka ineno mo'alaakono beineno inso i wita Masiri.

1 Mokole 11:18

Mpelungka ira inso i Midia ka domehawe i Parani, ka do'amba mpowawa ba opia mia inso i Parani ka domelako i wita Masiri ndi Pirao, mokole i wita Masiri. Ondae mokole moweeakono raha ndi Hadadi, mompatindaakono kaanga ka ipoweeakono asa ntia wita.

Peluarakoa 13:20

Mpelungka iramo to Isaraeli inso i Sukoti ka mpekema i Etami, i wiwino pada one.

Habaku 3:3

Ondae Ue Ala aiwa inso i wita Temani, Anu Tedoa Mempori inso a mentorukuno Parani. Sela Langkaino pabawa-Do buketio langi, ka tolino bukeako po'unde-unde ndi Ondae.

Podoaa 1:1

Mepau Ira i Ue ndi Musa i pada one Sinai a laro Kema Tepotowoa, a ntanggala asa wula ko'orua a nta'u ko'orua umarido mpeluarako inso i wita Masiri.

Podoaa 10:33

Ka i'amba mpelungka iramo inso a ntorukuno-Do i Ue ka mpelempa otolu oleo olaino pelempaa, sekono Burua pedandia-Do i Ue melungka i arodo ka mpelempaa otolu oleo olaino pelempaa mpo'ungke po'ianga pena-naado.

Podoaa 12:16

Ka i'amba mpelungka iramo inso i Haseroti ka mpekema i pada one Parani.

Podoaa 13:26

Melako ira ntepohaweakono i Musa, i Haruni ka luwuno bawaa Isaraeli i Kadesi, i pada one Parani. Mpowawa ira lele ndi ondae ka a luwuno bawaa saru mopokitao hasilino wita atuu ndi ondae luwudo.

Podoaa 13:3

Ka i'amba i Musa tumena ira inso i pada one Parani, menunu saru petena-Do i Ue. Luwudo mia atuu onaemo petewawa i olodo to Isaraeli.

Podoaa 2:34

To Isaraeli mbo'u mpoweweu kona ntu'u kana parenta-Do i Ue ndi Musa. Kanandiomo dompekema montonda bandera tepo'asaado, ka kanandiomo dompelungka, singge mia montonda sukuno ka pepe'etuno.

Podoaa 9:1

Mepau Ira i Ue ndi Musa i pada one Sinai, ia wula amba-ambano ta'u ko'orua umarido mpeluarako inso i wita Masiri,

Podoaa 9:17

Sompo ipewuatako seru atuu inso i wawono Kema, to Isaraeli mbo'u mpelungka, ka a mpo'iangano seru atuu, i ra'aimo dompekema to Isaraeli.

Podoaa 9:5

Onaemo ka dompokomaroao Pasa ia wula amba-ambano, oleo kohopulu ka opaa wula atuu i tempono ngkiniwia i pada one Sinai. Kona ntu'u kana parenta-Do i Ue ndi Musa, kanandiomo domeweweuo to Isaraeli.

Winali 1:1

Ndiomo pau anu pinohaweno i Musa a luwudo to Isaraeli i asatowano koro Yarade, i pada one, i Araba-Yarade, tepo'aro saru Supi, olono Parani ka Topeli, Labani, Haseroti ka Di-Sahabi.

Winali 1:19

Ka to'amba mpelungka inso i Torukuno Hore ka tompelempa lumaloo luwuno pada one anu malua ka mongkokongiri anu imengkitaomo, te'aro i mentorukuno witado to Amori, kana anu Doparentaa kita i Ue, Ue Alato. Ka to'amba mehawe i Kadesi-Baranea.

Winali 1:7

Impelungkamo ka imelakomo a mentorukuno witado to Amori ka a luwuno daera petengi-tengino i Araba-Yarade, i Mentorukuno, i Sepela, i Wita Nege ka i wiwi ntahi, onaemo witado to Kana'a, imelako mbo'u i Libano hawe a ngkoro Eparata, korono anu langkai atuu.

Winali 33:2

Ipotae, ”Ondae i Ue aiwa inso i Sinai ka mesabaako ndi ondae i Seiri, Mewanta inso a torukuno Parani. Aiwa Ira meronga saru bawaa mempori mapasowu-sowu hadiono; i koana-Do tengkita ndi ondae api anu melanga.

1 Samueli 25:1

Mateomo i Semueli ka luwudo to Isaraeli mpepumpu mpo'inomboakono. Ka domengkaburuo i Rama, po'iangano. I Daudi lumako i Pada One Parani.