Podoaa 10:1 - Wunta Mempori

¹ Mepau Ira i Ue ndi Musa,

Podoaa 10:1 ပူးပေါင်းရင်းမြစ်များ

Tegagia 42:13

Ka do'amba mesangki, ”Omami atamiu andio hopulu ka orua mpepaekompo, ana inso a asa ama i wita Kana'a, sine anu tompasusu kanandio-andio kongko ndi ondae amamami ka anu asa mia mbo'u nami kongko.”

Tegagia 46:15

Onaemo atuu luwuno ana ntamano i Lea, anano i Yako anu pine'anaako i Padana-Arami saru i Dina, anano anu beine. Luwuno tama ka beine, porokono tolu pulu ka otolu mia.

2 Samueli 6:15

I Daudi ka luwuno to Isaraeli mewawao Burua-Do Ue Ala tinondaako peboo-booli ka unino tawuwua.

2 Mokole 11:14

Ikitao mokole mentade umpeda a ngkaru raha-Do i Ue, menunu saru anu wela wineweu, kontongaado anu langkai potorono saru luwuno puu pompuuri tawuwua kongko umpeda ndi ondae mokole. Luwuno palili mpo'unde ka dompopuuri tawuwua. I Atalia berio sangkano ka ipebooli, ”Domerontuomo pabawaku, domerontuomo pabawaku!”

2 Tawarika 23:13

Ikitao mokole mentade umpeda karuno langkanaeno a nsala mewinso, kontongaado anu langkai potorono saru luwuno puu pompuuri napiri kongko umpeda ndi mokole. Luwuno palili i wita atuu memawongko ka dompopuuri napiri, kontongaano luwuno puu mpenani saru luwuno parewa mpenanido, wawao penani po'unde-unde, i Atalia berio sangkano ka ipotae, ”Domerontuomo pabawaku, domerontuomo pabawaku!”

2 Tawarika 5:12

Luwuno puu mpenani to Lewi, onaemo i Asapi, i Hemani, i Yedutuni saru luwuno nana'ote ka luwuno pepaekompono, luwuno mpentade i sabaano oleo meda pontunua pesomba, mpesangka lena alusu ka saru simbali, gambusu ka katapi, meronga asa etu ka rua pulu sando mpesomba puu pompuuri napiri.

2 Tawarika 7:6

Luwuno sando mpesomba ntetinda iramo mpentade a mpo'iangado. Kanatuu koa mbo'u luwuno to Lewi saru luwuno parewa mpenani, parewa mpenani anu wineweuno i mokole Daudi umunde-unde Ira i Ue, ”Menteeano ranta nahina tampulaano petenunu ka pompehohawa-Do!” tempono i Daudi menaniako po'unde-unde molalo ondae. Ka i'amba ntepo'aro saru ondae, luwuno sando mpesomba mpopuuri napiri ka luwuno to Isaraeli mpentade.

Esera 3:10

I tempono pondasino Raha Mempori-Do i Ue domeweweuo mia mpo'angga, luwuno sando mpesomba mpesangkaako sangka sando mpesomba ka mpowawa napiri, saru luwudo to Lewi inso a inuleno i Asapi mpowawa tawa-tawa kodei, umunde-unde Ira i Ue, montonda pontiso inso ndi Daudi, mokoledo to Isaraeli.

Po'unde-unde 47:5

Ondae mobinikiakami wita pusakamami, pino'undeakono i Yako anu pinehohawa-Do. Sela

Po'unde-unde 81:3

Wuatakonomo penani, po'uniomo rebana, katapi anu molino unino, tinondaako gambusu.

Po'unde-unde 98:6

saru napiri ka tawuwua anu meroku mengkokora-koramo temaroa i aro-Do i Ue, Ondae Mokole!

Podoaa 1:52

To Isaraeli asalakono singge mekema a mpekemaano saru bandera tepo'asaano, montonda sorodaduno.

Podoaa 10:2

”Weweuomo orua napiri inso a nsalaka. Asalakono uweweuo atuu inso a nsalaka pinalu, ka upakeo moboi ira bawaa Isaraeli ka tumena ira sorodadudo mpelungka.

Podoaa 29:1

A ntanggala asa wula ko'opitu, asalakono impoweweu tepumpua mempori. Si mpo'angga anggaa hapamokoa anu mobea. Onaemo oleo i puuriakomiu serunai.

Podoaa 7:2

luwuno petewawado to Isaraeli, luwuno petewawado anu mpepe'etu, mpopesombaako pesomba. Ondae atuu luwuno petewawa suku anu mento'orio peburia atuu.

Podoaa 9:23

A mpetena-Do i Ue dompekema ka a mpetena-Do koa mbo'u i Ue dompelungka. Dompekarioa anggaado ndi Ondae i Ue, montonda petena-Do i Ue telalo ndi Musa.

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

Yosua 6:4

ka opitu ira sando mpesomba mpowawa tawuwua tandu bimba i arono burua pedandia. Sine i oleo ko'opitu, pepintu imebolilio kota atuu, ka sando mpesomba mpopuuri tawuwua.

MENGKAAA 8:2

Ka ku'amba kumitao opitu mala'eka, anu mpentade i aro-Do Ue Ala, ka ndi ondae wineeako opitu tawuwua.

Puu Mpobitara 7:20

Kanatuumo otolu ntia puu mpetea atuu mempuurio tawuwua ka mempehao kusi, manggalido mpo'ini pansona ka ikoanado tawuwua anu ta pinuuri, ka dompebooli, ”Ponai a nee-Do i Ue, ka a neeno i Gideo!”