Podoaa 1:53 - Wunta Mempori

⁵³ Sine to Lewi asalakono mpekema lumimbuo Kema Mempori, po'iangano songka-Do Ue Ala, kasi dokona ntekudaako bawaa Isaraeli. To Lewi asalakono mpekakaakono Kema Mempori, po'iangano songka-Do Ue Ala.”

Podoaa 1:53 ပူးပေါင်းရင်းမြစ်များ

1 Tawarika 23:32

Ondae asalakono mpekakaakono anggaado a Ngkema Tepotowoa ka po'ianga mempori, saru anggaado mpokowali ira anano i haruni, luwuno pepaekompodo a mpoweweua pesomba i raha-Do i Ue.”

2 Tawarika 13:10

Sine ndi omami, Ondaemo i Ue, Ue Alamami ka nahi kimebinta Ira. Luwuno sando mpesomba anu mpekakaako Ira i Ue, onaemo luwuno anano i Haruni, sekono to Lewi a mpo'anggaado.

2 Tawarika 13:11

Sompo mo'oru ka ngkiniwia to Lewi mpontunuako Ira i Ue pesomba tinunu ka dupa mo'ahi, mpopotuda roti pesomba a wawo meda anu morina ka me'atorao hulu mekaru inso a wulaa saru luwuno huluno ka ipinolanga sompo ngkiniwia. Menteeano, omami anu mpekakaakono anu asalakono kami meweweuo ndi Ondae i Ue, Ue Alamami, sine omiu mebinta Ira.

Yeremia 23:15

Onaemo pu'uno kanandiomo pau-Do Ueno luwuakoano mongkona luwuno nabi atuu, ”Menteeano, Aku weweu ira mpongkaa rasu mopa'i ka mpo'inu uwoi merasu, hangano inso a luwuno nabi i Yerusale pinogau mosa'o lumeleomo a luwuno wita.”

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Imama 10:6

Ka i'amba motae i Musa ndi Haruni saru ndi Eleasa ka i Itamari, luwuno anano i Haruni, ”Siimo impo'inombo, mpo'ineeo wuumiu tekale ka berio sangkamiu, kasi memate ka luwuno bawaa andio Dotekudaako ira i Ue. Luwudo pepaekompomiu tongku Isaraeli ondaemo anu asalakono mpengese hangano api anu pinokomelanga-Do i Ue atuu.

Podoaa 1:50

Sine, tena iramo medagaio Kema Mempori, po'iangano songka-Do Ue Ala saru luwuno sangka ka parewano. Ondae asalakono mentandeo Kema Mempori saru luwuno sangkano ka mpekakaakono saru mpekema melimbuo.

Podoaa 1:54

To Isaraeli mbo'u meweweuo kona ntu'u kana parenta-Do i Ue ndi Musa. Kanandiomo anu domeweweuo.

Podoaa 16:46

Mepauomo i Musa ndi Haruni, ”Alaomo pontunua halo, naaomo api i larono inso i wawono meda pontunua pesomba ka ponaakono dupa. Lakomo pontuturako a bawaa ka weweuako iramo pesintuwua, hangano tensingkaomo tekuda-Do i Ue, ka pohuku mompu'uomo.”

Podoaa 16:9

Nde napi mpesompoo, nine Doponsia komiu Ue Alado to Isaraeli inso a bawaa Isaraeli ka me'ineheako umpeda ndi Ondae, ka ime'anggao anggaa a Ngkema Mempori-Do i Ue ka mpentade i arono bawaa mekakaako ira,

Podoaa 17:7

I Musa numaao luwuno tuko atuu i aro-Do i Ue a laro kema po'iangano songka-Do.

Podoaa 2:17

Umarino atuu Kema Tepotowoa ka sorodadu to Lewi mpelungka i tonga-tongano sorodadu anu susua atuu. Mengkena kana dompekema, kanatuu koa mbo'u dompelungka, singge mia a mpo'iangano montonda bandera tepo'asaado.

Podoaa 3:23

Luwuno sukuno i Geresoni andio mpekema i bungkuno Kema Mempori, i sumooano oleo.

Podoaa 3:29

Luwuno suku inuleno i Kehati andio mpekema i horino Kema Mempori, te'alaako i selata.

Podoaa 3:35

Petewawado inule a luwuno suku Merari, onaemo i Surieli anano i Abihaili. Ondae mpekema i horino Kema Mempori te'alaako i utara.

Podoaa 3:38

Anu mpekema i arono Kema Mempori i sabaano oleo, i arono Kema Tepotowoa, te'alaako a mpesabaakoano oleo, onaemo i Musa ka i Haruni saru luwuno anano. Ondae me'anggao anggaa pekakaakoano po'ianga memporido to Isaraeli. Mia biasa anu merangkuhako, asalakono hinuku mate.

Podoaa 31:30

Sine inso a ntia anu entonga mbo'u tiado to Isaraeli, asalakono alao asa inso a sompo lima pulu mia, sapi, kalide, asa bawaa bembe bimba, maupo luwuno pinotuwu susua, ka i'amba meweengakono luwuno a nto Lewi anu mpo'angga i Kema Mempori-Do i Ue.”

Podoaa 31:47

Ka i'amba i Musa umalao inso a ntia anu entongano tiado to Isaraeli atuu asa inso a sompo lima pulu, moiko mia maupo pinotuwu, ka i'amba meweengakono luwuno a nto Lewi anu mpo'angga i Kema Mempori, kana parenta-Do i Ue ndi Musa.

Podoaa 8:19

Kupeweengako ira to Lewi inso i tonga-tongado to Isaraeli gagi pompowee ndi Haruni ka luwuno anano ka domeweweuo luwuno anggaa tiado to Isaraeli i Kema Tepotowoa ka dompoweweu pesintuwua tiado to Isaraeli, kasihina pohuku i olodo to Isaraeli tempono dome'umpeda a mpo'ianga mempori.”

2 TIMOTIU 4:2

Paleleomo pau-Do i Ue, pepatindamo moiko ke nahi moiko tempono, pokomengkaaomo hapa anu sala, kuahakono ka patuduomo a luwuno maurua ka pompaguru.

1 Samueli 6:19

Asa ntia to Beti-Semesi Dopepate ira, hangano mpekita ira i larono Burua Pedandia-Do i Ue, pitu pulu mia, i olodo anu mate. Mpo'inombo ira palili, hangano Ondae i Ue mepate ira tedoa mongkokongiri.