Podoaa 1:50 - Wunta Mempori

⁵⁰ Sine, tena iramo medagaio Kema Mempori, po'iangano songka-Do Ue Ala saru luwuno sangka ka parewano. Ondae asalakono mentandeo Kema Mempori saru luwuno sangkano ka mpekakaakono saru mpekema melimbuo.

Podoaa 1:50 ပူးပေါင်းရင်းမြစ်များ

2 Tawarika 24:6

Ka i'amba mokole moboio sando mpesomba langkai Yoyada ka ipesikeno ndi onae, ”Tembio nahi utuntuo a nto Lewi ka dompowawa inso i Yehuda ka inso i Yerusale sima'uluku anu pinopotembino i Musa, tetenaa-Do Ue Ala atuu a bawaa Isaraeli, tiano mowangu Kema po'iangano songka-Do Ue Ala?

Nehemia 12:22

Mongkona to Lewi, luwuno petewawado ondae anu mpepe'etu teburi tempono i Eliasibi, i Yoyada, i Yohanani ka i Yedua, sekono luwuno sando mpesomba teburi hawe a pomparentaano i Dariusi, to Peresia.

Nehemia 12:47

Tempono i Serubabeli ka i Nehemia luwuno to Isaraeli moweeako ira puu mpenani ka puu mpodagai pewowa langkai anu kineredo sompo oleo ka moweeako ira pesomba mempori a nto Lewi. Ka do'amba to Lewi mpoweeako ira pesomba mempori a luwuno anano i Haruni.

Nehemia 12:8

Inso a luwudo to Lewi: i Yesua, i Binui, i Kadimieli, i Serebia, i Yehuda ka i Matania. Matanomo saru luwuno pepaekompono metewawa menani po'unde-unde,

Nehemia 13:22

Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Nehemia 13:5

ka ipatindao asa bolongko langkai tiano i Tobia. I ndi'ipua a bolongko atuu, mia mpowawa pesomba kaanga, dupa, luwuno parewa ka pesomba tia hopulu, onaemo gandu, anggoro ka lana anu gagi tiado to Lewi, luwuno puu mpenani ka puu mpodagai pewowa langkai, saru pesomba pinesusua tiado sando mpesomba.

Po'unde-unde 122:4

I ra'ai luwuno suku dompekoho, luwuno suku-Do i Ue, ka dompontarimakasi a nee-Do i Ue menunu saru atorado to Isaraeli.

Peluarakoa 31:18

Mansa-Do umari mepau ndi Musa i torukuno Sinai, Ondae i Ue meweengakono ndi onae orua watu poburia songka, watu anu binuriako toniso-Do Ue Ala.

Peluarakoa 38:21

Ndiomo hadiono sangka anu pinake a Ngkema mempori, Kema po'iangano songka-Do Ue Ala, a parentano i Musa domeburio to Lewi i totono petewawano i Itamari, anano sando mpesomba i Haruni.

Podoaa 1:53

Sine to Lewi asalakono mpekema lumimbuo Kema Mempori, po'iangano songka-Do Ue Ala, kasi dokona ntekudaako bawaa Isaraeli. To Lewi asalakono mpekakaakono Kema Mempori, po'iangano songka-Do Ue Ala.”

Podoaa 10:21

Umarino atuu mpelungka iramo to Kehati, anu mentandeo luwuno sangka po'ianga mempori; Kema Mempori pinasaomo se'eluno napi domehawe.

Podoaa 17:7

I Musa numaao luwuno tuko atuu i aro-Do i Ue a laro kema po'iangano songka-Do.

Podoaa 18:5

Asalakono ime'anggao anggaamiu a mpo'ianga mempori ka anggaamiu a meda pontunua pesomba, kasi tekuda-Do i Ue umalu ira mbo'u to Isaraeli.

Podoaa 2:17

Umarino atuu Kema Tepotowoa ka sorodadu to Lewi mpelungka i tonga-tongano sorodadu anu susua atuu. Mengkena kana dompekema, kanatuu koa mbo'u dompelungka, singge mia a mpo'iangano montonda bandera tepo'asaado.

Podoaa 20:11

Umarino atuu i Musa tumandeo kaeno, ka i'amba tumunduhiakono tukono pendua pongku watu atuu, onaemo ka ipeluarako hadio uwoi, ranta ka dompo'inu bawaa atuu ka pinotuwudo.

Podoaa 4:15

Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati.

Podoaa 4:3

Idoaomo anu tinuwuno tolu pulu nta'u ka torea hawe lima pulu nta'u, luwuno anu temponomo ipo'angga, ka dome'anggao anggaa i Kema Tepotowoa.

Podoaa 8:19

Kupeweengako ira to Lewi inso i tonga-tongado to Isaraeli gagi pompowee ndi Haruni ka luwuno anano ka domeweweuo luwuno anggaa tiado to Isaraeli i Kema Tepotowoa ka dompoweweu pesintuwua tiado to Isaraeli, kasihina pohuku i olodo to Isaraeli tempono dome'umpeda a mpo'ianga mempori.”

Podoaa 8:20

Ka i'amba i Musa, i Haruni ka luwuno bawaa Isaraeli meweweuo mongkona atuu a nto Lewi. Kona ntu'u kana parenta-Do i Ue ndi Musa mongkona to Lewi, kanatuumo domeweweuo to Isaraeli ndi ondae.

Podoaa 8:22

Umarino atuu mpewinso iramo to Lewi ka dome'anggao anggaado a Ngkema Tepotowoa, i Haruni ka luwuno anano anu dumagai ira. Kana parenta-Do i Ue ndi Musa mongkona to Lewi, kanandiomo domeweweuo.

MENGKAAA 15:5

Ka i'amba umarino atuu kukitao mia umungkahio Raha Mempori – kema ponsakosii – i suruga.