PILIPI 4:9 - Wunta Mempori

⁹ Ka hapa anu impepaguruakonomo ka hapa anu imentarimaomo, ka hapa anu imerongeomo ka hapa anu imengkitaomo ndi ongkue, imeweweuomo atuu. Ka Ondae Ue Ala pu'uno rodoa Ira kumongkomi komiu.

PILIPI 4:9 ပူးပေါင်းရင်းမြစ်များ

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 8:10

Impotudaomo akala, manasa nahi ta gagi! Impo'alamo tepo'asaa mpau, manasa nahi ta pinokoweweu! Hangano Ondae Ue Ala kumongkomi kami!

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MATIU 7:21

Komba sompo mia anu mebooli ndi Ongkue: Ue, Ue! ta mewinso a laro Poparentaa suruga, tendeano mia anu weweuo po'ehe-Do Ama-Ku anu i suruga.

I LUKASI 6:46

”Tembio ka impebooli ndi Ongkue: Ue, Ue, kahinaano nahi meweweuo hapa anu pinau-Ku?

I LUKASI 8:21

Sine Dosangki ira, ”Ine-Ku ka pepaekompo-Ku onaemo ondae anu merongeo pau-Do Ue Ala ka meweweuo.”

I YOHANE 13:17

Tewala imento'orio luwuno andio, meme'ura komiumo, tewala imeweweuo.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

I YOHANE 2:5

Sine ine-Do i Yesu motaeako ira anu mpompekakaako, ”Hapa anu imempinauako, imeweweuomo atuu!”

WINEWEUDO TINENA 9:6

Sine pewangumo ka lakomo a laro ngkota, i ra'ai kopinauako, hapa anu asalakono ka uweweuo.”

ROMA 15:33

Ondae Ue Ala, pu'uno rodoa, kumongkomi komiu luwu! Ami.

ROMA 16:20

Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

1 KORINTI 14:33

Hangano Ondae Ue Ala nahi Dope'eheo marisua, sine rodoa.

1 KORINTI 4:16

Onaemo pu'uno ka ku'emao ndi omiu: imentondaomo pandiriku!

2 KORINTI 13:11

Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

PILIPI 3:17

Pepaekompo, imentondaomo pandiriku ka imperio iramo, anu mentuwu mpengkena kana omami anu gagi pandirimiu.

PILIPI 4:7

Rodoa inso ndi Ondae Ue Ala, anu lumaloio luwuno akala, ta mekariao aroa ka pinewowolomiu ndi Ondae i Kerisituu Yesu.

1 TESALONIKA 1:6

Ka megagi komiumo mentonda kami ka tumonda Ira i Ue; a laro pompokonsiia anu mobea imentarimaomo pau atuu a mawongkono aroa anu inangga-Do Penaa Mempori,

1 TESALONIKA 2:14

Hangano omiu, pepaekompo luwu-luwu, gagi komiumo mentonda ira bawaa-Do Ue Ala i Yudea, luwuno bawaa ndi Ondae i Kerisituu Yesu, hangano memarasai komiumo mbo'u inso a mpe'asa tongkumiu luwuakoano anu pinemarasaido inso a nto Yahudi.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

2 TESALONIKA 3:4

Ka kimpe'ala-alao ndi Ondae i Ue, nine hapa anu kime'oliwiakomiu, imeweweuo ka komiu meweweuo.

2 TIMOTIU 4:22

Ondae i Ue kumongkomio penaamu, Pe'aroa-Do kumongkomiko!

YAKOBU 1:22

Sine ka imegagimo anu meleluakono pau ka komba butu anu mporonge mpena; hangano tewala komba kanandio imempopo'oo omiu-miu koroimiu.

2 PETURU 1:10

Onaemo pu'uno, pepaekompoku luwu-luwu, impe'usahamo ntu'u, ka ikomoro-morosono poboimiu ka tebinikimiu. Hangano tewala imeweweuo, nahi komiu hori ntetidu.

1 YOHANE 3:22

ka hapamo koa anu inemato, tomehaweo inso ndi Ondae, hangano tomentondao luwuno parenta-Do ka mpoweweu hapa anu Dopemoikoo.