PILIPI 4:17 - Wunta Mempori

¹⁷ Sine anu inungkeku komba pompowee atuu, tendeano wuano, anu tekense mokolangkaio uramiu.

PILIPI 4:17 ပူးပေါင်းရင်းမြစ်များ

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Mika 7:1

Masola akumo ntu'u! Hangano teweweuku kana puu mpobini wua umarino popumpua wua tempono motu'i-tu'i, umarino po'opua mbo'u wua anggoro: nami hina mbo'u wua anggoro ta kinaa, ke wua ara anu ineheku.

Maleaki 1:10

Ande-andeno hinao i olomiu anu tondoo pewowa ranta omiu nahi mpopolanga api a meda pontunua pesomba ndi Ongkue nahina pengkonaano. Nahi Aku tumarima komiu, pau-Do Ueno luwuakoano, ka nahi Aku mbo'u behe tumarimao pesomba inso a ngkaemiu.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

ROMA 15:28

Tewala kupoko'umariomo anggaa atuu ka kupeweengakonomo hasilino inanggado luwuno tongku susua atuu ndi ondae, aku melungka lumako i Sipano lumaloo kotamiu.

2 KORINTI 11:16

Kuwalio mbo'u: si hina mia anu motaeakune benge-benge. Ka tewala mpotae komiu koa mbo'u kanatuu, imentarima akumo kana mia benge-benge ka imoiko kumawongko tedei.

2 KORINTI 9:5

Onaemo pu'uno ka ku'oluako ira pepaekompo atuudo ka dompelungka mpese'elungi aku, ka dontese'elu mesongkapio pompowee anu imedandiomo se'eluno, ka itepatinda te'ingka gagi tondonino pe'aroamiu ka komba gagi pompowee anu dinadai.

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 4:11

Kupauo andio komba hangano makura, hangano mepaguru akumo mesompoo a luwuno teweweu.

1 TESALONIKA 2:5

Hangano nahi kimehori mpo'o'ahiti – mongkona atuu imento'orio – ka komba hori hina tinoomami medokoli anu tewuni – Ondae Ue Ala sakosii –

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

2 PETURU 2:15

Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.